بعض من ذكريات الماضي

[ابن الصحراء]

دارنا في شاية الرب منصوره = دونها الارواح ترخص مبايعها
في ذراحكم ٍ عذين من البوره = وراية التوحيد بالعز يرفــــــعها
مستقيم وما نزل الرب دستوره = وسنّة المختار بالدار يشرعها
والعدا تصبح من الضيم مقهوره = يوم بانت في وطنا مطامعها
ينبي التاريخ بالكتب وسطوره = دارنا ما أحد ٍ طمع في مراتعها
في جديد الوقت مع ماضي عصوره = من نواها بسؤ يمناه نقطعها
والمرض لابان ناتي بدكتوره = والضروس اللي بها السوس نشلعها

ومــــــنهــــــــا
منكر المعروف تشهد على جوره = دار جاره يوم دنس شوارعها
وشق ديد ٍ قد شرب حالي دروره = مع يمين ٍ غذته عض اصابعها
يمنى ً باقت هل الطيب معثوره = وحربة الخاين بصدره نرجعها
ولقمة الغدار تنشب بحنجوره = لو تلذذ في طعمها يطلعها



الى اخره
--------------------------- ------------------------------

[بني حرب]

بارك الله فيك اخوي ابن الصحراء

[ابن الصحراء]

طبعا اشيا في وقت ماضي - نورد منها بعض من كل
----------------------- --------------------------
الى
يجي عدو الدار ناقف نحييه = ونقول هذا اللي وفي لعميله
نعز صدقانه نعادي معاديه = ولصالحه نعطي عطايا جزيله
وماكان ينقص في بلاده نسويه = وبترولنا من دون قيمه يجيله
حتى السلاح لجيش الانذال نشريه = انواع ناتيبه جديد ٍمديله
ومنها
المشكل كان الى انتهى الوضع جافيه = بعض التجاوز عن خشاش الخميله
حنا نبي كل ٍ بفعله نجازيه = كل ٍ على الميزان نوفيه كيله
من طاب يلقى طيب والطيب نشريه = واللي ظهر حقده نزود غليله
اللي طمع يبغا وطنا يجزيه = نبي نحده لين ينهد حيله
مابه تعاطف مابقي شي نرجيه = اصحابنا كل ٍ مولع فتيله
ياشيخنا راع الخطا لاتداريه = حده على الرمضى وحر المليله
مرت سنين من العسل كنت تعطيه = واليوم خله يطعم الحنظليله
نبي نشب النار لبليس نرميه = في وسطها لياقام ينفض شليله
من لاصفا ماهو لزوم ٍ نصافيه = الله مغنينا عن وجيه الفشيله
الله عطانا خير يحتار محصيه = المال والابطال وأرض ٍ جميله
دار ٍ ربتنا دونها العمر نفنيه = ولاخير بمن يرضى على الدار عيله
لحدودها نبي لنا سور ننشيه = ونزوده في كل مايستويله
تفرح به الاصحاب والضد يعميه = يدمر نوايا أهل العقول الهبيله
سور ٍ من أبنا الشعب نتقن مبانيه = الى شافه الطامع تزايد جفيله

[ابن الصحراء]

الى
تكشفت للشرق والغرب والشام = بان المغطا بعد طار اللحافي
اخر زمن طمعوا بنا حتى الاقزام = شرهوا على العملاق ناس ٍ ضعافي
خيالها إلى جابها عج وزحام = يشره عليه اللي على الرجل حافي
كنا نغذيهم تقل عندنا ايتام = ونحرص عليهم لايجيهم خلافي
حنا نساعدهم لجل مبدا الاسلام = وهم يحسبونا من طرفهم نخافي
على الثعالب تو دارن الايام = والله ليا تيهم جزا الكيل وافي
وندوس راس الداب بعقوب الاقدام = ونخفيه من فوق الوطا مايشافي
حنا ليا من المعادي لنا زام = نزوم وزومتنا ماهي له عوافي
ان ماصدر منا على الضد الاعدام = يجي بعقله من وحمنا اختلافي
اما على الانذال طير الهوى حام = والا تضيق أبهم وساع الفيافي
ومنها
لكن بعد صارت هقاويهم اوهام = وضاعت وغطتها رمال السوافي
يجون يبغون التسامح والاكرام = مع التجاوز عن جميع المهافي
نقول مسموحين وأصحاب وحشام = لكن بئر العام صابه جفافي
العام جم وبه منافع للاجسام = وخيره على جار الوطن كان ضافي
واليوم نخشى منه تاتيكم الام = حيث ان نبعه صار سم ٍ زعافي
ان ما قتل يصيبكم ماه بهيام = والا يجيكم من مذاقه هرافي
لكن سموحه لو ظواميكم حيام = وقلوبنا معكم نقيه انظافي

[ابن الصحراء]

منها

دارك من اللي حل فيها أرجفت بك = تحت قدم رجلك تزلزل حصاها
ونار ٍ قدحت ***دها ولعت بك = قام يتقطع فوق راسك سناها
منيتك وسط الجحيم حذفت بك = صارت عظامك وسط حامي لظاها
جميع قادات الدول حاولت بك = تبغاك تدفع عن شعوبك بلاها
لكن القراده للاهاوي مشت بك = بقعا على راسك تدور برحاها
احلام ليل ٍ زارتك ولعبت بك = اشيا تبيها مانت في مستواها
نفسك من الجال الرفيع نزلت بك = غبت بحر حولت في وسط ماها
طمعت يالطاغوت مار اطمعت بك = ناس ٍ عوايدها تطوع عداها
وكلابك اللي تتبعك طوعت بك = مما جرالك صار يسمع عواها
الشله اللي من عماها اقتدت بك = جاك العقاب وهي وصلها جزاها
الخ

[ابن الصحراء]

منها
لكن نبي نمسك مكانةهل الجود = وناقف مواقفهم ولوهي عسيره
ونكون بحدود الوطن سور وسدود = بينه وبين اهل النفوس ال****ة
حنا وطنا بين الاوطان محسود = حنا بخير وصار بالناس غيره
الدار بالتخريب يا سعود مقصود = جاه الخطا ممن تغذا بخيره
لكن بشاية واحد ٍ فوق معبود = مايختلف بالدار حبة شعيره
يبقى بمان وعز وسهود ومهود = وتبقى الشريعه في نظامه تديره
في ظل من يرفع عنا كل مضهود = عز القصير الى غدر به قصيره
وان صار بحدود الوطن جمع وحشود = شره يكيد اهل النوايا الشريره
يصدهم صدة بتريوت لسكود = قبل الهدف يودع حديده نثيره
درع الوطن من قرب حماه مقرود = مطامعه ترجع عليه بكسيره
الى اخره

[ابن الصحراء]

بعض من كل
كنا مع الوقت شيل وحط وجهادي = تاريخ قاسي لكن ذكراه تطربنا
حيثه يهون الشقا في خدمة بلادي = ارواحنا دون حده هي جلايبنا
مع خدمة الدين نحفظ ورث الاجدادي = من شان جيل ٍ ورانا لايعاتبنا
ومنها
نبي شباب ٍ على الشدات يعتادي = ناثق بهم والعدا تهاب جانبنا
يجون للطامعين خزام وقيادي = ناس ٍ هدفها تعكر في مشاربنا
كم للوطن ياشباب اعداء وحسادي = كل ٍ يبي فرصته من شان ينهبنا
احموا ديار الكرامه دار الامجادي = ماغيرها دار بالاقطار تعجبنا
هي مهبط الوحي منبع سيرة الهادي = فيها ربينا ومنها ساس منسبنا
كونو لها سور عن طماع ومعادي = سلم المسالم وحرب لمن يحاربنا
تحت ذرى من لهم بالنصر ميعادي = في ظلهم بالعدى تسطي مضاربنا
عاداتهم يكسرون خشوم الاضدادي = لين المعاند بعد طيشه يصاحبنا
اللي لهم صعبت القالات تنقادي = معهم وفا اجدادنا للدار يجذبنا
اللي لصقر الجزيره حبهم زادي = ماتختلف عن مذاهبهم مذاهبنا
في عهدهم مر قرن ووضعها هادي = ومن هيبة ابطالها شفنا مكاسبنا
مرت مئة عام وهي بافراح واعيادي = وعلى نموذج فعايلهم تخاطبنا
الى اخره

[ابن الصحراء]

انا لااورد قصايد بل ابيات من شي ماضي

عن ياصهيون جاك النصر منا
وهدم عز العرب جانا من بعضنا
من عمل له خنبة ٍ بالبيت غنا
قال وسط الدار حققنا غرضنا
المشاكل بيننا ماينتهنا
وكان قالو صلح لبنوده رفضنا

[ابن الصحراء]

ابيات من قصيده
ماهمنا صوت التنك مع لميعه
نمشي بدرب الحق ونرز الاعلام
ومن طاب طبنا له وهذي طبيعه
ومن شان ناطا صابره تحت الاقدام
واللي مشاعرهم علينا وجيعه
ايجربون الحظ والعلم قدام
بأ رادة المولى تقوم الشريعه
ونعدم بشرع الله من خان الاسلام

[ابن الصحراء]

منها

ولافيه داربلا شباب معموره = وبن الوطن دون الوطن هو حجا به

داخل وطنافيه ناس مغروره = وباطرافها قامت تعاوى الذيا به

اللي يقولون الحقوق مهدوره = ومن شانها قاموا بشن الحرابه

الحق بالقرأن يسطع بنوره = وسنة نبيه وتباع الصحابه

ماهو بشرعاللي يفاخر بجوره = مسترحلن لبليس ضيع صوابه

وراع الملاهي مانطيعه بزوره = مكةوصالات الخنا ماتشابه

ولو حرض الجهال تنشر شروره = ما حصلو غير الفشل والخيابه

اهل الحسد تبي تموت محروره = والدار طاهر مايدنس ترابه

الدار محمي كل ماضي اعصوره = ماصار به شلة فساد وعصابه

ويبي يدوم بعز في ضل سوره = اللي عن الاطماع عذأ جنابه

حكامه اللي مامشوا درب بوره = ساروا على دربن سلفهم مشابه

من طاب طابو له ويرفا عثوره = ومن زل دربه هم عماه وعطابه

ومن يجهل التاريخ يقرأ سطوره = يلقى بصفحات الكتاب الاجابه

[ابن الصحراء]

صهيون من فعلالعرب صار طوبان
‏مرتاح بالهمهتني في منامه
وانشا مدن منعقب ما احتل الأوطان
‏والقدس راحأعلن قرار انضمامه

[ابن الصحراء]

بعض العروبة بين غفلة وطغيان
------------ ‏لا دين لا غيره ولا به شهامه
رضيو بوضع ٍ به مذلة وحقران
-----------------‏ومجد القداما حولوا عن سنامه
‏لكن عسى المولى يعوض بما كان
------------------ ‏ويبدل تفرق شملنا بالتمامه
ياما يقولون العرب وضعهم زان
‏ ---------------وفازوا بنصر الدين والاستقامه
‏ حتى بهم يحفظ حما العرض ويصان
---------------- ‏ويعاد مافاز العدو بغتنامه

[ابن الصحراء]

كان التسامح هو الغالب على تعامل الحكومةالسعودية مع الغير حتى لو كانت الاخطاء كبيره
الا ان خادم الحرمين الملك سلمان حفظه الله قال ان بعض البشر لايفيد معه التسامح
فيجب ان نكون حازمين مع هذه الفيئه التي لايفيد معها التسامح
فقلت هذه الابيات بهذه المناسبه
سلمان غـيّر مــع الانــذال خــطتــنا = قال التسامح يزيد الطامع اطماعــي
بالحزم نفرض على الاعداء مهابتنا = ومن كان قلبه وجيع نزيده اوجاعــي
ناس ٍ على قـمـعـها بالغصب حدتـنا = عيت لهرج العقل والنصح تنصاعــي
وحنا كسر شوكة الطاغين عادتنا = واللي مشكك يشد الطرف ويراعـــــي
يوم امرجت مرهبات الخصم شاقتنا = من يسمع الصوت قبل الشوف يرتاعي
وجيوش بأنواعها وقت الطلب جتنا = نبي نطوع بها شينين الاطباعــــي
حنا الحـمــيه لـجـار الــدار سـاقـتـنا = مـانهـتـني بالمنام وجــارنا واعـــــي
ون زاد طيش العـدو زادة شراستـنا = كم واحد ٍ من غضبنا عض الاصباعي
ومن كان ماضيه مشحون بعداوتنا = نعطيه في حـاضـره بالراس مـرقـاعــي
حــنا مـع الـطـيـبـيـن تـزيـد طـيـبتـنا = نبـذل لهـم بالعـطا فـي كـل الاوضـاعــي
حـنا تـدفـعـنا لـخـدمـتـهـم شـهامـتنا = والى انـكـشـف غـلـهم مال الوفـا داعــي
والي لاجــا دورنا خـالـف شـــراكـتــنا = يـلـزم نـرد الـجـزاء بالـمــد والصـاعــي
واللي بصـعـب المـواقف عـز رايتنا = واجـه صعيـب الظـروف بسيف قـطاعــي
الله يـديـمـه يكمـل فـي مســيرتــنا = سلمان رايـه سـديـد وقــوله مــطـاعـــي
والشكر مرفوع لمن ساند قضيتنا = ورد الجـزا عـندنا فــي درج الاوداعــي

[ابن الصحراء]

خاطرة

للحرب بالله استعنا
نبي نهين المجرميني
يوم ان طبل الحرب دنا
زانت لقمع الطامعيني
بارواحنا نفداء وطنا
عادات من ماض السنيني
ونبح الجعر ماقد شحنا
حنا كعام المعتديني
وحنا ذرى للي زبنا
دونه نرد الخاينيني
سلمان يامرنا وحنا
لامره جنود ٍ طايعيني
وخليجنا ماحد ن تونا
لبوا وقالو حاضريني
جاك الخبر والعلم منا
يالرافضي ناد الخميني
وطلب وساطة من تثنا
عن ركبنا عود يميني
وحلم يجيك الي تمنا
لو بالملالي تستعيني
الرد السريع على هذه المشاركة

[ابن الصحراء]

هبة العاصفه وامطر سماها * وستهلت على روس الطغات
وحاست اللي ماحسب للقوافي* لين ذرت على راسه رماد
هبة المملكة لاجل اقصراها* من زبنها يبشر بالنجات
عند سلمان يامن مايخافي * لين يركب على وسق الشداد