أبو محمود
عضو قدير ومحب للمنتدى
الحالة
غير متصل
اناوجوالي
أنا علامي مضيع ماأمسك ريالي
دايم كما الموتر اللي فيه صرفيه
الظاهر أني خبل ماأدري يورالي
والحالة اللي تخبلني ضرورية
أصرف على هاتفي كنه من عيالي
حتى اعيالي مافيهم واحدن زيه
أذا شحنته مية تروح طوالي
وأعاود الشحن والمية ورى الميه
ماغير اشيله معي وأعطيه من مالي
دايم وهو معي في مخباي وايديه
يدي على أذني وأسولف بالخلا الخالي
من شافني قال عنده نقص عقليه
وإن جيت ابا أنام عانه طايح قبالي
أقوم أشوفه شويه وأرقد شويه
وأقوم أصلي وهو ماغاب عن بالي
أسجد وأسلم على رنه رومنسيه
لو أفقده ساعتين أعطل اعمالي
وأقوم واقعد معي مثل الحساسيه
وأشوف لي ناس مثلي حالهم حالي
مدري هو جنان أو حاجة طبيعيه
أكثرهم اللي بعد يشري من الغالي
شرايحه خمس وأرقام أمتيازيه
الله يستر بعد من جيلنا التالي
مايهرج إلا بجوالات عصريه
أفراد الأسره ماغير أجراس وأرسالي
العائلة كل أبوها مغنطيسيه
الطفل يرضع وفي مخباه جوالي
للطفل جوال والبيت اندونسيه
بندهور الأقتصاد أنا وأشكالي
من يوم صرنا على موضةحضاريه
رد مع اقتباس
مواقع النشر (المفضلة)