دار الاركان (متابعة الموجه الثالثه الرئيسيه حتى تنتهي )

[عبدالله السويد]

شكرا لكل من سال لكن انشغلنا مع الدوامات وعامله عندي بتخرج واحترت في طريقة الجوازات وخلوها على ربكم الله يعين

الله يعينك ويسهل دربك مشكلة العمالة المنزلية كلن مو عارف وش يسوي اللي مسوي خروج نهائي والخروج والعودة واللي مسافرة مو قادر يجيبها الله يعين

[ابو شهاب 1]

لا ما نبي نسبه

نبيه يمشي هكذا ما نبي ارتفاع هش

صناعه ادركو ان الارتفاعات القويه والسريعه لا توصلهم الهدف اي هزه وانعكاس يصعب مسكه

ما طار طير وارتفع الا كما طار وقع

افضل ارتفاع هو قفزات لا تتجاوز 3 % يتبعها استقرار وتدعيم قبل القفزه التي تليها

لا تستعجلون السهم ماشي صح ويطبق قواعد التحليل الفني

جزاك الله خير وحفظك الباري

[تركي عواد]

جزاك الله خيرا

[أبورزان]

جزاك الله عنا كل خير يا أبو عبدالله، ورضي عنك.
وبتوفيق الله ثم متابعتك يصل السهم إلى مشترانا وأكثر بإذن الله.

[ناصر ابو هديل]

يالله عساه ما ياقف إلا فوق ١٠

[سلطان زمانه]

غداً يسجل الرقم 9

[ااحمد]

قل إن شاء الله

[مُحبّ الفاروق]

أخبار محفّزة للسوق المالي في السعوية


السعودية تسمح للأجانب بالاستثمار المباشر في أدوات الدين

أصدر مجلس هيئة السوق المالية في السعودية قرارا يسمح للأجانب المقيمين وغير المقيمين بالاستثمار المباشر في أدوات الدين المدرجة وغير المدرجة.

ويأتي ذلك انطلاقا من أهداف الهيئة بخطتها الاستراتيجية لتطوير السوق المالية السعودية، وتماشيا مع برنامج تطوير القطاع المالي، أحد البرامج الرئيسية لتحقيق رؤية المملكة 2030 .

[رعد]

والله يابو عبدالله الصعود السليم بالسهم ما يناسبنا عارف ليش ؟؟ لأنه في ظرف ايام معدودة يهبد بالسهم ريال وريالين تحت وبعدها يسبب لنا نفسية ما لها علاج . في الماضي القريب كان شغله مطلوب ومرغوب من المتداولين كان بظرف ايام يصعد بالسهم ريالين وثلاثة في ظرف ايام ويرجع يهبدبه ويرجع بعدها يسحبه فوق . الصراحة هذا الشغل الي يعجب معظم المتداولين واصلا سموه سهم الشعب لهذا السبب

[بنت الاجواد]

الحمد لله ماتحقق من أهداف حتى الان وان شاء الله للاهداف الموضحه من أستاذنا الكبير ابو عبدالله . صبرنا وان شاء الله يعوض صبرنا ربح وفير....
وشكرا أستاذنا الكبير ابو عبدالله ع المتابعه والنصح لنا بالاحتفاظ بهذا السهم رغم كل الظروف والازمات والارجاف الذي واكب نزول السوق .
الله يبارك لك بمالك وذريتك ويرزقك من واسع فضله ونعمته.....

[ابو ابراهيم]

الحمد لله رب العالمين على ماتحقق
ويسعد مساءكم بكل خير
انا وعدتكم اني ما احلل بس يدي تاكلني

اقتباس:
المشاركة الأصلية كتبت بواسطة عبدالله السويد
طالبينك اصمل انك ما تحلل هههههههه
الله يسعدك يا ابوابراهيم

صدقني ياعبدالله عند تحليل قوووي

ياناس عطوني فرصه

اقتباس:
المشاركة الأصلية كتبت بواسطة ابو ريم
ماتلاحظ يابوابراهيم ان قطارنا كل شوي يوقف بمحطة
ماحولك واسطه تركبنا القطار السريع
ذبحتنا عند كل قريه واقف
واذا هي على الفلوس ابشر بسعدك
عاد انت تموت على الدراهم

ابوريم لازم يوقف في كل محطه آجل تبغنا نشخف المحطه شخف
انت بنفسك قلت اشوى اني لحقك عليكم
وهذي صورتك وانت بغيت تتطيح
بس اشوى لحقت علينا في القطار




عندي مشاركات كثيرة
اليوم تكفووون خلوني افطفط شوي

[خالد التميمي]

الحمد لله رب العالمين على ماتحقق
ويسعد مساءكم بكل خير
انا وعدتكم اني ما احلل بس يدي تاكلني



صدقني ياعبدالله عند تحليل قوووي

ياناس عطوني فرصه



ابوريم لازم يوقف في كل محطه آجل تبغنا نشخف المحطه شخف
انت بنفسك قلت اشوى اني لحقك عليكم
وهذي صورتك وانت بغيت تتطيح
بس اشوى لحقت علينا في القطار




عندي مشاركات كثيرة
اليوم تكفووون خلوني افطفط شوي

يالله غرد يا ابو براهيم 😂 ما عليك انت معجزة التحليل

[ابو ابراهيم]

المشاركة الأصلية كتبت بواسطة Assalimi
ترى فيه واحد هناك يكلم نفسه لا تقهره زود
خاف عليه يموت من الحقد الذي بداخله ههههههههههه
الحمد لله جمعنا بالسهم بقاعه اكثر من ما دخلنابه عند 8.50
وانخفض متوسط التكلفه لسعر لم نحلم به
وصدق من قال من بين دخان الازمات تصنع الثروات
وسلم لي على الرعديد الذي يحكم عاطفة الخوف الغير مبرر والتي تلغي العقل وتمنعه عن رؤية الفرص

يا ابوعبدالله
انت الحين كاوي الرجال كوي ايام هناك وعندما اتى الى هنا كويته على العلبا
وتبغاه مايحقد

خله يهرج ويبربر من قهره ويكفيه هم ارتفاع السهم
وبعدين الي يتكلمون لايفقهون في التحليل اي شي
لذلك كلامهم ولاشي

وهذا ابوعبدالله صورته وهو يكوي مرجف مانفعت معه الكوية الاولى
همسه بسيطه اناابو غترة بيضاء ومعزوم على عرس

اكووووووووووي الحساد

[ابو ابراهيم]

المشاركة الأصلية كتبت بواسطة خالد التميمي
يالله غرد يا ابو براهيم 😂 ما عليك انت معجزة التحليل

والله ياخالد التميمي ماعاد ادري وش اقول
دقيقة خلني اسرق تحليل واجيكم واغير فيه شوي
مثل ماهو حاصل معنا في هالموضوع
لكن المشكلة اني ماقدر اسرق من هنا بيصيدوني
وان سرقت من هناك هم اصلاً سارقين من هنا

لذلك مالي الا اني اعتمد على الله ثماً على نفسي
يؤ يؤ لا تذكرت اني قايل اني ماعاد احلل

لكن علشانك ياخالد السهم انهى الرقراقه <<< يبغالك كوي

[فراسه إنتباه]

الصراحه السهم يقهر اعمار هالخسران طق نسبتين واليوم دارالاركان يرش رش رهيب تعجبت منه يوم نزله الى 8.23 واعمار طاق نسبه وجلس فتره طويله يضغط تحت 8.35
فعلا لديهم قوه سيطره وقوه مال عجيبه شوفو كيف قدرو يوزنونها حول 73 مليون سهم يومين ورا بعض
السهم ذهب الله يصبرنا عليه