السلام عليكم ورحمة الله وبركاته

[العب يلا]

المنتدى نايم تماما الويكند ...

عطونا علوم الأسهم التي أوصى بها محللوا المنتدى اسمنت الجوف .. كيمانول .. الأركان .. توصيات في غير محلها للأسف ومواضيعهم معلقه !

[ADMIN]

اخوي الويكند للراحه والتغيير هههههه

[العب يلا]

اسهمنا مدحدره .. كيف نرتاح ..🤣

[العقيلي]

من زين هالسوق الي تبي العالم تهرج فيه وهو مقفل والله لو انه ايام عزه في ٢٠٠٥ يوم كان الويكند يوم واحد الجمعه فقط ونقول ليته مايقفل مانبي عطله هههههههههه

ذكرتني حبك وانا كنت ناسيه

نصيحه وانا اخوك تمش في هالاجواء الجميله ولا تفوتها ع نفسك ورزقك يبا يدورك حتى لو مادورته.

[العب يلا]

حبيب البي
كيف معلقه وتم التوصيه عليها وهي في قيعانها
وجابت اهدافها وزياده
ممكن تكون انت دخلتها وهي مرتفعه
ولم ترى متى تم تاريخ التوصيات

وين جابت أهدافها .. وهي لا زالت تفحط في مكانها .. لو جابت أهدافها لتم أقفال مواضيعها !!

[ADMIN]

من زين هالسوق الي تبي العالم تهرج فيه وهو مقفل والله لو انه ايام عزه في ٢٠٠٥ يوم كان الويكند يوم واحد الجمعه فقط ونقول ليته مايقفل مانبي عطله هههههههههه

ذكرتني حبك وانا كنت ناسيه

نصيحه وانا اخوك تمش في هالاجواء الجميله ولا تفوتها ع نفسك ورزقك يبا يدورك حتى لو مادورته.

ههههههه
الله يسعدك والله انك صادق

[كلي طموح]

نخليه ويكند قصايد

أحيان يلهمني الفكر بالمعاني
.... واحيان ما القى داخل الراس فكره

مرّات تقبل بالغتـر والسناني
..... ومرّات تقبل ما على الراس غتره

والله عطاني فكر واعذب لساني
..... لكنّ يفتر بين فتـره وفتــره

آسوقها سوق الجمال السماني
..... لا صار فالوجدان هيضٍ وعبره

ولا صار قلبي سالي ٍ ما يعاني
.... اعجز ولا القى صوب الابيات دبره

[ذهب صافي]

صح لسانك

[العب يلا]

الله يخارجنا ......

[ابوخالد ابوخالد]

الله يرزقنا واياكم جميع

[أبو فراس]

موجودين
هات علومك
والتحليل موجود بكل موضوع لكن السؤال
من يفهم التحليل صح ؟ هنا المشكلة

[القرم]

الله يسعد جدي ابوحسام ظاهرة التحليل