دار الاركان (متابعة الموجه الثالثه الرئيسيه حتى تنتهي )

[العوفي]

يا رجال مايدري وين يلقيها المضارب طلع خير وبركة نزل زودنا الكميات حسود مع مرتبة الشرف هالمضارب الرجال طلعت بشركاتها وهذا الحسود مايبي احد يربح معه طالع هللتين ونازل هللتين كل اسبوع على هالحال مايدري اننا علقنا الصبر من صغرنا وين ما يروح الاركان حنا وراه تحوص تلوص تلف يمين تروح شمال حنا معاك وصبرنا صبر ايوب بيني وبينك انا ودي ازود الكميات واخليها للعيال بس اتحرى الفرصة

[ابو طارق]

اخر سعر10.30

الكمية 5,594,229

[ابوليانو]

السلام عليكم . الظاهر نتايج هالربع غير جيده . وليالي العيد تبان من عصاريها . الله يسترشريت هاليومين وقلت مسكت الذيب من ذيله والظاهر هواللي صادني .

وش دخل نتايج هالربع في استثمار المستثمر فالشركه هذي
الشركه تملك مليارات الارباح والقيمه الدفتريه للسهم 17 يعني لو صفت بكره كل مستثمر يستحق 7 ريال فوق هالسعر
وتقلي انتظر نتايج هالربع ,,,هذا اخر اهتمامي كمستثمر نتيجة ارباح للربع هذا مع القيمه الدفتريه العاليه ومشاريع الشركه

[التميمي في الحوطه]

يااخي انا اظارب بالهللات وجزء منها استثمار. والظاهر ابيع اللي شريت امس وقبل امس بخساره .12 هلله الشكوا لله سبحانه .

وش دخل نتايج هالربع في استثمار المستثمر فالشركه هذي
الشركه تملك مليارات الارباح والقيمه الدفتريه للسهم 17 يعني لو صفت بكره كل مستثمر يستحق 7 ريال فوق هالسعر
وتقلي انتظر نتايج هالربع ,,,هذا اخر اهتمامي كمستثمر نتيجة ارباح للربع هذا مع القيمه الدفتريه العاليه ومشاريع الشركه

[ابو هتان]

هذي القصه تنطبق على مضارب الدار
https://youtu.be/cRM58Y4Fr70

[ابوليانو]

يااخي انا اظارب بالهللات وجزء منها استثمار. والظاهر ابيع اللي شريت امس وقبل امس بخساره .12 هلله الشكوا لله سبحانه .

موضوعنا للاستثمار فقط واذا بتضارب عندك المتابعه اليوميه يفيدونك

[شعبان]

السهم ما عليه خوف اذا كانت الارقام صحيه المشكلة اذا كان في الشركة تلاعب وكل هذي الارقام وهمية

[التميمي في الحوطه]

انتم تذكرون اتحاد الأتصالات والأرقام المهوله وبالأخير صارت سراب . وامحطوا بالسهم القاع .

السهم ما عليه خوف اذا كانت الارقام صحيه المشكلة اذا كان في الشركة تلاعب وكل هذي الارقام وهمية

[التميمي في الحوطه]

اذا كان موظوعك للأستثمار وليه تتابعه انت واللي معك في القروب .سكرعليه واترك المتابعه . كلامك يناقظ شغلك مع احترامي لك .

موضوعنا للاستثمار فقط واذا بتضارب عندك المتابعه اليوميه يفيدونك

[رمضان]

نتائج الشركة ليس لها اي تآثير على سعر السهم الا قليل سواً كانت مرتفعة او هابطة
ووقت محدد

[شعبان]

انتم تذكرون اتحاد الأتصالات والأرقام المهوله وبالأخير صارت سراب . وامحطوا بالسهم القاع .

هذا بلا ابوك يعقاب
لا ان شا الله نتفال خير وبذن الله يسعد الجميع وتعم الافراح

[العوفي]

انتم تذكرون اتحاد الأتصالات والأرقام المهوله وبالأخير صارت سراب . وامحطوا بالسهم القاع .

الاتصالات على قولك لقو فيها تلاعب من ادارة الشركة وارقام غير حقيقية واختلاسات بالهبل

[جريح الصمت]

السهم ما عليه خوف اذا كانت الارقام صحيه المشكلة اذا كان في الشركة تلاعب وكل هذي الارقام وهمية

مساء الخير يا شعبان
الآن في محرم
ياراجل المليارات اللي عند الشركة
خايف أنها وهميه

[التميمي في الحوطه]

ماشاء الله اجل الشلاش كل كلامه صحيح . تبارك الله .quote=العوفي;896900]الاتصالات على قولك لقو فيها تلاعب من ادارة الشركة وارقام غير حقيقية واختلاسات بالهبل[/quote]

[العوفي]

ماشاء الله اجل الشلاش كل كلامه صحيح . تبارك الله .quote=العوفي;896900]الاتصالات على قولك لقو فيها تلاعب من ادارة الشركة وارقام غير حقيقية واختلاسات بالهبل

[/quote]

انت تبحث عن ايش يالتميمي قولها بصراحة جاي ترجف روح المنتدى الاخر نحن مستثمرون يطلع ينزل شاننا موعاجبك السهم ما احد قال لك ادخل بالسهم عاجبنا وضعنا