قالت لي الليله .. ليلة سهر ! صباحكم ومسائكم ورود مختارة .

[خواطر]

‏يامطر قله حبيبك ، ماخطر
‏أو نسيت الوعد وايام الوصل

‏هو وعدني يتصل وقت المطر
‏ماخطر في باله انه .. يتصل !!! ؟

[صعفق الفايز]

خذت من دلّتك .. فنجال يسوى ثلاثين .. بريـّه









انقاد لك والهوى ما زال
يذبح قلوب .. الهواويـّه

ما بين صيت الفخر والآل
مواقف اهلك .. بطوليـّه

وما بين وجهك وليل الشال
الشمس تضحك على الفيـّه

على يديك الحلا يختال
خذيت عرشه .. و كرسيّه

سلّم على شفّتك لا سال
ريقك على الجمرة الحيّـه

أخذت من دلّتك .. فنجال
يسوى ثلاثين .. بريـّه

طاريك لا مرّ سيحة بال
و فرقاك كيّه على .. كيّـه

وانا من الجال لين الجال
عليك اصفّق .. بـ كفيـّه

واجرّ صوت الغلا موّال
و يلاحي الصوت قُمريـّه

ما بين لهفة لقا ووصال
لا دقّ رقمك .. بـ عفويـّه

تقبّله .. شاشة الجوال
و اقبّله .. لجل راعيّـه

اضيع لا قلت كيف الحال ؟
بـ البحة الغير .. عاديـّه

لا تشره ان كان صمتي طال
بحّتك تبحث .. خوافيّـه

الحب ما عذرب الرجال
والله يعلم .. وش النيّـه

[ADMIN]

اضيع لا قلت كيف الحال ؟
بـ البحة الغير .. عاديـّه

لا تشره ان كان صمتي طال
بحّتك تبحث .. خوافيّـه

الحب ما عذرب الرجال
والله يعلم .. وش النيّـه

ابيات غير عاديه
ماشاء الله صعفق اخوي
اختيار ذوق

[صعفق الفايز]

اضيع لا قلت كيف الحال ؟
بـ البحة الغير .. عاديـّه

لا تشره ان كان صمتي طال
بحّتك تبحث .. خوافيّـه

الحب ما عذرب الرجال
والله يعلم .. وش النيّـه

ابيات غير عاديه
ماشاء الله صعفق اخوي
اختيار ذوق

تسلمي من كل شر يامنبع الذوق

[صعفق الفايز]

فــي الـحـب صـدمات وتـلويع == مـهـما صـفـا الـجـو وتـحـلوى
فـيـها الـطـرب يـعـطيك تـوديع == والــحـزن يــاتـي دون مــلـوى
عـوق الـهوى مـاهو بـاسابيع == الـقـلـب يـبـطي مـنـه يـلـوى
راع الـهـوى ضـمـن الـمـواقيع == مــهــمـا بـهـقـواتـه تــعـلـوى
مــضـرتـه فــــوق الـمـنـافـيع == والــحــال عـافـيـتـه تــجـلـوى
مــاهــو بــعـيـب ولامـطـامـيع == شــي بــه الـقـلب يـتسلوى
مــن شـايـخ الـنـاس الـبواتيع == كــم شـيـخ قــوم بــه تـبلوى
يــازيـن قـلـبـي مـاهـو يـطـيع == مــا لــه ولــو اصـبـر تـسلوى
يــاقـايـد الــبـيـض الـمـفـاريـع == طـيـفـك بـخـفـاقي يـتـخـلوى
ســبـبـت لـلـخـفـاق تـضـيـيع == شـرقتي بـي والـناس عـلوى
يـاشـبـه خــزامـة بـــن قـريـع == وضحاً على أهل الوضح بلوى
الـها من اهل الصنف تشجيع == فـي الـسير والـميقاف حلوى
سـدت عـلى اهل الندر الريع == مــن جـده الـى بـحر سـلوى

[صعفق الفايز]

عوّدت نفسي مدامي جيت عابر سبيل

كل ما دهتني مصيبه قلت يا هونها

عاصرت من دورة الأيام شي مهيل

ومريت بدروب غيري ما يمرونها

من كثر ما شلت ما باقي بجوفي مشيل

روحي تدور معين ولا لقت عونها

[AbuNader]

لن يقوى أحد على إخفاء الوجع عنك
فهو
مرئيّ
ملموسٌ
مسموعٌ
كانكسار المكان المدوّي

فكيف حين يأتيك وصف لا يليق بك .. ومن أحب الناس إليك !

حكمة

عندما يُطعن الطيبون في قلوبهم يتوعدون بالإنتقام وحين تأتيهم الفرصة على طبقٍ من ذهب تصرخ ضمائرهُم "العفو عند المقدرة" ..

[صعفق الفايز]

عابثن يلعب بقلبي كما لعب الصغير

ولو تبين كذبته لي مابالي بالها

[AbuNader]

عقب ابتسامات المواصيل والقرب
دفعت حزني
للمفارق ضريبة

[AbuNader]

خطوتين وناس فالبال وأغاني
كل ما حنيت غنيت وقريتك

الطريق أيام والذكرى ثواني
ليتها لا جت في بالي لقيتك

[صعفق الفايز]

يشكي من العشق صولاته وجولاته

وروحه تقول انها بآخر نهايتها

اسقاه ريم الرماحيات جرعاته

وصبح مثل قيس مع ليلى وسيرتها

[صعفق الفايز]

تناديك رغبات المقابيل من الأرض وانتي بالمجرة
تهادي على غصن من الليل وتمادي على القلب ومقره

ترى كل هالدنيا تساهيل مادام اننا بنعيش مرة
تلدين وتزين التعاليل تصدين وتصد المسره

وأناديك ودموعي هماليل وفي الصدر تنهيده و حره
أحبك وما للحب تأويل ولا شفت منك إلا المضرة

وتموني يا ريم المكاحيل على القلب في خيره وشره
اذا جيتي استاهلك بالحيل واذا كان ما تبغين حره

فديت الوسيعات المظاليل رماح الهلاك المستشره
وخطواتك اللي بالخلاخيل لها في الصدر والقلب جره

وسواليفك بكل التفاصيل وصوتك بها لله دره
ابي منك ما ينهد لي حيل على شي ما يسوى المبره

وابي صادقات التهاليل اذا جيت ابشكي واتشره
من الحظ واشباه الرجاجيل وعثرات وقتي المستمره

وطموحاتي الغر المحاجيل وخذلانها مع كل كره
اعدل المساوي يطيح قنديل وأهز الجفن وتطيح قره

[AbuNader]

[صعفق الفايز]

[ابو رغد]

الـشـك بـاب ويفـتـحـه كـلّ مفـتـاح
واذا انفتح ضيّـق علـيـك الـزوايا

ان كان ودّك تقضي العمر مرتاح
حاكـم سلوك .. ولا تحـاكم نـوايا