دار الاركان (متابعة الموجه الثالثه الرئيسيه حتى تنتهي )

[سلمان بن محمد]

قالكم تلميذي ( محمد الاول ... نسل الفاتحين ) قبل كذا كسر 10.28 مسألة وقت وبالفعل السهم كسرها ووصل الى 9.96 والنتيجة حذفتم عضويته بدل ماتشكرونه او تتقبلون وجهة نظره التي اثبتها السهم

الان يقولكم استاذه :
كسر 9.96 مسألة وقت .... وفي الغالب حتكون مع الاعلان
والله اعلم

كنت شايل هم الأعلان
بس بعد خروجك التفائل ارتفع

[ابوشادي]

لا يشكك في علم ابو عبدالله الا جاهل او حاقد

ترى هذي الجملة انا اللي قايلها .... يعني حقوقها محفوظة

[ساهر911]

الله يستر من هالسهم 😪😪

[ابوعزام]

​بشرو ولا تنفرو دامكم مستثمرين في السهم وليس مضاربين

[ابوشادي]

الله لايخليبك ولا عظم أي والله.....ياغراب البين ماتجيب إلا العلم النحس

حسبي الله ونعم الوكيل
يعني اذا قالك الدكتور معاك المرض الفلاني ... تدعي عليه ... سبحان الله
حسبي الله عليك ونعم الوكيل

[ابو فارس]

.................................................. .............

طيب حدث لنا الشارت يا استاذ الفشل

اللي باعوا على كلامك ب10.10
وينتظرون السهم تحت لهم حق عليك

بالتحديث زي ما انت شايف السهم راح 10.78

ينتظرونك بفارغ الصبر .

[ابوسند]

ترى هذي الجملة انا اللي قايلها .... يعني حقوقها محفوظة

أنا أشهد إنك خيالها
أبوشادي تذكر قايلها ولا نسيت هذي المقوله

[رابح على طول]

الزبدة عندما تدخل معرفات ابو ريالين زيدوا الصبر عندكم
السهم راح يسعدكم بإذن الله تعالى ،،،،

[الفارس]

ابوشادي الله يقتص لنا منك اذيتنا في حلالنا وتتفرح
وفي المنتدى المجاور اوقفت حساباتنا

[الفارس]

وتحذف ردودنا رغم انها في حدود الادب والعقل لاكن حسبي الله ونعم الوكيل

[ابوشادي]

أنا أشهد إنك خيالها
أبوشادي تذكر قايلها ولا نسيت هذي المقوله

حفظ الحقوق واجب يابوسند ربي يسعدك ... المفروض الاخ يقول ... قال ابوشدي
لكن بسيطة
ابوشادي اصبح ابوريالين وغراب بين ... ومدري وش بعدها الله يستر
ابوك يادنيا مالها امان

[ابو فارس]

ايش الفرق ان واحد اجتهد وأخطأ . إن كان في توقع صعود السهم أو نزوله... ويمكن توقعه يتحقق ولو بعد حين.... إن كان لفوق أو لتحت..

ابداً الخطأ وارد لكن بدون جزم لاحظ ( مسألة وقت )ثم يحدث بفشل النموذج .

[فراسه إنتباه]

شلون له وجه يدخل
عجيب مش معقول

[كوود]

ابداً الخطأ وارد لكن بدون جزم لاحظ ( مسألة وقت )ثم يحدث بفشل النموذج .

مثل ماجزم ان المؤشر رايح 4000 و طار 11000

مثل ما جزم ان الأركان رايح 4 ريال وطار قريب ال11 ريال

انا ما استغرب من تصرفاته لانه معروف مرجف و فاشل ولكن استغرب ممن مازال يدافع عنه

[ابوشادي]

اللي باعوا على كلامك ب10.10
وينتظرون السهم تحت لهم حق عليك

بالتحديث زي ما انت شايف السهم راح 10.78

ينتظرونك بفارغ الصبر .

اجبرتني ارد
اولا : الناس اللي هنا مايبيعون يعدلون
ثانيا : الاهم انا هنا اعطيتك التوجه العام والخلاصة اما التفاصيل ... ابحث ودور هنا في الموضوع هناك شارت قلت اعلى هدف سيصله السهم 10.70 وشوفت عينك السهم وصل 10.78 عاد انت كريم سامحني في 8 هلا لات
ابحث عن الشارت يمكن تلقاه ويمكن ذهب مع الشارتات اللي ذهبت .... تراه شارت يرسم الموجة الاولى من الثالثة من c من y