دار الاركان (متابعة الموجه الثالثه الرئيسيه حتى تنتهي )

[Assalimi]

افا الحين أتأكد
والله شكله الضغط له أسبوعين راسي والحمد لله احسن انه بينفجر وما عاد اشوف مثل اول .

لكن أراجع الشارت واشوف القيعان الاعلى ( دعوم )

لا تجهد نفسك اكثر يابو فراس
الزم ما علينا صحتك

[بن حسن]

السلام عليكم ..

اختلاف الرأي لايفسد للود قضيه نحبكم فالله ابو عبدالله وابو فراس وجميعكم محل ثقتنا وماقصرتم بالتحليل الفني
جزاكم الله عنا كل خير .. بالنسبه للخلاف فهو بسيط وذكر ابو عبدالله سابقا وطلب من الجميع عدم التحليل اللحظي في هذا الموضوع لانه للمستثمر وما ارسل توجيه لابو فراس الا لمصلحتنا جميعا

[دام عزك]

طول بالك يبو فراس و تعوذ من الشيطان حاول تتجنب الردود المستفزه انت ما قصرت امس وضحت وجهة نظرك انها للمضارب و شفنا التضخم الحاصل للسهم بشارتاتك

الغالبية هنا مستثمرين سبق و مر عليهم التضخم في اكثر من مره و تجاوزوه وهم يمكن ما يدرون عنه لأن الوقت مفتوح لهم اسبوع فوق و اسبوع تحت ما تفرق

الآخوان المستثمرين لا يختلط عليكم الموضوع فيه فرق كبير بين اهداف المضارب و اهداف المستثمر ولا تفكر تلوم نفسك ع عدم البيع او الشراء طالما ماعندك خلفية عن قراءة السهم فـ عليك بالصبر و الحمدلله السهم له مستقبل ان شاءالله و مشواره طويل

[بن حسن]

لا تجهد نفسك اكثر يابو فراس
الزم ما علينا صحتك

بارك الله فيك ابو عبدالله والف لابأس عليك ابو فراس

[ابو رغد]

سبحان الله والحمد لله

نعم انا ابو فراس وما يتوجب علي اذكره سواء إيجابيا او سلبيا .

وما ذكرته بالامس واليوم من اجل انه يوجد أعضاء تريد ان تزود والله شهيد على ذلك أردت ان يزودا بالسهم باقل سعر ومن اجل ذلك ذكرت وكتبت .

لكن ابشروا لن ولَم أتكلم عن اَي جني ارباح او سلبية ( كما تتهموني فيها ) لن اذكرها

والله على ما اقول شهيد

وأبو عبد الله اخ واعتبره صديق رغم إنتا لم نتقابل يوما لكن والله له احترامه وتقديره وكل حرف اكتبه انا مسؤول عنه يوم القيامة .

لا احد يشكك الناس فيني انا ابو فراس
ماجد المسعودي

موفقين

انت ناصح امين كما عهدناك وفقك الله

[القحطاني ابو شنب]

افا الحين أتأكد
والله شكله الضغط له أسبوعين راسي والحمد لله احسن انه بينفجر وما عاد اشوف مثل اول .

لكن أراجع الشارت واشوف القيعان الاعلى ( دعوم )

سلامات يابو فراس ماتشوف شر ان شاء الله
خذها من اخوك من خبره مع الوالد
علاج ضغط اسمه زيستريل 5 م اولا يضبط الضغط لك ثانيا يحافظ على الكلى
واسئل خبير ولا تسئل طبيب

[الودعاني]

الموضوع هذا كافي عن السهم
وشركات المضاربه معروفه اللي بيضارب بها يروح يفتح عنها موضوع
لانريد ان يتحول المنتدى الى سهم او سهمين
لابد ان يكون فيه تنوع بالمواضيع وليس تكرر سهم بعينه وهذا بصالح المنتدى

بالعكس الاركان وسابك والاسهم اللي فيها سيولة

عالية وشغل احلى شي بالمضاربة ..

وهالشي ما يمنع يصير فيه موضوع للمتابعة

اللحظية دامك ماتبي احد يتكلم ف اللحظي هنا .

لو الواحد يحسب 30 هللة طلوع ويبيع ويرجع يشتري

بعد هبوط 30 هللة ف الاركان ، رهيبة

لكن ما ادري ليش الى الان يا ابو عبدالله مصر ان

المضاربة تأثر ف السهم ف موضوع في منتدى ..

مهما كان عدد المتابعين عادي جدا والسوق يحمل ويشيل

لكن بالاخير نحترم رغبتك ف موضوعك وعشان كذا

نبي موضوع يفتحونه المحلليين اللحظين

حتى الواحد لو ما يبي يضارب يشوف ويتعلم

من هالشارتات ويستفيد موب جالسين وبس .

[أبو فراس]

وكلامي يومي وليس لحظي

فيه رقم قبله وعلى اليومي ويعتبر قوي وهو 10.94
ما ادري كيف تركته ويمكن ما يقترب منه بسبب الرقم 11
انا استغرابي كيف تركت 10.94 رغم اهميته على كل الفواصل

اذا رجعت المنزل الليله إن شاء ابينه لك على الشارت

نعم ابو عبد الله
وجدت النقطة 10.94 كانت مقاومة تكونت اثناء الاتجاه الصاعد ومن ثم تم اختراقها وتحولت فعلا الى دعم .

وأريد ان اوضح شيئا وهو اننا باتجاه صاعد ومنذ الامس وصلنا 11.30 ونزل السهم .
وانت اعرف مني بانه اثناء نزولنا من الاتجاه الصاعد اخر قاع اعلى يقابلنا اثناء النزول هو 10.78 ويعتبر دعم قوي لاننا بالصاعد نهتم بالقيعان الاعلى كدعوم اذا كسرت تحولنا الى هابط

ولهذا السبب لم اركز على النقطة 10.94 لانها لا تمثل اَي قاع اعلى بالصاعد

[IMG] http://[/IMG]

[أبو فراس]

استودعكم الله لانه عندي دوام مدرسة واليوم ما قيلنا ( نومة الظهر)

سامحونا ،،،،

في أمان الله ،،،

[صغير الصغير]

اوافقكم بأنه نحتاج موضوع مضاربة ابو مشعل وابو فراس

وسعد العتيبي يجب الاستفادة منهم وليس نفرهم من المتابعات

[مادتشيلـ]

ترى فيه مواضيع ثانية مفتوحة للمضاربة عن دار الأكان مثل موضوع أبو حسام و موضوع الأخ غسان اللي يبي يستفيد من المضاربة يروح يدورها واعتقد المحللين مايقصرون معاكم
أما لو فتح كل محلل موضوع عن دار الأركان لصار هناك أكثر من 20 موضوع عن السهم

[صغير الصغير]

الموضوع هذا كافي عن السهم
وشركات المضاربه معروفه اللي بيضارب بها يروح يفتح عنها موضوع
لانريد ان يتحول المنتدى الى سهم او سهمين
لابد ان يكون فيه تنوع بالمواضيع وليس تكرر سهم بعينه وهذا بصالح المنتدى

حنا علينا من صالحنا اولا مالنا علاقة بالمنتدى عندكم ادارة وعليكم التطوير

واذا تبي المنتدى يتطور يجب ان يكون فيه حياة وتسمح للمحلليين يشاركون

وتنوع الاسهم والمواضيع عندك موضوعك الخاص بجميع الاسهم لا نراك

تقوم بمتابعته والرد الى الاعضاء وهو اهم موضوع ممكن يكون مفيد للمنتدى

سواء انت او بقية المحلليين المواضيع والرد على الاعضاء هي من تجلب الاعضاء واعذرني على الشفافية

[اللهم اجرنا]

اشوف طلعو ناس لنا يبون موضوع مضاربه طيب وش لي مصبركم في الموضوع من اول دامكم مضاربين والموضوع استثماري واشوف ماطلع صوتكم الا وقت النزول وقت الطلوع مايطلع صوتكم وبعدين السهم نازل ١٤ هلله او ١٦ هلله وهو مرتفع ٣ريال يعني ولا شي النزول وشي طبيعي السهم يصحح مؤشراته
رجاء من الاخوان اللي يطلعون لنا وقت النزول ترا موضوعنا استثماري فرجاء لاتشوشون علينا اذا انتو مضاربين تقدرون تتفرجون على الموضوع بدون مداخلات تشوش على المساهمين

[اللهم اجرنا]

حنا علينا من صالحنا اولا مالنا علاقة بالمنتدى عندكم ادارة وعليكم التطوير

واذا تبي المنتدى يتطور يجب ان يكون فيه حياة وتسمح للمحلليين يشاركون

وتنوع الاسهم والمواضيع عندك موضوعك الخاص بجميع الاسهم لا نراك

تقوم بمتابعته والرد الى الاعضاء وهو اهم موضوع ممكن يكون مفيد للمنتدى

سواء انت او بقية المحلليين المواضيع والرد على الاعضاء هي من تجلب الاعضاء واعذرني على الشفافية

في عندك موضوع ابوحسام مضاربه
روح الله يوفقك ويرزقك وابعد عن موضوعنا الاستثماري

[الودعاني]

ترى فيه مواضيع ثانية مفتوحة للمضاربة عن دار الأكان مثل موضوع أبو حسام و موضوع الأخ غسان اللي يبي يستفيد من المضاربة يروح يدورها واعتقد المحللين مايقصرون معاكم
أما لو فتح كل محلل موضوع عن دار الأركان لصار هناك أكثر من 20 موضوع عن السهم

[justify]مشكلة السعودي كذا يبي يقعد ويضيع على عمره رزق لو حرك نفسه شوي

كان استنفع ، دخلت دورة تحليل اساسيات ويشرح لنا المدرب ويعلمنا اذا السهم

عكس مساره وتحول من صاعد الى هابط يقولنا ( انت هنا وش مجلسك

هل انت غبي اخر من يطلع ) ؟ كلمته دايم ف راسي ، طبعا هو يتكلم

بشكل عام وهو يشرح ولما يتحول صاعد يقول ادخل والحين مافيه شي

انك مستثمر وبس هذولي اللي يدخلون ف شركات قوية وتوزع ارباح

اما مستثمر طويل الاجل كلام فاضي الواحد لازم يستفيد ، لو سوري او

مصري والله يحاول ما يفوت ريال واحد وحنا مشخصين ف ذا الشماغ

والمويا تجري من تحتنا ويجي واحد يقول خلك مستثمر

ليه ما تستفيد من بعض الارتدادات تضيع على نفسك وعلى عيالك

المقصد الواحد يحرك نفسه لا يصير زي فاتح محل ب اسمه والشغل لغيره

وفعلا نتمنى يصير فيه تعاون اكثر بين المحلليين والاستفادة قدر المستطاع

مع الاعضاء جميعا ، اتمنى يتغير الفكر والبلادة .[/justify]