في وسط قلبي صار يشري ويبتاع
يا أهل الهواء قلبي له ايام ملتاع
لوع الحبارى عند شوف النداوي
ضاق الفضاء فيها بعد كبر الأوساع
خافت وطير الحر ماهوب ياوي
على الذي لا من تخطا على القاع
دقات قلبي جاوبن الخطاوي
وإليا هرج حسه تصوغ إله الاسماع
تطرب لصوته مثل طرب الغناوي
خده كما القنديل ويضوي إشعاع
يجلي الظلام ويستدل السناوي
انا سجين إرضاه طيب ومطواع
هو غاية مرادي وكل البلاوي
حبه رمع بالقلب عشرين رماع
عقب بقلبي جرح ماله مداوي
في وسط قلبي صار يشري ويبتاع
فرقاه بلوى من كبار البلاوي
وان كان حبه حطها بين الاضلاع
هويت له كلي وجيت متساوي
يا جعل يفدونه قليلين الأسناع
اللي على الطرقة تعذل الهواوي
رد مع اقتباس
مواقع النشر (المفضلة)