نصائح شراء اجهزة الاب توب و الكبيوتر و الايباد ،، ومرحلة (التعليم عن بعد)
بسم الله الرحمن الرحيم
السلام عليكم ورحمة الله وبركاته
كما نعلم ان التعليم راح يكون عن بعد و المرحله القادمه اكيد البعض لايملك ابنائه اجهزه كمبيوتر او لاب توب ... الخ
و يتوجهون للشراء
راح اقدم لكم نصائح بخصوص اجهزة الكبيوتر للشراء سواء جديد او مستعمل
و خيارات اكثر للان البعض لديه اكثر 3 ابناء او بنات يدرسون الله يحفظهم
ويحتاجون اكثر من جهاز
النصائــح لشراء الاجهزه الجديدة
1-
ابعد عن الاسعار الاجهزه من سعر 3000 و فوق
لان الاجهزه ليست مخصصه للتعلم او التصفح
مخصصه للمصممين و المبرمجين و الالعاب الفديو
طبعاً الاجهزه اللي قلنا عليها فوق 3000 ماهو ان اسعاره مبالغ فيها او ماتستاهل السعر هذا
الاجهزه ممتازه و مواصفاته عاليه بس المقصد التوفير و الوفاء بالغرض منه للدراسه.
2- ابعد عن المعالجات التاليه
معالج Celeron - سيلرون
معالج Pentium - بنتيوم
للاسباب التاليه /
كثيرة التعليق اذا صار عليها شغل و ظغط و فتح اكثر من برنامج
مع ارتفاع حراره الجهاز تطفشك في التعليق
3- الذاكره العشوائية او مانسميهم الرام
من 4 قيقا و فوق ممتاز
4- المعالجات المناسبه من
معالج Core 2 Duo و فوق ممتاز
ترتيبها واسمهائها بالعربي
كور 2
كور آي ثري core i3
كرو آي فايف core i5
كور آي سفن core i7
4- الهاردسك من 256 قيقا لاباس فيه
512 مناسبة جداً
و 1 تيرا مساحه كبيره ممكن مايستفاد منها
فخليك بالوسط 512
مع العلم في المستقبل اذا احتجت زيادة تقدر تزود المساحه بكل سهوله بمبلغ مابين 200 الي300 ريال
ركزو علي النقاط اللي ذكرتها وهي المهمه
وفيه اضافات راح يبالغون فيها راعين المحلات ماهي مهمه
مثل الرام 8 قيقا او الشاشه كرت خارجي او اكثر من منفذ USB
مجرد اضافات تكلفك سعر غالي و هي ماتفرق واجد
الاسعار اللي ذكرتها بدون معالج كور آي سفن core i7
مابين 1200 الي 2800
وفيه اجهزه مواصفاته قويه وتلقاه بسعر قليل بسبب انها مجدده
طبعاً مايمنع نشتريها لانها كويسه و مطيح سعرها الاسم انها مجدده
النصائــح لشراء الاجهزه المستخدمه
نفس المعالجات و الذاكره و الهاردسك اللي ذكرتها بس ننتبه لبعض للاشياء
1-اول شي البطاريه لاتركز عليها لانك راح تغيرها لان 80٪ من المستخدمه البطاريه تخلص بسرعه بسبب كرف الجهاز و استخدم بكثره
2-ركز علي الشحن هل تقبل البطاريه لان ممكن يكون السبب مشكله داخليه ماتتصلح الا يكلفك نفس سعره اللي شريته فيه .
3- انتبه من ان الجهاز جاه ماء او عصير وهذا خطير جداً بالالتماس الكهرباء و يطفي ولاعاد يشتغل
والسؤال كيف نعرف ان الجهاز جاه ماء او عصير الاجابه كالتالي :
الشاشه ترمش بشكل خفيف عند التشغيل او انتقال من لون ابيض الي اسود
اكثر من لوحات المفاتيح لاتستجيب او تستجيب ببطأ و الجهاز يكون جديد و مواصفاته ممتازه وعاليه و يعرض للبيع بسعر يبخس فيه او زي مانقول بيعت حرامي
4- الشكل الخارجي يكون متماسك ولاباس فيه ومايكون مكسر او معدوم
الاسعار اللي ذكرتها بدون معالج كور آي سفن core i7
مابين 400 الي 700 ريال
--------------------------------------
الشئ الاخير الكمبيوتر المكتبي
فيه اجهزه لاباس فيه تكون مواصفاته زي ماذكرنا و تكون مستخدمه و توجد بكثر و قليل الطلب عليها
واسباب البيع شركه تبيع الاجهزه و تستبدلها بااجهزه حديثه و متطوره مثل البنوك و الشركات .. الخ
نركز علي شركه ديل و ايسر
اسعار الاجهزه المكتبيه هذي مابين 250 الي 300 ريال مع الشاشه و ممكن تكون معاه لوحة مفاتيح و ماوس
---------------------------------
الايباد من شركه ابل + كيبود ابل مدمج فيه ترك باد (لوحه موس) يتحول الي لاب توب
فيه جاهز نزلته ابل السنه الماضيه اسمه ايباد برو سعره مناسب وقليل
اذا ماني غلطان حول 1500 و الكيبور سعره حول 500
واي احد يحتاج مساعده حول سعر او مواصفاته ان شاء الله بفيده
او عن اي نظام او مشاكل
لايتردد باطلب الاستشاره
وسلامتكم
رد مع اقتباس
رد: نصائح شراء اجهزة الاب توب و الكبيوتر و الايباد ،، ومرحلة (التعليم عن بعد)
مواقع النشر (المفضلة)