إسمنت الجوف لمتابعة التحليل (الفني والمالي)

[سالم العنزي]

في هذه اللحظة جميع شركات القطاع تغادر مستوى الـ 10 ريال , وسهم الجوف 8.47 .


الحقيقة تباعدت الفجوة كثير , ولعل ما فاتنا في شهور يعود في أيام .. والله كريم




كامل الشكر لكل من مر هنا

[الاثيري]

بديت افكر ازيد الكمية

[ابو سلطان]

تحديث: ومبروووك مقدما لملاك السهم الاقفال الايجابي بشمعة ايجابية

[سالم العنزي]

تحديث: ومبروووك مقدما لملاك السهم الاقفال الايجابي بشمعة ايجابية

عاش ابو سلطان .. بإذن الله إنها انطلاقة صادقة وحقيقية .. والله يبارك بك

[ابوفيصل ا]

ما شاء الله 8.50

[دام عزك]

دام عزك أبوعبدالله مشغول في الاركان وحنا ماراح نبيع بخساره وأعتقد انت نفس ظروفنا وكل واحد يشوف الي يخارجه والكسر الي تتكلم عنه مايهمنا الصراحه لانه المضارب والمتحكم بالسهم كسر فينا لين ماقلنا بس ووصل لأرقام أبعد من كذا بكثير في السابق وراح أسمع نصيحتك وأزيد جرعة الصبر لكن على كلام ابو فراس اخر تحديث كان يقول فوق 8:10 ممتاز مع اني اعرف المعفن مضارب السهم راح يكسره الله يكسر راس العدو ويستغل اكتتاب ارامكو للضغط أكثر لكن على قولتهم تساوت يسوي الي يبي ماعاد نحس من كثر الضرب واذا عندك شارت اسدحه تكفا هنا علشان يناقشونه المحللين
أبوأريج ننتظر المحللين الكرام يجاوبوا على تساؤلك وأعتقد ماراح يقصرون معك ومعنا

المعذرة يبو خليل هالفترة بعيد عن السوق مفعل الاهداف برسالة الجوال و الاخوان المحليين ما قصروا الله يعافيهم

الكسر اللي أقصده موجود في شارت ابو سلطان و الحمدلله كسره و رجع اخترقه ومازال يتداول فوقه

[ابو سلطان]

مبرووووووك مبرووووك (8.5)لملاك السهم اللهم زد وبارك لهم....

[ابو رغد]

المشكلة ان السهم اذا فز تناتقوا المحللين

وهذا كسر وهذا خصر

فقط نريد اغلاق فوق 8.44 هذا اليوم

[سالم العنزي]

شكله تضخم ..

[أبن قروش]

فقط نريد اغلاق فوق 8.44 هذا اليوم

المضارب يلعب بالسهم على كيفه ولابفيد معه التحليل الفني واللي معه في السهم الملاك المتعلقين فقط والعالم كلها تكره تدخل في السهم ان فيه تلاعب ووووو

[سالم العنزي]

حتى في اكثر يوم تفاءلنا به .. اقفل على الأدنى .


هو بس لو نعرف وش مشكلته تحديدا : فنية مالية نفسية .. تحدي .. وين المشكلة تحديدا .. السهم الوحيد اللي اذا ارتفع لازم ينزل ، ودايم يتضخم هههه



يعوضنا الله .. وبيع ماكو

[ابو رغد]

الاغلاق الأسبوعي ممتاز وننتظر رئي الاخوه به

[ابو رغد]

اجتهاد ونقاط مهمه سواء بالصعود او الهبوط

المقاومات المهمه 8.44 و 8.55 و الأهم 8.96 فوقها الأخيره يفتح الطريق لموجه صاعده

الدعوم 8.10 و الأهم 7.90

ابشررررو بالخير نصيحه السهم مقبل على خير خلال مده لا تتجاوز شهرين بمشيئة الله .


وتقيدو بهذه النقاط فالكم الخيررررر

لاتغفلون عن مادون

[أبو فراس]

الف مبروووك

[IMG]://[/IMG]


[IMG]://[/IMG]

[أبو فراس]

على اليومي :
موشر الايشيموكو :
تم اختراق خط التنكن عند 8.24
وبقي مقاومة خط الكيجن عند 8.34

ان شاء الله سنخترقها وبعدها يقوم خط التنكن باختراق خط الكيجن ويصحب ذلك صعود للسهم ومن ثم نخترق السحابة

[IMG]://[/IMG]

تحديث
نلاحظ الشمعة اخترقت خط التنكن والكيجن ودخلت لاختراق السحابة
وبقي ان يخترق خط الأزرق للحمر صعودا

النقاط
8.44
8.59
8.85
8.96

[IMG]://[/IMG]