عاجل جدا تم اخذ اليوزر منه
السلام عليكم
اعرفكم بنفسي اسمي ابو فتحي انا صديق ابو ابراهيم وقاهرني مرررره وسرقت المعرف حقه
انا لست حرامي انا ابغى اعالجه عن هباله الزايد ضاع عمرة بين المنتديات وتوتير واليوم هو نسى يطلع خروج حينما كان عندي اليوم في الملحق اثناء التدوال
يقول المثل الصديق للصديق حتى لو قلبك حديد
مثل يوغسلافي
طبعاً غيرت كلمة المرور
والان يدق علي جوال وهو اكيد يتفرج على المنتدى وقلبه مولع ويطق براسه الجدار
هذي هي طريقتة دايم اذا انقهر
وهي خاربه خاربه معه
من خذيت يوزرة لكن خلني اخربه صح يا يتعالج ويصير رجال او نوديه لشهار بسم لله عليه ماودي اتفاول عليه
بس ياعالم يقهر ابعطيكم اسراره وحركاته
اي شي تبغونه عنه اسالني بس ولايهمك
انا معاشرة من سنين وهو هو مثل ماهو
وعشان تعرفون ان مافي الحمض احد
يقولي وش رايك تتدخل معي في مشروع تجاري راس المال 3000 ريال والارباح السنوية ثلاثة مليون ؟ شي غريب وعجيب هالادمي
وجالس الان يطارد اسهم يدور وراهم كم ريال
وش اقول وش اخلي ياناس
بهذلنا كلنا نحن اصحابه ومادري هل نحن ورطنا به او هو حظه زين طاح فينا
ومره من المرات فضحنا في حديقة الحيونات
دخلنا الحديقة ومثلنا مثل الناس نتفرج ويوم وصلنا عند الاسد
قعد يصيح ويشاهق والناس اجتمعت عندنا
ماندري هو خايف من الاسد او وش فيه
وفشلنا ولاندري وش فيه
وشوي تكلم وقال ابوابراهيم وهو يصيح
ما اقدر استحمل يكون الاسد مسجون
هذا نفس صفاتي ؟ حلها عاد الحين مع الغضنفر
شي ياناس يخلي العاقل مجنون
هذا هو الان يدق ويرسل رسايل مره يترجاني ومره يهدد
لكن انا ابرد عليك هنا يابوابراهيم عشان تعرف حجمك
انا ابسوي بك كذا في هالموضوع وابعلم عنك كل شي تعرف معنى كلمة كل شي
المهم
الي يبغى اي سؤال عنه انا حاضر
وابعطيكم بعض سواليفه بعد شوي
هذي اخر رساله له صورة
رد مع اقتباس
المشاركة الأصلية كتبت بواسطة بني حرب
مواقع النشر (المفضلة)