نائــب المشـرف العــام
رئيـس فريق المتـابعـه
الحالة
غير متصل
ما كل ما يسمع من الناس ينقال .. من أجمل ماقرأت !!
ما كـــل ما يسمع من الناس ينقال
أكثــر كــــلام الناس مثـل الدعـايه
اسمع ودع تسلم من القيل والقـال
لو قلت كلــمة طـــوروها حكايـــه
السر خله من وراء سبعة أقفــــال
وراقب مفاتيح الضميــــر بعنايـــه
لا تحسن الظن في كـــــل الأحـوال
خلك حريص ولا تســــــوي كمايه
ما كنت أفرق بين طـــيب و بطــال
حتى جمعت من التجـــارب كفايـــه
ورتني الأيام في الناس عقـــــــــال
ما تنخدع بيــن الفتــن والوشــايـه
ورتني الأيام في الناس جهــــــــال
دار الزمان ولا لهم به درايـــــــــه
ولقيت في الدنيا تجاريب وأمثــــال
ميزت فيها صـــاحبي مــن عدايــه
لقيت بعض الناس صاحب ومحتال
يضحك معي ويسبني في قفايــــــه
ولقيت بعض الناس للهـــرج نقال
تلقاه نقل الهرج عنده هوايـــــــــه
هذا دواه البعد لو عشت رحـــــــال
حيث الردي فرقـــاه غايــة منايــــه
دار بها يمسي الفتى خالي البـــــال
ودي بها لو كان ما ألقــى عشايــه
وإن كان مال الوقت والوقت ميـال
أصبر على جرحي وأدور دوايـــه
وأشيل همي في ضميري ولو طـال
رجاي في اللي ما يخيب رجايـــــه
رب كريـــم يبدل الحــال بالحــــــال
ويطيب جرحـــي من خلاي بخلايـه
وليا زبنت أزبن على طيب الفــال
اللي يهلي يوم يسمع ندايـــــــــــه
وارفع مقام النفس عن كل الأنـذال
وأشوف لي نـاسٍ على مستوايـــه
.
اعتمد على عثراتك وأخطائك لتكمل طريقك للنجاح فربما كان المفتاح الأخير هو الأنسب لفتح الباب.
لا تغير طبعك لترضيهم .. لا تبدل صوتك لتعجبهم .. لا تخالف مبدئك لتوافقهم ..لا تتصنع لرضاهم ..انت لك بصمة عش بما يرضيك
جويل أوستين
رد مع اقتباس
مواقع النشر (المفضلة)