الهوى فيني دفين - للشاعر فيصل العدواني
قصيدة ايه احبك والهوى فيني دفين
- للشاعر فيصل العدواني
لو يضيق الوقت والدنيا تشين
وشمسنا تشرق علينا من شمال
ولو يطوف العمر ايام وسنين
ماتغير حبي لك يابن الحلال
ايه احبك والهوى فيني دفين
واعشقك والله هجران وصال
ايه احبك ايه احبك مرتين
مرة للود واخرى للدلال
دامك اللي بالقسى عيا يلين
مخلص دايم ولافيها مجال
الوفى طبعك وبك دايم يزين
شعر مجنونك ويصبح عال عال
منهو غيرك فسر اسرار الحنين
ومنهو غيرك امتلك قلبي وطال
ومنهو غيرك بدل ادروب الانين
في دروب نورت كل الليال
وانتشى قلبي لذاك الحب لين
اختلط حلوى الحقيقه بالخيال
واصبح الخفاق في حبك رهين
والحنايا العوج لك بيت وظلال
والله اني عاشقك والعشق دين
ولاستمع بك عاذل كذب وقال
والله اني ماوهبت الروح دين
العطا وارث من عم وخال
رد: الهوى فيني دفين - للشاعر فيصل العدواني
مواقع النشر (المفضلة)