دار الاركان (متابعة الموجه الثالثه الرئيسيه حتى تنتهي )

[أبو مــالك]

محاولات حثيثه لجر المنتدى الى مستنقع الغيبه والنميمه والتنابز بالالقاب
وخصوصاً هذا الموضوع

[its right]

فمن عفا وأصلح فأجره على الله

الأجر من الله يالربع
فكوا عماركم من الغثا
سعة الصدر وطولة البال والعفو من سمات الصالحين

[جبل طويق]

السلام عليكم ورحمة الله وبركاته
حسب ما وردني بأن شركة دار الأركان قامت خلال الأسبوع الماضي بالآتي:
1- تأجير ما يزيد عن (40) محلاً تجارياً في مجمع القصر السكني بالرياض.
2- فتح عمليات البيع والتأجير للشقق دون تحديد مناطق البيع والتأجير، حيث
أنه من الممكن تأجير شقة في عمارة، وبيع شقة مجاورة لها في العمارة نفسها
مما يعني أن الشركة غيّرت سياستها وتريد الحصول على المال بدلاً من التعفف
سابقاً.
أكرر حسب ما وصلني من عِلم والله أعلم.

[الغنيم]

اللحين 22 الي مسكوهم مو عشان رفعوا السهم الفتره السابقه الى 15 بطريقه مخالفه ولا كيف ياشباب ؟

[الغنيم]

يعني معقوله لولا المخالفه ما ارتفع السهم من ذيك الفتره
وشغال تجميع

[its right]

انتظر يالغنيم ويفتونك هل البخص
وعند جهينة الخبر اليقين

[NA9R_SA]

اللحين 22 الي مسكوهم مو عشان رفعوا السهم الفتره السابقه الى 15 بطريقه مخالفه ولا كيف ياشباب ؟

كل شي واضح يا ابن الحلال شوف الكميات والشموع وانت تعرف بدون سؤال
شوف الكميات المشتراة والكميات المباعة والققم والقيعان
خمس هلالات وعشر هلالات ونص ريال وريال كم تجيب لك
واضح وضوح الشمس لكن الناس مغمضة ماتبغى تشوف

[رابح على طول]

كل شي واضح يا ابن الحلال شوف الكميات والشموع وانت تعرف بدون سؤال
شوف الكميات المشتراة والكميات المباعة والققم والقيعان
خمس هلالات وعشر هلالات ونص ريال وريال كم تجيب لك
واضح وضوح الشمس لكن الناس مغمضة ماتبغى تشوف

زادك الله علما يا الغالي

[بدر ساري]

هداك الله الي يتعرض لك قدم واشتكه لكن المنتدى لا وش دخل المنتدى والطرفين هنا وهناك هداهم الله تبادلوا الشتائم وهذا والله لا يجوز للمسلم على المسلم

انا قليل المشاركات ولا احب المهاترات ولكن كلامك يابو خالد من رجال حكيم المنتديات مالها علاقه لا هنا ولاهناك نعتبرها اختلاف وجهات نظر صحيح انها قاسيه ولاتصح للاخوة وكلنا اخوة ومسلمين اما اذا كان الواحد مقصود وباسمه هذا موضوع اخر والي بيفتح باب مارايح يقدر يسده مثل مالواحد يدور بيدورون عليه والافضل التسامح فيما بيننا هي حاجه وقتيه وتعدي هذا طبع المناقشات والمنتديات نركز في اسهمنا ومحللينا وترك متابعة الناس والله يوفقكم جميع

[الغنيم]

كل شي واضح يا ابن الحلال شوف الكميات والشموع وانت تعرف بدون سؤال
شوف الكميات المشتراة والكميات المباعة والققم والقيعان
خمس هلالات وعشر هلالات ونص ريال وريال كم تجيب لك
واضح وضوح الشمس لكن الناس مغمضة ماتبغى تشوف

جميل ...
يعني لولا المخالفه ما ارتفع السهم
والتاريخ يعيد نفسه من بيعيده ننتظر مخالف مطنوخ يشيلها في جنبه ويرفع السهم
والشارتات الي راحت طلعت فشنق ههههههههههههههه

[بومحمدد]

مرحب بجميع الاخوان بقولكم نقطه مهمه جدا عن السهم خاصه من تداول السهم خلال هذا الاسبوع وانا متابع للسهم يوم كان بسعر 6.75 كانت تلك الفترة العروض بمئات واحيانا توصل المليون سواء بالعرض او الطلب من سعر 6.75 الى تقريبا سعر 8 ريال وكانت حجم التداول ذيك الفتره اقل شي في اليوم يتداول 40 مليون سهم مابين صافي **** والعكس الواضح خلال هذي الفتره من تجميعه السابق ان الان يعمل على تصريف السهم مابين 8.5 الى 9.64 الاعلى شي وصله بعد كورونا لان من تداول من الاحد الى يومنا هذا الثلاثاء صافي السيوله فيه 220 مليون سهم اي مايعادل **** 28 مليون سهم وهذا يعتبر **** للتصريف بحكم عدد اسهم الشركة الي تتجاوز المليار اثبات لكلامي لو انا مضارب مثلا في شركة معينه ايام قاع كورونا وعدد اسهمها 30 مليون سهم وكانت بسعر تحت 10 عملت تجميع للسهم من 8 مثلا الى سعر 14 ريال واستحوذت على نص كميات السهم راح يخدمني في هذي اللحظه ارتفاع السوق من اخبار ايجابيه ومشترين مضاربين صغار ويرفع السهم من 14 الى مثلا 20 ريال اقوم انا بوقتها برفع السهم من 20 الى خانه الاربعين بكميات قليله بسبب تملكي للسهم باكثر من النص والي موجود باقي السهم عن الالاف المضاربين فالجزء الثاني من باقي السهم ضايع بين الافراد وهذا يخدمني في اني ارفع السهم بمستويات وارقام اريدها انا بكميات قليله جدا

[الغنيم]

اذا ان مضارب السهم يبغى يوصل السهم الى 15 على كذا يبغاله سنين حتى يوصل .... والسبب
مافيه مقارنه بين سيولة 2017 و 2018 والمتكونه من 22 محفظة مخالفه شنقت السهم من 5.80 الى 15
بينما مضارب السهم حاليا ولوحده ما راح يقدر يوصل للسعر 15 الا بعد فتره

[بومحمدد]

دار الاركان صعب التحكم به ويكفي المضاربين الان من قاع كورونا 6.6 الى اعلى ارتفاع وصله سعر 9.64 اي ربح النص وهذي يكفي المضارب بحكم ثقل السهم الان السهم والله اعلم في مجال التصريف ولم يستفد من الموجه السابقه من قاع كورونا الى الان بحدود 3500 نقطه راح تشوفون السهم في مستويات 6 و5 هذا الي اتوقعه علما اني املك بالسهم كميات فوق 9 ريال بس وقتها اذا نزل لهذا الارقام راح تكون موجه ثانيه قويه ممكن توصل لسعر اعلى من 10 اما كلام 17 و24 و32 هذا كلام احلام ماسووواها وهو في الشركة الي كانت بالسنه ارباحها توصل 700 مليون مابين سنوات 2008 الى 2012 وبهذا الربح الكبير حده وصل 14 تخيلو اقولكم بالسنه ربح لايقل 600 الى 700 والان اخر ثلاث سنوات ماتتعدا السنه الوحده ارباح 150 او 250 وهذي السنه تسجل اول خساره لها وتقولون اهداف بعيدهر

[بدر ساري]

يا اخواني لاتروحون بعيد في الاستنتاجات السهم مضغوط والي يعرف ابو عبدالله يصبر ان شاء الله بيجيه الخير لنا تجارب معه مهما طول السهم

[الغنيم]

وفوق هذا تخارج الملاك الرئيسين من السهم

الشلاش في مقابله له وضح انه سعر السهم ليس له علاقه بما يدور في الشركه
وهدف الادارة ليس بسعر السهم وانما كيف ينمي اصول وايرادات الشركة
واكبر دليل خبر الأمس ما أثر في السهم اثناء تداول اليوم