دار الاركان (متابعة الموجه الثالثه الرئيسيه حتى تنتهي )

[أبو محمد ض]

السلام عليكم ورحمة الله وبركاته
هل هناك خلل في الموقع من الامس؟ لا يمكن التنقل من صفحة 9608 الى صفحة 9609۔ كلما اختارها يعاد تحميل الصفحة 9608

[رابح على طول]

السلام عليكم ورحمة الله وبركاته
هل هناك خلل في الموقع من الامس؟ لا يمكن التنقل من صفحة 9608 الى صفحة 9609۔ كلما اختارها يعاد تحميل الصفحة 9608

الوضع تمام الأخ العزيز ابو محمد بالنسبة لي غيري ما ادري

[أبو محمد ض]

شكراٍ أخوي رابح على ردكم لكن بالنسبة لي الصفحة 9609 محرمة علي۔ اشوف اي شي قبلها واشوف الصفحة هذي9610 اللي بعدها۔ على العموم لا اتوقع فيها شيئ مهم

[جريح الصمت]

يامساء النور يابو مشاري
والشهر عليك مبارك

يعني كذا تجي ترمي التماسي وانت ماشي لاشارت ولا اي شي حماسي
عطنا شارت وتعال للفندق خذ لك صحن حاشي
وندردش عن السهم مع موالح وشاهي

كثر الله خيرك
لا لا لا ماني جاي الفندق
اخاف توديني للجماعة وتقول لهم هذا من طلاب السليمي
ويش يفكني منهم ممكن اكشف خطط السليمي كلها لهم


متربع بالسهم يابراهيم ٩٥ بالمية من المحفظة ومقفل الجهاز
ولا شلة هم طلوعه ونزوله
العام الماضي بالضبط في شهر واحد ميلادي
كان ابو ليان وانا نتمنى نزوله أقل من عشرة ونشجع على التزود منه وزعلوا علينا بعض المتابعين
انا رحت الراجحي وأخذت تمويل اسهم في سابك ب١٢٥ ارتفع وبعته ب١٣١ وشلت بالاركان ب١٠. ١٠ بعدها ارتفع سابك إلى ١٤٦ قلت فاتتني سابك وشوف الان الفرق
الأركان مكسبني ٤٠ بالمية
وسابك الان خسران من قمته ممكن ٤٠ بالميه

الخلاصة
الأركان ما سكينه من قاعه غلطان من يحاول يلعب معه في تذبذبه
تربع وارتاح والموعد القمة

[التوداف]

الشهر عليكم مبارك
اليوم صارت مفاجاة عندنا في الفندق
بعد ما افطرت في البيت الا جوالي يرن المدير التنفيذي بكبره قالي المدير يابو ابراهيم
تعال بسرعه فيه عندنا الليلة ضيوف مهمين
وصلت الفندق لقيت لمبات وعقود وفوانيس رمضان
عندنا مدير الفندق مصري لعب فينا بالفوانيس
المهم زبطنا السحور انا والطباخ المساعد خليل توشت باكستاني مولود في مكه يتكلم حجازي بطلاقه عليه برياني ينسيك اسمك
تسحرو الـ vib وهم يشربون الشاهي طلبو من المدير التفيذي انه يجيب الي طبخو السحور
وكنت انا وخليل نسوي مقطع لـ اهله في باكستان وهو في المطبخ مع رقصه باكستانيه خفيفه



فجاة وبدون مقدمات دخل علينا المدير التنفيذي فرنسي من اصل انجليزي
وقال باعلى صوته شطب او شتب انا احسبه يبغى كتشب روعنا في اول يوم رمضاني
خليل وقف رقصته وفي نفس الوقت اغمي عليه من الخوف
مديرنا التنفيذي هذا على مستوى العالم يعني فصلنا كنه جالس يقشم حب شمسي
وقال بعربيه مكسره تعال ابو ابراهيم vib لازم انت وهم فيس امام فيس
ولو يعطونك فلوس ايزي نو بروبرم وانا صراحه في الانجليزي كني مرسي ال***تي
مسكني مع يدي ورحنا للصاله
وقدمني بالانجليزي ولا ادري هو وشو يقول
وصفقو هم صفقو ارتحت شوي ونادني واحد منهم قال تفضل استرح وانا اخوك
جلست وهم يسلفون ولا عطوني وجه
والتفت علي واحد منهم قال يابو ابراهيم حبينا نشكرك واذا ناقصك شي ابشر
قلت الله مير يسلمك الوضع تمام
رجعو يسلفون وانا خلاص ابغى ارجع لخليل 100% الان هو يحتضر من الخوف
والا المفاجاة الي قالي نشكرك يقول لهم دار الاركان رمضان مناسب لها
قال الثاني ليش مانخليها بعد العيد قال لا لا نبغى نصل الى 18 الى 20 في رمضان لازم يابومازن
والان خلاص النتائج السنويه وطلعت وممتازة والشركه امام العالم لابد ان تصل الى سعر يرضي سمعتها لاتنسى انها شريك مع الصندوق يادكتور ايمن
والصراحه انت كذلك يابواسماعيل ماقصرت في اول يوم تداول وضعت لنا السهم على المنصه اشكرك
وانا جالس منبهر وقلبي مع خليل وقلبي مع الاركان
وخايف انهم الان يقولون لازم نمسك هالطباخ لايعلم علينا لانه سمعنا
المهم انتبهو لي قالو يابو ابراهيم تعرف دار الاركان والاسهم
قلت اعرف الاسهم واعرف ناس عزيزين علي مساهمين في الاركان انا ما ابغى اكذب مهما كان
قالو منهم العزيزين عليك يمكن نعرفهم
قلت واحد اسمه ابو طارق ونعناع قالو من نعناع قلت واحد لقبه نعناع قال الدكتور ايمن كنه مر علي هذا الاسم نعناع
انا الصراحه خفت لايعرفون نعناع ويروح فيها واشوى اني ماقلت السليمي كان رحنا في خرايطها
يعرفون كل شي
لكن الي يقهر انهم ماشكو فيني اني انا المحلل ابو ابراهيم

قلت بعد اذنكم انا عندي شوي شغل
وكانو جالسين في حديقه الفندق
وطلعت منهم كني طالع من تحقيق قوة المال لها رهبه
ويوم ابعدت عنهم طحت وانا انتفض لايدرون ان عندي اسهم دار الاركان



خليل ياخليل رد علي ياخليل الحقني ياخليل

تقبل الله منا ومنكم صالح الأعمال ... بارك الله فيكم سيروا علينا في موضوع بترورابغ ، وبلغونا بالعلوم ، مع التحية والتقدير .

[Assalimi]

البارحه رتبت بالقاف ترتيب
---- ومن زود همي عدت قافي ب (شيله )
لا جيت أبكتب زاحمني المكاتيب
---- ويلاه من زود الهموم الدخيله
في هالزمن ياذيب ما ينفع الطيب
---- ولا تنفعك حتى الفعال الجميله
سيوف غدر البشر ما عني تخيب
---- تسكن حشا روحي ولو هي ثقيله
شمس الوفا غابت وما كانت تغيب
---- والناس تبحث عن طبايع بديله
والطيب أقفى بعد راعي المواجيب
---- وكلن على دربه مشى مع خليله
وضح النقا فيني ولا خالطه عيب
---- طبع الوفاء وبكل فخر أنتمي له
في دنيتي ياما جرحتني المخاليب
---- و خيل الصبر فيني يزيد بصهيله
تكفى يابوعبدالله حدث لنا موجه الذيب
---- ولفي عليها ولف الاعضاء بتدبيله

يامرتب الابيات على الوزن ترتيب
ابشر بعزك وهمك لا تشيله

على خبرك للهدف يعدي الذيب
لعيونك احدث لك رسم تحليله

[red_walf1]

يامرتب الابيات على الوزن ترتيب
ابشر بعزك وهمك لا تشيله

على خبرك للهدف يعدي الذيب
لعيونك احدث لك رسم تحليله

صح السانك

[خيال الددسن]

صح الله السنتكم

[المنهل العذب]

أتمنى لكم الربح الوفير .. الله يعوض صبركم
ويرزقنا وإياكم من واسع فضله

[ابو ابراهيم]

يامرتب الابيات على الوزن ترتيب
ابشر بعزك وهمك لا تشيله

على خبرك للهدف يعدي الذيب
لعيونك احدث لك رسم تحليله

ماشاء الله عليك يابوعبدالله
اتحفتنا بثنتين
برد شعري وفيه ابداع
وبشارت يبشر بالخير واننا مازلنا في طريقنا في موجه الذيب
وبآذن لله انه قرب تحقيق هذه الموجه
ورفع الله قدرك وزادك الله علماً

[فارس خيال]

سوال لوسمحتو :
هل شارت اعلاه يخص سهم
بترورابغ ام المعرفة امً دار الاركان

[ابو شهاب 1]

يامرتب الابيات على الوزن ترتيب
ابشر بعزك وهمك لا تشيله

على خبرك للهدف يعدي الذيب
لعيونك احدث لك رسم تحليله

جزاك الله خير وبارك الله فيك

[جريح الصمت]

سوال لوسمحتو :
هل شارت اعلاه يخص سهم
بترورابغ ام المعرفة امً دار الاركان

يخص دار الأركان
دائما تجد اسم الشركة أو رمزها في الزاوية العلوية على اليسار
وكذلك سعر الشركة على يمين الشارت منهما تعرف الشارت لأي شركة

[أبو محمد ض]

سوال لوسمحتو :
هل شارت اعلاه يخص سهم
بترورابغ ام المعرفة امً دار الاركان

أخي فارس لو تلاحظ في الركن العلوي على اليسار هناك رمز السهم الرقمي 4300 وهذا لدار الاركان

[أبو محمد ض]

يخص دار الأركان
دائما تجد اسم الشركة أو رمزها في الزاوية العلوية على اليسار
وكذلك سعر الشركة على يمين الشارت منهما تعرف الشارت لأي شركة

عفواً آخوي جريح ما شفت ردك