❤️ المساجـــله الشعـــريـــــه .،.،.

[AbuNader]

يرقى كما طير المنيفات قرناس
متعليا بـالحوم محد يصيده

راعي المبادي والقيم حر ياناس
الطيب بقلوب الخلايق رصيده

[ADMIN]

هو يدري إن الغلا له سرّ واجهار
وإن الفرح ممكن يجي من رساله

[طيب القلب]

هلا باللي عجزت القى عذاريبه
هلا باللي تحبه.. كل اسبابي

مساء فاق كل الشعر ترحيبه
بـ جية من سكن جفني واهدابي

[ADMIN]

ياغيمة النسيان لوحي وارعدي
وأروي بهمالك شواهيق النخيل

[طيب القلب]

لله درّ .. الغياب اللي .. من أسبابه
عرفت وش قيمتي في عين فاقدني

[ADMIN]

يا عيوني ليه تبكين من طول الغياب
وفري دمعش ترى دمع عينش ما يفيد
كم صبرنا للمصايب وقلنا الجرح طاب
واثر دمعش كل ما هل زايدها يزيد

[AbuNader]

دخيل الليل والقمر والنجم في سمانـا كــان
ودخيل الحب وعيونك ودمعاً غرق أوجاني

[طيب القلب]

يقــولون العرب .. دارن بلا مــغليك ماتغــريك
وأقــول إنك بليا "حــب" كنك عــايش لحـــالك

[ADMIN]

كأنك مقسّم على وجيه البشر ،
دايم أشوفك بالزحام وتختفي !

[طيب القلب]

ياالغايب الحاضر بقلبي ولا القاك
اقرب من عروقي وصعب منالك

شالك زماني عن عيوني ووداك
لاشك وثق في ضلوعي حبالك

[ADMIN]

كل فرصه تحتفي به تنبغي
حاتمي الوصل ما تقصر يديه

كل موعد لاجل عينه ينلغي
وغيره من الناس ملحوقً عليه

[طيب القلب]

هَل القمر واتذكر القلب خله
وغير خلي ماخطر لي على بال

لانه شبيهك يا قمر وانت مثله
والليل خلاني مع الشوق رحال

[ADMIN]

لا تحاول تختبرني .. فالغياب
عزتي قبلك ضحاياها .. كثير
.
ولا تحسب إني من الفرقا بهاب
الفراق صغير .. بعـيون الكبير

[طيب القلب]

روى خدي من دموعي شبـع قلبـي مـن النكبّـات
أظن الظن بأحبابي وما أسرع ما أختلـف ظنّـي

[ADMIN]

يــوم ودعني تلعثم فـي كلامه
وشفت فـ عيونه دموع الحب حيه
.
ماقويت أقول لــه مـع السلامه
قلت مــن زود الألـم ياللــه حيه