تحليل المؤشر بشارت الطيران (اكثر دقة )

[ابو ابراهيم]

السلام عليكم

مساء الخير

بعد دراسه متمعقة جداً

ومناقشة المحللين الثقات ومناقشة المطبلين ومناقشة المرجفين

ومناقشة وديع وابو ليانو وصلنا الى الاتي

نحن الان جايين في مسار جانبي ونلمس البحر

والبحر يعني كسر 7000

يعني الهبوط لابد منه لكن نريد هبوط مريح لنا جميعاً

والمسار الجانبي هالسنه كاثر علينا مادري وش السبب بكل صراحه

التحليل نحن الان كذا على بلاطه





مع الارتدادت البسيطه نكون مره كذا ومره كذا



ولكن احب اطمئنكم اننا مرينا بشي اقوى من كذا وطلعنا

ولكن الصبر شوي

واحب اقولكم ترانا كنا كذا تحت 7000

ومن ثما اقلعنا حتى وصلنا 7777 تقريباً







والا وش رايكم ما استاهل لقب محلل فني

اخوكم

[ابو ابراهيم]

وبكل صراحه هذا تاريخي التحليلي امامكم

لا اخفيكم انني كنت لا اعرف التحليل ووهقت ناس معي كانو معي على الرحله

ولكن كانت الخسائر بسيطة جداً

كان المؤشر ماشي معي كويس ولكن هبطنا آآآآآآآآآسف قصدي هبدنا

واشوى الطيارة ماغرقت يعني شوي



ومره هبدنا بعد



وابشركم تعلمت من اخطائي

[ابوسامر]

ابداع كالعاده
ربي يسعدك

[طيب القلب]

اهم شيء الطيارة ما غرقت
وتروح فيها شركات التامين
وهالشئ يحسب لك لا عليك
موضوع رايق أبو إبراهيم

[عبدالعليم]

يقولون : لن تكسب الميه حتى تخسر التسعه والتسعين .

قد يكون الإجتهاد الخاطئ في التحليل الفني طريق إلى النجاح .

نراهم اليوم يستخدمون لسعات النحل كعلاج لبعض الأمراض ! ولو تفكرنا لوجدنا أن لسعة النحلة مؤلمة للمريض ومميتة للنحلة ولكن النتيجة إن أراد الله مفيدة .

الحماس والعزيمة في طلب العلم سوف تعود بثمارها حتما على صاحبها .

بارك الله فيك أخي ابو ابراهيم .

[ADMIN]

ماعرف ايش اقول
القصه حلوه لكن مؤلمه
ههههه
ابغى اركب الطياره بس ما ابغى الهبدات
تسلم ايدك يامبدع

[BMK]

ابو ابراهيم
ذكرتني بفليم اجنبي قديم كوميدي
إسمه الطياره
تحيه لك
قدرت تجعلني ابتسم
الله يسعدك

[ام خاااالد]

ماشاء الله ابو ابراهيم تحليل مبتكر للسوق

[ابو ابراهيم]

ابداع كالعاده
ربي يسعدك

ابو سامر الله يستر لانغرق اهم شي معك ستره النجاة

مشكور يامشرفنا


طيب القلب
التامين فيها سر غريب وهو من يملك شركات التامين
مانعرف الا 5 شركات والباقي مانعرف هي لمين ياطيب القلب
وشرفتني ياطيب وتحيتي لك .

محللنا عبدالعليم
نعم طلب العلم مثل العلقم والصبر اشد مرارة
احس اني لخبطت بس اكيد انك فاهمني
والتحليل والله صعب انا مشيت شوي مع ابوعبدالله السليمي وكنت كاني اسبح معه على الشاطى وشوي ودنا للعميق ولاعاد عرفنا هو نسبح او نركز في التحليل

وهذي صورتي اثناء تعلمي التحليل مثل هذا الي يسبح



وكان وضعي ممتاز ودخل السليمي على الخط اللوغرمني وكلمات ماعرفها مثل الموجه تجي 3/3/3 و3/5/5/3/3 لو افرفش ماعرفتها الحاصل هذا الي حصل لي



ومشكور محللنا الفاضل .

اهلاً ياميرة المنتدى
ومبروك على اللقب ومبروك للقب على اميرة
القصه فعلاً غريبه طيارة وبحر بس وش اسوي هذا التحليل المعاصر
وسنكمل التحليل الليله ان شاء الله
والف شكر اميرتنا .

ابو ابراهيم
ذكرتني بفليم اجنبي قديم كوميدي
إسمه الطياره
تحيه لك
قدرت تجعلني ابتسم
الله يسعدك

اولاً شرفني حظورك ياBMK
طبعاً اسمك خذيته نسخ ولصق ماعرفت وين الحروف فيه الانجليزية
وابدور هالفيلم لايصير سارق مني الفكرة انا من زمان وانا افكر ولا انفذ
والحمد لله انني كسبت ابتسامتك
والله يحيك ويوفقك وشرفتني يابو اسم انقليزي

ام خالد ياهلا والله وسهلا
التحليل انواع والطيران سهل وممتع للجميع
والله يحيك

نكمل التحليل بعد قليل

[ابو ابراهيم]

نكمل التحليل

بس وين عراب المؤشر ابو عبدالله السليمي عشان يعطيني اللقب

طبعاً المؤشر قلنا انها يترنح مره يمين ومره شمال

ولكن اتوقع تكون له فزة قوية قصدي بدون توقع التحليل الفني
يقول كذا كني لخبطت او عادى

الان ممكن نقلع في لحظة





وانتم عارفين ان اكثر خطر هو في الاقلاع
ولكن اربطو الاحزمه وابشرو بالخير
انا عاصرت مطبات هوائية واقلاع طلع قلوبنا من صدورنا من الرعب
لكن هي ايام وتعدي
التحليل الفني الطيراني يقول الاقلاع سيكون مثل كذا من بكره





ركاب درجة اولى كلهم من المنتدى
انا ضامن نفسي دايم في اخر كرسي في الطيارة
ووضعي عليه الف علامه استفاهم
اي واحد يجي يدور في الطيارة ويتمشى يناظرني وكني راكب سيكل مع اني معهم في الطيارة ليه هم حقين درجة اولى شايفين انفسهم علينا
معليش طلعت من التحليل شوي بس تذكرت نظرتهم وانقهرت

وكان فيه مضيفة انا تعبت وابغى موية وهي ماهمها شي
ومشغلة سماعه جولها وترقص وانا رايح فيها

ولايفوتني اشكر المضيفة الثانية الي جابت لي موية

نكمل بعد قليل تحليل السوق الموازي

[ابو ابراهيم]

السوق الموازي

ان ارتفع زين وبركه وان نزل ماحد درى عنه
وهو في مرحله تجميع مع تشكيك مع اسرار
وهذي شارته





ماتدري وش صاير فيه

ولا عمري قريت لمحلل حلل فيه

وبعد ماححلته لكم طلع لي هذا ويقول






شي غريب كيف يصفني بالقاسي

[بلاك]

--------تم حذف الرابط لانه يزرع كوكيز --------


الله دائماً لطيف بعباده

قمه في التحليل ياطيار

[فهد بن عبدالله]

الله يبارك فيك يبو ابراهيم..
أما من ناحية التذبذب الجانبي مع الهبوط فالملاحظ ان صانع السوق اتخذ سياسه مخالفه لما كانت سابقآ وهي النزول القوي..
لكن كوجهة نظر مع أن المؤشر في نزول إلا أننا مطمئنين بل ونزود في كمياتنا مع كل نزول وهذا بفضل الله ثم بفضل المحللين في هذا المنتدى المبارك، عكس ما كان سابقآ وهو التدافع للبيع.

[mansur555]

بارك الله فيك يا ابو ابراهيم
مبدع كالعادة

اخافك توصي على سهم الطيااااار بصوره غير مباشره ههههههههه

[ابو رغد]

ابداع بنتقاء الكلام وابداع مطامر الطياره أتصدق رجعة مره ثانيه أقرأ أعجبني أسلوبك الراقي أسعدك الله بالدارين