❤️ المساجـــله الشعـــريـــــه .،.،.

[طيب القلب]

هلت دمـوع العين منـي تناديــك
ملـت ثواني سـاعتي طول فرقـاك

طيــفك يجيني حلـم وأفز لـــبيك
كـنك حضرت وخافقي قال حـــياك

[طيب القلب]

هذآ مع إنك في حناياي مآ هنت
وأشيـّل همـّك وأنت ماشلت همــّي

تبي الحقيقة حيل منك تجننت
كن راحتك تبدأ إذا فــآر دمـّي

[ADMIN]

يازينها لاصار لكـ خل يشتاق..
لاغبت يسأل عنك ودايم تهمة..

[طيب القلب]

هذا انا جيت لك والشوق ياكثره
رديت لك لو طريق العمرباعدني

محتاج لك بعد ماقلبي نفذ صبره
كنّه يقول الزمن ماعاد يسعدني

[طيب القلب]

كن الثواني في غيابك سكاكين
ليتك تذوق شوي طعم الثواني

القلب ماهو قلب والعـين ماهي عيـن
حتى معھـآنـي ما احسـهـ معھـاني

[طيب القلب]

كن الثواني في غيابك سكاكين
ليتك تذوق شوي طعم الثواني

القلب ماهو قلب والعـين ماهي عيـن
حتى مكـآنـي ما احسـهـ مكـاني

معليش عدلت البيت

[طيب القلب]

كل الدروب تضيع بي غير دربك
يدلني .. واضيع به لا أستدليـت

إن تهت عنّك دورني فـي قلبـك
وإن ما لقيتني .. تراني توفيت !

[ADMIN]

تذكر اني كنت لك نعمه من الله ..
وعليها ما حمدت الله .. وزالت .!

[طيب القلب]

تـعــالـ.../..

اسـكــن مـسـاحـات الـخـفـوق .. وودع الـتـرحــال

تـعــالـ.../..

اشعل كلام الحـب .. واخمـد ثـورة سكاتـي

تـعــالـ.../..

وقبل ( كيف الحـال ) .. ناظـر .. هـو بقـى بـي حـال

تـعــالـ.../..

وقبـل ( سمعنـي جديـدك ) .. أسمـع آهاتـي

[ADMIN]

يواسوني اذا هب النسيم ومالت الأغصان
وكل اللي أبيه أن جادت الذكرى ينسوني

[طيب القلب]

يامنتصف عقلي وقلبي وموقـي
بالمختصر تجول في كل الاعماق

تعال قرب حس نابض عروقـي
واياك تطري يالغلا لحظة فرااق

[حمزه]

ان جيت هلينابك ون رحت نغليك
أهلا هلا بك ياغناتي وسهلا

ون غاب زولك فكرنا دايما فيك
لاعاش خل عن خليله تخلا

[حمزه]

إجلس بـ قلبي حبيبي ، ماعليك .
وأي شخص يضايقك فيه ؟ إطرده !

أفقدك لو غبت لحظه وأحتريك ،
وغيرك يغيب ( العمر ) ما أفقده .

[طيب القلب]

هلابك يابعد حي سكن بين الرجا واليـاس ....
هلابك من هنا إلى هنا لا وطيت اترابك

[طيب القلب]

ابو محمود خذ اخر حرف في البيت
وهات لنا ابيات تبدأ به