من عطاني قدري اعطيه احترامي

[مضـ2020ـارب]

‏من عطاني قدري أعطيه إحترامي
و من تجاهلني تجاهلته و طفته
.
و من يدوّر قربي أعطيه إهتمامي
و من يقفّي عني أهملته و عفته
.
و المكان اللي ينزّل من مقامي
تنكسر رجلي ليا جيته و حفته .

[مضـ2020ـارب]

من يكمل القصيده .....

[مروان زيدان]

ابا عبدالله ... تحية تقدير واحترام ... وكل عام وأنت بصحة وعافية ...

[مضـ2020ـارب]

هلا والله بعيون اخوه
وكل عام وانتم بخير

[الهـــ999ـــامور]

والرفيق اللي بظهري ما يحامي
والله ان اسمه من الخوة حذفته !

والحسود اللي لبس ثوب التسامي
علموه اني عرفته واكتشفته

والقريب اللي حسبت انه حزامي !
بان بـ الوجه الغريب و ما عرفته

والطموح اللي كسر عزم العصامي ،
من فضل ربي بكفيني عسفته

عايش بدنياي والعليا .. مرامي
ولا جرفني سيل هقواتي جرفته

للكفو تقديري وكل احترامي
والردي لا مر في دربي نسفته .

[راعي الوفا]

صح لسانك سبق المطنوخ وكمل

عساكم انت وهو من يقرا سوالم

[وحـي القلم]

صح لسانكم وأبيات جميلة

[مضـ2020ـارب]

والرفيق اللي بظهري ما يحامي
والله ان اسمه من الخوة حذفته !

والحسود اللي لبس ثوب التسامي
علموه اني عرفته واكتشفته

والقريب اللي حسبت انه حزامي !
بان بـ الوجه الغريب و ما عرفته

والطموح اللي كسر عزم العصامي ،
من فضل ربي بكفيني عسفته

عايش بدنياي والعليا .. مرامي
ولا جرفني سيل هقواتي جرفته

للكفو تقديري وكل احترامي
والردي لا مر في دربي نسفته .

صح لسانك يالامير

[مضـ2020ـارب]

صح لسانك سبق المطنوخ وكمل

عساكم انت وهو من يقرا سوالم

صح لسانكم وأبيات جميلة

صحت ابدانكم

ربي يسعدكم وكل عام وانتم طيبين