متابعة الموجه الرئيسيه الاولى لدار الاركان حتى تنتهي

[أبو يزيد]

يا الربع كل شي مقسوم ومكتوب اذكرو الله والخساره خسارة الروح والحمدلله على كل حال ويعلم الله اني اشوف الشباب كلهم مش مقصرين .. وترا ابو عبدالله بلغنا انه راح ينزل الى 7.60

أبو عبدالله أعطانا أسعار عديده ونماذج كثيره مختلفه وأعتقد بأن هذه إحدى أسباب تشتيت وجهة المتابع..

[ماجد]

مشكلتنا مانتابع زين مع ابو عبدالله
انا رجعت لكلامه فوجدت انه مسموح له العودة الى 7.60

والله صادق
أنا بناء على هذا الشارت اللي وضعه أبو عبدالله حطيت أمر شراء على 7.60 وكان يتداول وقتها على 8.20 لكني استعجلت وعدلت على 7.90
أنا أو أكد لك أن نماذج وشارتات أبو عبدالله تصيب بنسبة 97%

[ابوليانو]

تحت 10 ما اسميها تعليقه اسميها فرصة عمر مثل ماكنت اقولها والسهم فال4.3 وكثير كان مطرطع ولا زلت اكررها تحت ال10 فرصة عمر ومع اول تصحيح راح اشوف ناس مطرطعه هههه لكن هذا عالم الاسهم فرص تتجدد ولا الومك من كثر ماكرروها رسخت عندكم انها تعليقه وهذا غلط فالاسعار هذي

لا جديد ,,,

[اركاني]

الارزاق مقسومة والآجال مكتوبة فلماذا الهم والقلق

المستثمر يقفل الشاشة ويستمتع بإجازة نهاية الاسبوع

[فهد بن عبدالله]

السهم الوحيد اللي اشتري فيه وبالي مرتاح ومطمئن،،
الله يبارك في ابو عبدالله و جميع محللينا الأفاضل
والرزق بيد الرزًاق ..

[ابو تركي.]

ابو مشعل
لا يلام المرء بعد اجتهاده
والله يجمل حالك

[سلام منصور]

مساء الخير كلمت لكم الهامور وقال خلاص يكفي 7.58 علشان اعصابهم تعبت

ههههههههههههههههههههههههه
كلمه وقول له نريده فوق 14
والعشا عندي الويكند الجاي

[أبوخالد]

مساء الخير كلمت لكم الهامور وقال خلاص يكفي 7.58 علشان اعصابهم تعبت

ههههههههههه كفو كفوووو يبو ناصر

[سياسي]

أشوف كأن الإعلان ما عجبكم


( بلومبيرغ ) :

شركة دار الأركان تخطط لبناء عقار سكني في دبي حيث أن الشركة السعودية تسعى للتنويع. في لقاء صحفي مع المدير المالي ميكا توفولا "اننا بصدد الأستحواذ على أرض في دبي ونعتزم بناء منتجات سكنية فاخرة" تقع في أحد دبي داون تاون و مركز دبي المالي.)

إعلان حلو ممكن مع المؤتمؤ الصحفي والاستحواذ الرسمي يأثر على السهم

[كحيلان]

السهم مهوب طاير اذا خف الرمي راح يخاذ قسط من الراحة للتجميع الممل اللي طلع لا يستعجل ولا بيروح في الرجلين ..

[القحطاني ابو شنب]

صار الان الشراء فالاركان توريط ويوم انه فال10 يستاهل اكثر !!!!!

ابو ليانو لاتفهمني غلط
ترى اخوك اول مره اشري فيه امس يوم شفت ابو عبدالله يقسم انه دخل على النسبه
طبيت وندور فضل الله وطمعت اليوم عرضت 8.45 لكن ما ياخذ الانسان الا اللي مكتوب له
المشكله شفت القلاب اللي اهديتني حملته من الاركان امس 5 ردود تصور كم
ربك يعين ونحصل شراي لو تركت رد ردين كان عدلت صح لاني عدلت تعديل ما يدسم
دعواتك

[أبوخالد]

ابو مشعل لاهنت عطنا العلم الجديد لاهنت

[رحال]

يا إداره الله يعافيكم خلو الردود في الموضوع مقتصره على المحللين فقط ...
واحد ينوح والثاني يلطم ماصارت

[$أبوتركي$]

مجرم هالمضارب نزول مضلي

لعب علينا أمس بالنسبة والغالب شرى على النسبة والظاهر اليوم ناويها نسبة !!

لكن متعودين هالحركات منه واذا غلبونا بالفلوس غلبناهم بالجلوس

[معتز]

هل يعقل معلن ارباح خياليه وكل صعوده اللي شفناه الفتره الماضيه يعتبر وهمي
وهل يعقل يدق امس نسبه تحت واليوم وصل شبه نسبه بدون اي خبر سلبي!!
وهل هيئه سوق المال لا ترى مثل هذا التجاوزات ؟