دار الاركان (متابعة الموجه الثالثه الرئيسيه حتى تنتهي )

[سلطان زمانه]

نصيحه لوجه الله
من اشترى باسعار قيعان جائحة كورونا وهي الوباء العالمي الذي قد لا يتكرر الا كل 100 سنه فهو محظوظ بغض النظر عن اي سهم فلا تفرط باسعار تعتبر فرصه من فرص اسواق المال اذا كنت مستثمر

كلام سليم جداً

[abdullh13]

============================

[أبورزان]

أبو عبدالله
أحسن الله عزاءكم،، وتقبل فقيدكم.
وبارك الله فيك على التثبيت والتطمين،، وبإذن الله ثم متابعتك الدائمة تتحول الخسارة إلى ربح بالنسبة لي ولمن هو مثلي خسران.
وبالنسبة لغيري باذن الله من ربح إلى زيادة ربح.

[العقيلي]

العقيلي الله يرزق من واسع فضله

الواضح ان عندك اشكالية في ادارة المحفظة. اقترح عليك ان تبحث عن دورات و تتعلم كيف تدير محفظتك . الاسهم كثيره و الفرص تتجدد . صدقني راح تحصل خير من ما فاتك. فقط اصبر و حاول تتعلم من اخطاءك.
لا تنسى ان كبار المحللين والمستثمرين يخطؤون واولهم صناع هذا السهم دخلوا معهم كثير و تورطوا الان.

كلامك صحيح يوجد أخطأ فادحه واكبرها ان 70%في سهم واحد

[العقيلي]

نصيحه لوجه الله
من اشترى باسعار قيعان جائحة كورونا وهي الوباء العالمي الذي قد لا يتكرر الا كل 100 سنه فهو محظوظ خصوصا الاسهم القياديه فلا تفرط باسعار تعتبر فرصه من فرص اسواق المال اذا كنت مستثمر

أحسنت هذا الكلام السليم

[آبو نايف]

👍 👍 👍 👍 👍 👍 👍

[سلمان بن محمد]

الشركات الداعمة لمؤشر القطاع العقاري اليوم

[ابو بـدر]

اول شي أعوذ بالله من الشيطان والحمدالله ع كل حال والله ياخوان أن عندي ظغط وسكر فاعذروني وهذا زادها اليوم دخلت سيوله في المحفضه عندي سهم ابي ادخل فيه ولا دريت عن نفسي الا وانا شاري في الأركان مدري هذا سحر ولا عشق ولا مدري وش اسميه.
اما الأسهم إلي كانت عندي أقل سهم بعته بمكسب ٤ ريال ولله الحمد وواحد بتدبيله ونص هذي عشان كلام ابوعبدالله ومع احتفاضي بجزء من بعضها.

كل شي الا الصحه يالعقيلي واحمد ربك على العفو والعافيه
وانت على الاقل افضل كثير من غيرك الحمد لله تكسبت في اسهم ثانيه وطلعت منها بمربح

محاكيك مثلك كل فتره ازود الكميه معه لين طلعت المحفظه اكثر من 95% منها اركاني : ) والكميات هذي ليتها كانت سابقاً في اسهم! كانت كاش طوارى تنتظر فرص لكن الدنيا كلها قبت وطارت ومعد ينفع اللحاق فيها الا هالاركان تقل كنه بعير برك له على اسمنت, فالافضل لي حاليا ابرك معه لين يفرجها الله. خوفي بس من المؤشر العام بعد الارتفاعات القياسيه هذي لايجني وينزل نزول قوي همن يلحقه خوينا الاركان تقل سيل هادر من جبل!

لكن يجي له دور ان شاء الله, اذكر ابو عبدالله من سنوات وكان يتكلم على مرحله الانفجار وعروض السهم وحركاته تصير مثل الريشه خفيفه كنت اقول في نفسي مستحيل هذا سهم ملياري! لكن فعلا حصل اللي ذكر قدامي وانا اتابعه بالشاشه حركه السهم وعروضه صارت كنها شركه صغيره!

[فيض العطا]

واتوقع انك تبيع ايضا دار الاركان بقاع وتشتري بسهم طالع وينزل بك

ما دام ما صبرت على لاسهم الي اخذتها بالقاع فلن تصبر على سهمك هذا

هكذا هي الاسهم تمشي على العامل النفسي

فاذا طفشت من سهم اعرف انه اقترب صعوده

واعلم انك اذا طفشت فغيرك مثلك طفشو وباعو

ومادام انهم باعو فاللي طفشهم اخذ مراده وبيطلع بالسهم يدور المكسب

خل غيرك يطفش ويبيع ليطلع بك

وليس العكس تطفش وتبيع ويطلع بغيرك

والله انك صادق يابو عبدالله سبق اني بعت الاركان بخساره يوم طفشني المره السابقه بعته ب 7.30 وطلع على طول ومارده الا 15 ومن خاض التجربه يتعلم الصبر وينتظر الربح وهذا هو اللي مصبرنا عليه وكلامك ونصحك من علم وتجربه من عايش دار الاركان يصبر قدر الامكان وبالاخير يطلع كسبان بعكس اللي من الصبر تعبان ويبيع طفشان ويطلع السهم وهو خسران ..
الفرج قريب يااخوان ولا تصدقوا اي مرجف كائن من كان ..

[salem]

يارب ياكريم

[ألفيصل]

احسن الله عزاكم وعظم الله اجركم الله يغفرله ويرحمه ويجعل مثواة الجنة

[سهملاوي]

عظم الله أجركم وأحسن عزاؤكم ابوعبدالله اللهم أغفر له وارحمة وتجاوز عنه برحمتك .

[رعد]

والله يا اخوان ماني عارف اضحك والا ابكي والا ايش بالضبط ؟ السهم قفل فوق ٩.٢٨ ليومين متتالية ولله الحمد. وكل من تابع السهم من سنوات طويلة يعرف ان السهم ياخذ ٣ او ٤ سنوات يجمع فيها ثم يفز ويطلع لهدفه . وابو عبدالله الله يجزاه خير يعطيك قاعه الصحيح وهدفه الصحيح بنسبة دقيقة جدا على عكس كثير من المحللين الي يسمونهم أكابر المحللين الي والله ما يدرون عن القاع الحقيقي والهدف الحقيقي في الأركان تحديدا ولا يلامون لأن الأركان حالة خاصة جدا لم ينجح في تحليله الا القلة القليلة جدا ويقف على رأس الهرم ابو عبدالله . انت الان إذا مصر تشتري في الأركان وعاجبك السهم خل جنبك في جنب ابو عبدالله وابلع لك بطيخة صيفي وارقد او بيع واشتري في الاسهم الثانية واترك الأركان. عجبي ومكمن استغرابي انه الآن بعد ما قربت فزة الاركان بإذن الله نقرأ الصياح والنياح والولوله من بعض الأعضاء وبعضهم متابع لهذا الموضوع منذ افتتاحه . ما ادري صراحة اضحك والا ابكي !!!

[رعد]

عظم الله اجركم يابو عبدالله ورحم الله ميتكم وغفر له واسكنه فسيح جناته

[مدور خير]

عظم الله أجركم وأحسن عزاءكم ابوعبدالله اللهم أغفر للفقيد وارحمة وتجاوز عنه برحمتك .
انا لله وانا اليه راجعون