قالت لي الليله .. ليلة سهر ! صباحكم ومسائكم ورود مختارة .

[ابو رغد]

ياترامب وش لك وسط برزه وتشرين
وبحارة المزه وحي التجاره
ان كنت صادق خل عنك المساكين
واضرب قصر بشار واهدم جداره
من قال لك به جيش ولا مجرمين
كذب عليك وجبت جيشك بغاره
ماني بخابر فيه غير المزايين
وقتاً مضى مريت مع كل حاره
خابر بها صاروخ مخلوق من طين
العين عين الحر باول نهاره
اخر لقاء بـآخر ثلاثه وعشرين
بمرطبات إيمان عند الاشاره
الله يعيد الامن على المسلمين
بالشام وبلاد العرب والحضاره
وان كان باقي عمر فينا الوفاء دين
بعض الاماكن تستحق الزياره


طازه / قصف سوريا من امريكا فرنسا بريطانيا

[صعفق الفايز]

ياترامب وش لك وسط برزه وتشرين
وبحارة المزه وحي التجاره
ان كنت صادق خل عنك المساكين
واضرب قصر بشار واهدم جداره
من قال لك به جيش ولا مجرمين
كذب عليك وجبت جيشك بغاره
ماني بخابر فيه غير المزايين
وقتاً مضى مريت مع كل حاره
خابر بها صاروخ مخلوق من طين
العين عين الحر باول نهاره
اخر لقاء بـآخر ثلاثه وعشرين
بمرطبات إيمان عند الاشاره
الله يعيد الامن على المسلمين
بالشام وبلاد العرب والحضاره
وان كان باقي عمر فينا الوفاء دين
بعض الاماكن تستحق الزياره


طازه / قصف سوريا من امريكا فرنسا بريطانيا

الله يعز المملكه بلاد الحرمين

قايدها سلمان ومحمد بمهاره



>>>> بيت متعوب عليه هههههههه


صح السانك والله يديم علينا الامن والامان وينصر الامه العربيه في كل مكان

[AbuNader]

[صعفق الفايز]

[صعفق الفايز]

ياليل ياللي عليه صرت دايم ثقيل
بالله قلي ياليل متى تبري الجراح !.
قصير عند البشر وانا عليه طويل
لانامت الناس انا سهران حتى الصباح ..
خاويت فيك النجوم الجدي ويا سهيل
والشعر باللي يكن الصدر ياليل باح ..
هواجس كنها البراق عرض المخيل
ياضامي اشرب حقوق السيل عذب قراح ..
تقهو من صافي الهاجوس ين وهيل
شبت بصدري معاميله وبالشعر فاح..
ابدع بيوت الشعر واختار منه الجزيل
في الهزل يا أهل العقول الشم مالي صلاح ..
العبد لو طال عمره يقتفيه الرحيل
يعيش ما عاش في الدنيا هموم وكفاح ..
والناجح اللي عن الاسلام ماله بديل
ثابت على الشرع ماهزته كثرالرياح ..
راعي عزوم قويه للثقيله يشيل
طلق الحجاجين في وجهه تشوف السماح ..
حاتم زمانه لضيفه لو معاشه قليل
سموه من كثرة ضيوفه بمخلي المراح ..
وان جيت له في لزوم الناس راعي جميل
يقضي اللوازيم صقر من صقور الفلاح..
مايكسب المدح رجال بجاهه بخيل
والا ليا جت للمده يدينه شحاح..
هذا كلام العقل ماهو بقال وقيل
من كان هذي فعوله يستحق المداح ..
واهل الحسد والنذاله ماوراهم حصيل
حاذور سدك لهم طوال الزمن لايباح..
النذل لاتصحبه رفيق والا زميل
يضحك بوجهك وفي غيابك عطيب الرماح ..
اعطيتك اوصاف بعض الناس والله وكيل
ماقلت غير الصحيح الي حسبته صراح ..
اليا ضميت اشرب الجمه وكب النثيل
هذي نصيحة مجرب خلها لك وشاح ..
يالله يالواحد المعبود مالك مثيل
تغفر ذنوبي نهار فيه خسر ورباح ..
وتجعل لنا في نهار الحشر ضل ظليل
وفي جنتك بعد قبض ارواحنا المستراح

[AbuNader]

يغيب وصف الفكر مرات ويفيق
والحرف سج مع البيوت العميقه

يامرحبا والقلب جوف المعاليق
ينبض غلا لاهل الوجيه الطليقه

[صعفق الفايز]

يذبحني الشوق دام الشوق مجنونك
حتى وانا جنبك الاشواق تشعاني
يا غاية القلب كيف الحال وشلونك
من غبت عني وانا للحين مرضاني
تغيب وامرض لاشفت الناس يطرونك
دقات قلبي عليك تتل شرياني
والناس بعيوني الثنتين يقرونك
ما غمضن والمنام أصبح وخلاني
اتنفسك مع طيوف الليل من دونك
واستبعدك عن جميع الناس بحزاني
اصير محسن واصير احيان لعبونك
لاجبت طاري الغزل والشعر بلساني
هوارت القلب دام القلب دلعونك
ضيعه لها بالضلوع العوج بستاني
عنترتك الثايره بقلوبنا هونك
ارحم ترفق على اللي بالغلا عاني
ياليلتي قيسك المشتاق مسجونك
اهيم بكل والهوى للعشق وداني
تصبح على خير دام الخير بعيونك
والليل اصبح وليف لي وخاواني

[AbuNader]

تفنن في صُنع قهوتك
ابتكر لنفسك يوماً لطيفاً
أغلق كل الأبواب التي تُفسد مزاجك

مساء الخير

[ADMIN]

مساء النور ابونادر

[ADMIN]

احب الليل و نجوم الليالي
حبيباتي أساهرهن لحالي
لقيت بصحبة النجمات سلوى
عقب ما فارق الخفّاق غالي
ألا يا ساريات الليل سيري
على واديه مع مسرى خيالي
تجلّي في سما خلّ المودّه
و قولي للحبيب وش جرالي
هنيك يا نجوم تناظرينه
و انا مالي على النظره مجال ِ

..

[AbuNader]

[صعفق الفايز]

مساء النور ابونادر

وانا ؟

[صعفق الفايز]

[ADMIN]

وانا ؟

انت لك صباح الخير ومساء الخير وكل شي
اعتذر ... غيرمقصوده الله يسعدك اخوي صعفق

[صعفق الفايز]

انت لك صباح الخير ومساء الخير وكل شي
اعتذر ... غيرمقصوده الله يسعدك اخوي صعفق

يارباااه كم انتي كويسه 🌹😘


وترا مزوووح دعابه 🙏 اهز الورد لجل يفوح العطر ياعطر المنتدى 🌹