دار الاركان (متابعة الموجه الثالثه الرئيسيه حتى تنتهي )

[Assalimi]

[Assalimi]

ابو عبدالله


مساك الله بالخير


كان عندي سهم كيان ب8 ريال وبعته بنفس السعا تقريبا ووصل ل14 و15

وكيمانول كان عندي ب7 وبعته ب8 وراح ل14

والصناعات الكهربائيه كان عندي بعته ب15 ووصل ب25
وغيرها كثير

كلها عشان نجمع في دار الاركان وخسرت اسهم كثيره وارباح كثيره


ودار الاركان معلقنا سنين هل بيعوضنا انا ضاق صدري والله على فوات الارباح الكبيره

ولكن ثقتي في الله كبير


تعليقك يبو عبدالله هل باذن الله نعوض ويسعدنا هالسهم!؟

اذا كررت نفس منوالك ما راح تستفيد من السهم هذا ايضا

كل الاسهم التي ذكرت طفشت ملاكها اكثر من دار الاركان

انت الان جاتك العبره من نفسك وليس من احد غيرك وهذا بحد ذاته درس يجب ان تستفيده

ما زلت اقول و اكرر الاستعجال بسوق الاسهم والمناقز من سهم الى اخر إن لم تخسرك هذه الطريقه ستضيع عليك ارباح كثيره

دخولك بتلك الاسهم كان ممتاز لكن عدم صبرك ضيع عليك تلك الميزه

ومتوقع تكرر هذا الخطأ بدار الاركان لان دخولك به ممتتاز لكن صبرك اشك به

ياناس الان عليكم هجوم وتشكيك بالسهم ومحاربة كل ناصح لكم

هل سألتم انفسكم ليش هذا كله وش معنى هذا السهم

هل لانه اردى سهم بالسوق ولا يوجد اردى منه لكي يكون الارجاف والتشكيك منصب عليه من بين اكثر من 200 شركه بالسوق

سؤال الذكي سيفهم جوابه

[نعناع]

شكراً لجهدك ابوعبدالله .. اخجلتنا بكرمك بنصحك ومتابعتك وحرصك على انفسنا أكثر منا

[Assalimi]

مساك الله بالخير بوعبدالله

رحم الله والديك

بوعبدالله كم نقطة اختراق الترند الهابط من قمة 15.26 مرورا ب 12.40 ؟

الجواب على الشارت

[ابو ابراهيم]

صبحكم الله بالخير
ماشاء الله وشذا الشارت الي تفتح النفس وتشرح الخاطر
شارتك اليوم يابوعبدالله مادري وش ابدا فيه
احلى هديه في احلى وقت

[صـابـر]

الجواب على الشارت

رحم الله من جابك ابوعبدالله

[ابو ابراهيم]

شكل ابو عبدالله خلص تحليل وراح ينوم
لاتقولون ابو ابراهيم ماقاله اذا ماجاكم بكرة وقت التداول
عرفت وش بيسوي قبل مايسوي وهذي طبعاً تكتسب من الفراسه والدهاء
وسوف اعقد دورات قريباً اذا احد بيسجل لكم خصم خاص
وبما ان ابوعبدالله راح خلوني اعطيكم وش صار
جاني امس العصر واحد مع سيارة كشخة
عند بيتنا وقالي تعال
وجيت وانا خايف منه
شخصية ويخوف صوته صوت بعير



قال انت ابو ابوابراهيم
قلت ن ن ن نعم
مسكني من ملابسي وقال انتبه تبيع اسهمك الا لين اتصل عليك فاهم والا
قلت لا بلاش والا



ثما قال وين ابوك
قلت ابوي في البيت وش تبي به
الا اشوى هذا جارنا شايب راعي كنكان بعض الاحيان اخذ معهم كم صكه
وجهه سمح وحبيب ويحب القهوة في الدله اشغلنا اشغال



وقال صوت البعير انا من هيئة سوق المال وهذا جالس يحلل وهو مايعرف شي
لذلك وقفناه عن البيع الا عن طريقنا ولاتنسى علم ابوة
قال راعي الكنكان يابن الحلال تعال اقلط معنا وخذلك صكه
ماصدق خبر صوت البعير
وانا ارتجف من الخوف
لايسالني عن السليمي وانا مافيه أمل اعترف على ابوعبدالله <<<<تعترف بوشو
وقلت في نفسي ابعترف على ابوليانو لانه قاهرني صار محلل وانا لا
وملك الاغلاقات ابوطارق خله ياكلها يروح فيها ذبحنا
الاغلاق 8 ياخي عطنا اغلاق فوق العشرة خلنا نتنفس
وليوناردو ابعترف عليه
ابن المغيرة لا ارقد وامن
بني حرب انت في آمان
اابو رغد ابعترف عليه ذبحنا بالاستايل لنا شهر وكل يوم يقول اصبرو
ابوفياض المحارب ماعنك وعن التوقيف ابعترف عليك
محب الفاروق ابشر بالسلامه
وفجاة قال صوت البعير
وش علاقتك مع السليمي وليوناردو وابو طارق
قلت ابد طال عمرك ابوعبدالله السليمي صديق وتربطني به علاقه اخوية من فترة
قال اهاااا
والباقين
قلت ماعرفهم
قال وش تقول قلت
مطبلين ومرجفين
قالي خلاص انت وضعك سليم وراح ندرس وضع ابوطارق وليوناردو ونحقق معهم
قلت لاتنسى المحارب ابوفياض تراه معهم
وطلع وراح ابشركم

واخيراً طلعت منها

[ليوناردو]

ههههههههههههه الله يسعدك يابو إبراهيم حلوه صوته صوت بعيرهههههههه

[ابو فارس]

إبداع الله يرحم من جابك ويطول في عمرك .

[ليوناردو]

بارك الله فيكم يابوعبدالله وأبوليانو وأبوإبراهيم واصلوا إبداعاتكم

[الخوزباشا]

الله يجزاك خير.....يابو عبدالله

[عبدالله السويد]

الحمد لله ما ساءل عني يابوابراهيم هههههههه

[المحـــارب]

هدف قريب ومهم اختراقه واالثبات فوقه 8.78
ان شاء الله

[فهد بن عبدالله]

السلام عليكم ورحمة الله وبركاته
صباح الخير جميعآ ، وفق الله الجميع لكل خير..
جزاك الله خير يبو عبدالله .

[طالب رزقه]

السلام عليكم
صباح الخير
اسأل الله ان يرزقنا وإياكم من واسع فضله