مختارات منوعه

[ليالي]

ليلٌ به للعاشقين حكايةٌ
‏العين تدمع والقلوب أُسارا
‏يهذون في حب الحبيب وفقده
‏والعقل من شوق اللقا قد طارا


.

[AbuNader]

خل السهر ياخذ من عيوني
النوم
أصلاً طبيعي أسهرك ..
كل ليلة .!

[AbuNader]

تقول عـطرك مثير وريحته تغري
واقول شكراً على احساسك الراقي

لا تحسبي ان هذا عطري موعطري
هذا اشتعال الحنين بداخل اعماقي

[AbuNader]

إسهر ترا نوم المحبين مسروق
والنوم في شـــرع المحبه نكاده
حتى السهر اسلوب راقي ومرموق
يعني إذا بـتحـب إنسى الوساده

[ليالي]

مرَّتني الدَّنيا .. بتسأل عن خبر
مابه جديد ..
عُشَّاق ليله تفارقوا .. وصاروا بعيد ..


،

[AbuNader]

وأنا أتنفس أحس إن الصدر ضايق
ما هي بأزمة ربو بس أزمة الفرقا
يا قلب منت بتحت ضلع الحزن لايق
اللايق انك على ضلع الحزن ترقا

[ليالي]

‏أص يا قلبي ! ماهي حزّة حنين !
‏العيون ،،، اللي تبيـها ( نايمه )
‏
‏لا تحسب أن . المواصل . كل حين
‏جمعة الأحباب ماهي دايمه !

.

[AbuNader]

يا صاحبي ماني من الهمّ مرتاح
والقلب من بعض المواضيع مجروح

ضايق ولوّ إنّي مع النّاس مزّاح
ما ودّي أبدي ضيقة الصدر وآبوح

أموت ما صحت بجروح الزمن آح
وأصبر ولوّ إنّي من الجرح مذبوح

أخاف لا يفطن من النّاس لمّاح
وأخاف ما يدري عن الضيق مملوح

أقاوم جراح ٍ وتتعبني جراح
وأبني من الآمال لأيامي صروح

وأقول راح الهمّ . . والهمّ ما راح
ولا أدري من هموم الزمن وين آروح ؟

[ليالي]

‏متعلق بصمتي عـن البـوح لا أغـرق
‏وليا غرقت شوي .. حولتهـا مـزوح
‏
‏أجي لبيبـان الحبايـب .. ولا أطـرق
‏ليت الحبايب تتـرك البـاب مفتـوح

.

[AbuNader]

إحذر تصك الباب في وجه من جاك
وأحذر تبيع إنـسان بالوقت شاريـك
ولا تحقّر اللـي بالليالـي يبي رضاك
ولا تشـري اللـي بالـزمن مـا يدانيك

صباحكم خير
وإلى اللقاء

[ليالي]

نمشي علي النيات وقلوبنا بيض
‏وربي علي حسن النواياء رزقنا
‏
‏ما نخلف النيه ولا نحمل الغيض
‏وﻵ نخضع الا لله اللي خلقنا"


.

[AbuNader]

ابتسم للـوقت واضحـك للحياه
لا يـروح الـعـمـر في هم ونكد

عيش يومك واحتسب للي وراه
من يعد الوقت يبلـش في العدد

[ليالي]

‏كلن ينـام وتقبل النــوم عــينه
‏وقلبي هوآجيسه عن آلنوم تشقيه
‏
‏أضحك مع الَعالم وروحي عليِله
‏وأكتم بـ قلبي شي مـِْاودي أطريه

.

[AbuNader]

ياصفحتي لاغبت عنْـكْ اعذرينـي
قصدي إلى منّي هجرتك من البووح
مدري حْرووفي ليش عيّت تجينـي
هي صايمه والا غَفَت داخل الرووح

[AbuNader]

لا أسوأ من فقدانك لشخص تحبه
إلا البحث عنه في رسالة قديمة
في أغنية عابرة
في محادثة منسية
في قصيدة تحبّانها معاً !