دار الاركان (متابعة الموجه الثالثه الرئيسيه حتى تنتهي )

[سلطان زمانه]

قريبا نسمع دووس
نسمع اللهم زد وبارك
نسمع مبروووووك
نسمع رحم الله والديك يابو عبدالله
فقط الصبر الصبر
ونسال الله التوفيق

بعد الصيف والعلم عند الله تعالى

[ابو طلحة]

بيض الله وجهك ورحم الله والديك

آمين وياك مشرفنا الغالي

[عبدالله السويد]

صلي الظهر وخذلك غفوة وقت الساعة ثلاث الا خمس وشف اوامرك وعينوا من الله خير ولا تتابع المنتدى عشان ما تنغث من بعض المداخلات لين ما يجي احد من المشرفين وينظف المدخلات منهم
الله يهديهم هذا اللي نقوله

[على الله الفرج]

سهم استثماري جمع معه ونتظر الانطلاقه

[عزيز ابوعبدالله]

جاءتني توصية الان بالشراء في دار الاركان

[أبو درع]

ماعليش السليمي غلطان ثم غلطان ثم غلطان
1- الناس دخلت على توصيته وانه رايح 16 ثم 26 وهذا عشمهم يجلسون معه
2- السليمي مخلا وقف للخساره وهذا اعتبره عيب ومكابره مه
3- السليمي عنده كبر وانه الوحيد الفاهم في التحليل وغيره مايعرفون يعنى هو يعتمد على تحلييل الذي يشابه تحلييه في النقاط تجيب شي ثاني يحجك يقول مستحيل يصير
4- كثير التناقظ في كلامه في كل مره يصعد او يهبط السهم
5- اللي كسبو معه اكيد يمدحونه ويطبلون له حتى لو خسرانين طيب وضع الجداد الذين خسرو معه
6- السليمي يوم طرح التوصيه من سنتين ماقال ترى بنجلس 5 سنوات علشان نوصل السهم قال يبغي له 3 عقب مافشلت توصيته يعنى بين قوسين شال يده من الموضوع تبغي تجلس اجلس علشان يتحقق سعري يبغي لي 3 سنوات
7- السليمي راسم خطين يقول يلف ويدور حولها ومع ذلك خرج السهم بسبب ظروف خارجيه ولم يقل وقف
8- السلمي لم يقدك اعتذار للناس الخسارنه حتى لو اجتهد معذور
9- السليمي اسهل شي عنده حذف مشركات الناس
10 الكلام كثير السلمي خسرني انا مرتين ومع ذلك انا ماعندي مشكله اعوض بطريقتي بس المشكله في الناس الي ماهي فاهمه اولها وصل السهم 10 ونزل الى 8 خساره مكسب المره الثانيه وصل 12 وزود وكسر دعوم والاخ يناظر لو وخسرنا مكاسب محقق لو مكان العشم انه بيوصل 16 ولا كان بعنا الحين الخساره ثابته
11 السليمي قال هذا قاع السهم يوم رسم الخطين وقال هذي قاع السهم
12 انا اقول الله يسامحه بس المره الجايه لو حط توصيه طويله يعطي شروطها كامله المده الوقف
لايكون مكابر خلاص انهزمت في توصيتك اعترف بالغط وعمل وقف الناس تعذرك وتشكر اجتهادك
يالله الله يسامحه والكلام اللغط والسب ماله داعي هو مجتهد ونعرف انه مجتهد بس اخذه الكبر لو عمل وقف كان ماحد تشكى لا فيه ناس داخله على فوق توصيته 9 وعشره الله يعينهم
ويعوضهم بسرعه السهم الناس مافيها صبر لمده 3 سنوات الحين يبغون راس مالهم بس
وعارف فيه ناس بتقول ليش مابعت وليش وليش سواء لي ولا لغيري اقولكم الرجال طاق على صدره قبل سنه وشوي انه بيوصل 16 وانها ام الارباح علشان كذا الناس ماباعت الحين ماندري وين القاع الجديد وكم المده نخاف نجلس 7 سنوات كان ماطرت ظروف على الشركه او الاوضاع

بختصر لك شي
انا تعلقت حول اربعه سنوات تقريبا
بسبب واحد الله يسامحه
ولا احط ملامه وعتب وغضب عليه
وان جينا للصح
الملامه كل الملامه علي انا ماتعلمت
مثل خلق الله
وفي الاخير ، كلها من عند الله
المهم
بعدها جيت المنتدى هذا
وماطلعني غير السليمي بحثه على الصبر
ومتابعه تحليله حتى رجع مشتراي وبعته بربح
تخيل مشتراي حول العشره
نزل حول الاربعه
خلال اربعه سنوات
وخسارتي والله فوق الست مئة الف
والحمد لله طلعت بربح ويارب لك الحمد
والان اشتري وابيع
بكيفي ولا هي كلمه اللي توديني وتجيبني
بكييييفي ومايمنع اني اتابع المحللين
وعلى راسهم ابو عبدالله
مع انه يزعلني يوم يحذف مشاركتي
ومثل مالك في الكتابه والاستشهاد
فلنا نحن الكتابه والاستشهاد
ف نحن شهود الله في ارضه
ولكن الله يرزق الجميع بفضله

[أبورزان]

رغم خسارتي الكبيرة جدا،، لكن ما نزعت الثقة من أبو عبدالله
وأدع له بالتوفيق، وعسى الله يرزقنا ويعوض صبرنا

[أبو درع]

رغم خسارتي الكبيرة جدا،، لكن ما نزعت الثقة من أبو عبدالله
وأدع له بالتوفيق، وعسى الله يرزقنا ويعوض صبرنا

الله يرزقك ويعوضك رزق حلال طيب مبارك فيه
الله يرزقك ويعوضك رزق حلال طيب مبارك فيه

[ابو طارق]

لا احد يلوم اي طرف اخر ولا يلوم الا نفسه اذا كان يرى انه اخطاء في الدخول بالسهم أوانه قد اخطاء بالخروج منه في اسعار اعلى او مراحل سابقة .؟

فانا مثلا عندما كان السهم في خانة 12 ريال كنت محقق ربح قريب 30% ولم ابع لانني اطمح الى التدبيلة على اقل تقدير ؟؟ فهل هذا يعتبر:-
1- طمع ؟
2- ام انه يعتبر طموح ؟
3- ام انه استهتار وتهور ؟
4- ام نه ثقة زائدة ؟؟
5- ام انها هي فرصة العمر والتي يجب اقتناصها وعدم تفويتها ؟؟ هذا هو ما اتمناه وما انا عليه الان ولست نادما اطلاقا

[ابو تركي]

جاءتني توصية الان بالشراء في دار الاركان

كم يقولك الهدف
الله يجزاك خير

[أبورزان]

الخير مقبل بحول الله وقوته

بحول الله وقوته

[ابو فارس الشمالي]

انا خسرتي فوق ٥٠٠ الف بسبب الثالثه ام الأرباح حسبي الله ونعم الوكيل خلونا ساكتين ان تكلمنا قالوا أتبع المضارب

[أبومالك]

المستثمر على المدى الطويل لايتأثر مع النزول
طالما هو متأكد من قوة السهم ماليا.
المضارب من المفترض انه يضع وقف خسارة حسب سعر الشراء عنده وحسب تحمله للمخاطر.
دار الاركان سهم النفس الطويل.
الصبر ثم الصبر الله يرزقنا جميعا.

[أبوالفوارس]

انا خسرتي فوق ٥٠٠ الف بسبب الثالثه ام الأرباح حسبي الله ونعم الوكيل خلونا ساكتين ان تكلمنا قالوا أتبع المضارب

اتذكر إنك قلت لي إن السليمي حط المسدس على رأسك
وقال لك تشتري وإلا بفرغ الرصاص برأسك
وحذرك من البيع إلا بأمر منه !!

والعاقبه للصابرين إن شاء الله

[مسافر وحيد]

الله لا يرده خابرينة متقاعد الظالم قل مابعد جمع علشان يلعب من جديد حسبناالله ونعم الوكيل فبه غرر وغدر بالمساهمين وباع فوق 12 ريال والحين يتفسح ويتبطح باموال المساكين الله يمهل ولا يهمل الظالم قرب حسابة رؤيه بإذن الله تصدق فية هالسنة

شوف اخوي نصيحة لوجه الله
انا كل وقت فضيل من ايام العشر الاخير برمضان وللان بالتهجد بالسجود اردد حسبي الله ونعم الوكيل واظل ارددها حتى يبرد الله قلبي
اردد حسبي الله ونعم الوكيل على كل من كان له سبب بخسارتي سواء باعطاء معلومه خاطئه او تحليل سواء بجهل او بقصد
صحيح لا احد طلب مني الشراء او البيع ولكن القول امانه والا الشرع لم يقل الدال على الشر كفاعله
المهم انقل قضيتك من الارض الى مالك السموات والارض واقنع بهذا الحكم الرباني
والله حكيم عليم شديد العقاب ولو بعد حين