دار الاركان (متابعة الموجه الثالثه الرئيسيه حتى تنتهي )

[رعد السحاب]

يبو عبدالله مشكلة الصانع لفت نظر الجميع للسهم وكل ما جاء يكحلها عماها ... لازم يرفع السهم شوي

[أبو درع]

هل شريته في 5 وبعته في 15

كثير ضاربو فيه عند 5 بمكاسب بسبطه اذا ما خسر
وفيه من مسكه وباعه في 15
وعند المقارنه بينهم الفرق كبير بالارباح
لا عمولات ولا حرق اعصاب ولا تعب عيون وقت مهدور
بطقة زر ادخل بقاع موجه وتفرغ لاشغالك الاخرى وبطقة زر بقمة موجه ابيع والمكسب اضعاف الذي حارق اعصابه ومضيع صحته ووقته وعلاقاته الاسريه والاجتماعيه

شوف عضويتي طال عمرك وتعرف اني من عهد خمسه ولا لا في ذلك الزمان .
شريته والله العالم بتسعه او عشره وهبط الى خمسه
وتعلقت حول اربع سنوات تقريبا ان ماخنتني الذاكره
وبحكم اني ماني مستعجل والدراهم وقتها ماني محتاجها
والحمد لله صبرت وصبرت بسماع شورك وتحليلك حتى رجع سعر مشتراي
وبعته بربح والحمد لله
انا والله رجل ما اعرف المضاربه ولكن رجل قنووع جدا بما كسبت
وذا تبي الجد .. انا اشوف المحلل واسمع كلامه واتابعه
ولكن اذا حدد سهم وقال بنبيع نفترض على 30
تلقاني ابيع على 28 حتى لو ارتفع اضعاف اضعاف .
هذا اللي جاني من الله والله يحييهة وراضي فيه
ولاني مؤمن بشياين
الاول .. الاغلب مابيستمرون وكل واحد ياخذ رزقه ويطلع من السهم
والثانيه .. اعرف بأن مناديب الهامور يتابعون المحللين ويعرفون مستهدفه ويحاولون يخالفونه في كل تحليله
ويضعفون جمهوره وتشتيتهم حتى يدب فيهم اليئس
ويبيعوون اسهمهم بخساره ..
لذلك انا ابيع تحت اهداف المحلل اللي اتابعه بشوي
حتى اكسب المحلل واكسب قيادي السهم .

ثالث شي .. والمهم
انت رجل والله ونعم
ميزتين اكتشفتها فيك
الاولى .. انك رجل صبور وتحث متابعينك على الصبر
والميزه هذه ما اشوفها في اي محلل اطلاقا
اغلب المحللين . اذا وصى على سهم
ودحدر .. معد نشوفه الا في الطلوع
وانت العكس .. متواجد وتحث على الصبر .. بمعنى اخر
راسك يابس ماتبيع بخساره ابدا ولا ترضى بالخساره .. وهذي الميزه تخلي السهم مهما فعل لازم يرجع لمسارك
ماشاء الله عليك وسبحان من اوجد فيك الصبر وعلم التحليل

ومضه ..
تغيرت كثير وكثير احسن من الاول
وسرت تقبل بحريه الراي والراي الاخر
وفقك الله وسر بنا نحو الاهداف العليا يابو عبدالله رعاك الله

[ابو رغد]

قرب ينفجر بمشيئة الله

[أبو درع]

اسأل الله ان يزيدك من فضله ورحمته وان يسبغ عليك نعمه

رحم الله والديك ورزقك الله من حيث لاتحتسب
نصيحتي مهما كان لاتبيع بخساره
وعلى العكس
كل مانزل اشتر واشتر فيه دامك داخل ( ...مستثمر....)
والله يرزقك الرزق الحلال الطيب المبارك فيه

[فهد بن عبدالله]

السلام عليكم
نزود كل ما توفرت السيوله
واليوم زودنا من راتب التقاعد..

[تاسي المآسي]

التدبيله الاخيره أتت بعد أختراق سهم سابك ومن بعدها اخترق الاركان ووصل الى 15
السؤال يبو عبدالله ، هل التدبيله القادمه باذن الله مربوطه بسهم قيادي آخر حتى يساعد السهم على الاختراق ؟
لازلت اتذكر قولك انتظروا الكبير يخترق وخلوكم مع الكبير عشان تكونوا كبار
والكبير الله .

[عبدالله السويد]

بارك الله فيك يابوعبدالله

[مساعد الاول]

يبي يوريكم انه عنده اسهم كثيره
يريد حفظ ماء الوجه
خلاص ياعم عندك اسهم قدرت تجمع هههه

باقي شوي علينا مابعد امتلت الجصة يامضارب دار الأركان

الجُصَّةُ (مخزنُ التمورِ)

اصبر شوي تمتلي الجصة تونا نجمع تمر يطلع التمر من الجصاص يتلألأ، تكسوه بلورات الدبس، فيسمى مدبَّس أو مجروش فيطيب أكله.

[عبدالله السويد]

باقي شوي علينا مابعد امتلت الجصة يامضارب دار الأركان

الجُصَّةُ (مخزنُ التمورِ)

اصبر شوي تمتلي الجصة تونا نجمع تمر يطلع التمر من الجصاص يتلألأ، تكسوه بلورات الدبس، فيسمى مدبَّس أو مجروش فيطيب أكله.

اي والله مايخبر المجروش ولما يكنز بعد اويلاه

[أبورزان]

لن يزيدنا هذا إلا صبر
َوباذن الله نجني عاقبة الصبر خيرا
لكن يا ابو عبدالله: المزعج أن المؤشر يطلع فوق ولا يسايره الأركان
ونبغى الأركان يدف نفسه شوي مع المؤشر
عشان اذا جنى ربحه المؤشر ما يروح بعيد الأركان وهكذا
الآن إذا هدأ المؤشر تقهقر السهم عن ارتفاعه

[البرقاوي]

اسأله عن الكميه التي دفيتها عليه في 15 ورجعت اخذتها في 8.5 ولن افكها مهما فعل الا بالقمه القادمه ولدي نيه لتزويد الكميه لو نزل بفارق لتخفيض التكلفه
فمن اشطر بهذه الحاله

هداية الله ثم شورك

[سلطان زمانه]

غداً ثاني جمعة رمضانية نسال الله تعالى التوفيق والنجاح الدائم وان يتقبل منا ومنكم صالح الأعمال ولا ننسى واجبات الجمعة حتي وان لم نصليها في المساجد

[لغة القلم]

لا ما راح تكون اشطر مني والمتابع لي يعرف ذلك
انا ما اطلع الا بتدبيله كحد ادنى

من 6 الى قمة 14
من 8 الى 16
من 5 الى 15
من 8.5 والوعد فوق 20 إن شاء الله بحوله وقوته
وكل ذلك عليه شهود لاني فاتح موضوع عن كل موجه من هذه الموجات
اما انت كلامك ما عليه شهود
والكلام بدون اثبات وشهود سهل
والقليل الذي يغريك ما يغرينا
نمشي على موجات رئيسيه كلها تحققت والمواضيع التي فتحت لها تشهد على ذلك
واعرف كلامك هذا وتلميحاتك السابقه هو من اجل يبيعون الناس او يضاربون لكن اكد لك ان متابعيني جنو ثمرات ذلك بعد ان خسرتهم المضاربات التي تدعون لها
ولعلمك لو ما وجدو في استراتيجيتي فائده ماتابعني هذا العدد الكبير
ولو الاستراتيجية التي تدعو اليها بها فائده لذهبو لمن يدعو اليها ولا تابعوني
لا اعتقد ان احد لا يستفاد منه سيتبع وانا والله شخصيا لا اعرف منهم احد

والله يابو عبدالله ماكان يحتاج انك ترد لعدة أسباب منها لا يوجد مقارنة بين ماتقدمة وماقدمه للمتابعين
وصدقني يابو عبدالله انك لما رديت عليه ذكرتني بقول الشاعر
ألم تر ان السيف ينقص قدره
إذا قيل أن السيف أمضى من العصا

[ابوسند]

جزاك الله خير

[ريما]

السلام عليكم
مبارك الشهر عليكم
اخبارك ابو عبد الله اشتقت لتحليلك
أنا كنت محظورة مادري آش السبب والحمد لله تواصلت مع ابو ليانو وماقصر الله يجزاه كل خير
كلم الادارة وشالو الحظر الله يجزاهم كل خير