❤️ المساجـــله الشعـــريـــــه .،.،.

[ADMIN]

اللي يحبك تبان أفعاله
ولا الحكي كلٍّ يقوله ...

[AbuNader]

هدّ عمرك ركّز شوي وتنفّس
جيب لك ذكرى جميلة وابتسمها

[ADMIN]

أنا تعبت ، و مات أغلب حنيني
اشياء أبيها : صرت ما عاد أبيها
-
قررت أعتق كل دمعة بعيني
حبستها لـ إنسان ما حس فيها !

[AbuNader]

الغياب اجمل كثير من الحضور الباهت
والشعر يوجع اذا المقصود به مايدري

[ADMIN]

يا ضحكة المولود لا ناغيت له ،
يا ميلة الغصن الطري مع الهوا !
.
يا فزّة المشتاق .. لا ناديت له ،
يا فرحة الدنيا ، متى نرجع سوا ؟

[AbuNader]

أحاول اطوي صفحتك واملّ
وارجع أفتّش في تفاصيلك
كيف ابتعد عنّك وانا ما ادلّ
الّا الدروب اللي تودي لك

[ADMIN]

كل ماشفتك ابتدي احبك من جديد
وين النهايه وانا كل يوم ارجع ابتديك

[AbuNader]

كل ما تصغر بعيني من خطاك
جاب لك قلبي عذر .. ثم كبّرك

[ADMIN]

كاسٍ مليته بالوفا لاتكبه
خلّه يبلل بالوصل يابس الريق

ترى حلاة العمر مع من تحبه
شخص تريده من جميع المخاليق

[AbuNader]

قدرت اتحمّل غيبتك يا لطيف الروح
مثل ماقدرت اتخلّي الروحه الروحه

[طيب القلب]

السلام عليكم
أسعد الله صباحكم
يعطيكم العافيه جميع
الوقت تأخر تصبحون على خير لنا لقاء أن شاء الله

هلا وغلا منورنا أبو رغد
وننتظر مشاركاتك معانا

[طيب القلب]

هذا الهوى اللي يسمونه ( الحب)
....................يطفي ويشعل في القلوب الحرايق

اما يجي نسناس صبحٍ اليا هب
....................فيه الندى والجو بالحيل رايق

والا يجي صلف وسمومٍ مركّب
....................لهيب قيضٍ في قلوب الخلايق

[ADMIN]

قالوا علامك قلت ما بي خلاف
ما بي بلا يا كود فرقى المحبين
الحب لو يجحد عليله يشاف
يدري به اللي عارف لوعة البين

[طيب القلب]

نـار الغياب اللي كوتني وانـا ناطر
شمس اللقا تشرق وتشرق محبتنا

[ADMIN]

الوقت لو زان لك ياصاح ما دامي
ياسرع ما تعترض دربك بلاويها