🌹 ما عطيت إلا و أنا قد العطا

[رئيس الجمهورية]

يعطيك العافيه سيادة الرئيس

الله يعافيك سمو الأميرة

[رئيس الجمهورية]

والله اني مفارق شعر الغزل
بس من شفتك وأنا ببحره غريق
كامل الأوصاف والحسن اكتمل
كملك ربي وخصك بالخليق

[رئيس الجمهورية]

من كحل عينك عيوني تكتحل
وان تناظر بي يجي بعيني بريق

القمر وان شاهدك غاب وأفل
يستحي في محجر عيونك يويق

صورك ربي سبحانه وجل
تاج زين الكون بك وحدك يليق

القصايد كلها لك والجمل
تستحق الشعر دامك تستذيق

[حكيم]

السلام عليكم ورحمة الله وبركاته


ماعطيت إﻻ وانا قد العطاء....
وماتركت إﻻ وانا قد الفراق





بكره يزين الدرب وتزين الآوضاع ...
والهم يطوي من خوفقي شرآعه ...
ياوقت كآفي بس تقليب الآوجآع ...
ماعآد فيني للطعون آستطآعه ...





ماني على المقفي كثير الحسوفه ..
من راح من لاشي يرجع ولاشي
واللي تجمل مانسيت امعروفه ..
اواصله على الغلا مادمت انا حي ❤






صباحكم/مساكم خير وسعاده



ياللي تحبون الشعر وعذب الأبيات

تفضلوا ...
شاركوني ...


..

اسمح لي ابدي اعجابي بقلمك وتميزك واسلوبك الراقي وتالقك

[ADMIN]

يا صـاحبـي طـالـت علـيّ المسـافـة
كل ما نشـدتـك قلـت لـي الـدرب قـدّام ..
وعـدك مثـل باكر .. أحبه وأخافَـه
ولا ينقضي باكر على طول الأيام ..

[ADMIN]

لا غبت عني وانا مشتاق وش عذرك
يوم انت حالف بربك .. ما تخليني !!

نذر على رقبتي .. ونذرا مهو نذرك
انك ما حسيت في شوقي ولا فيني

مسافة الشوق .. لـ المشتاق تختصرك
وتوزعك في حشاي .. وفي شرايني

غطت ثلوجك طبوعك واختفى جمرك
ما عادك اللي ليا من غبت .. يدعيني

افكر اختبرك .. واخاف لـ اختبرك
اخاف باقي غلاك .. يطيح من عيني

[أبورياض]

ياصاحبي وشفيك ماعاد تشتاق ؟
ومن هو اللي فينا تغيّر ( مكانه )

إن كانها نية جفى عقب الفراق !!
على الأقل حاول تصون( الأمانه

[أبورياض]

ساقني زماني يوم الفوارس تنساق
وحدتني ظروفي لدرب الفقر والمهانة

لا صارت الحياة صعبه مابها شي ينطاق
كيف ابطعم لذة الشوق ومال للشوق خانه

[ADMIN]

تذكرتك .. وأبي النسيان ألايا خل ساعدني ..
أنا ما لي ورى الذكرى .. إلى مات الأمل خيره
.
أنا ودّي على الفرقا حبيبي لو تعاهدني ..
وإلى شفتك تصد ولا تجيب لما مضى سيره
.
تخيّر غير هذي الأرض مكانٍ به تواعدني ..
تخيّر لك مكانٍ صعب .. أعرف فـ يوم تقديره

[ADMIN]

قال السراب وقلت ظامي لسـرابه
قال الهلاك وقلت لعيون الاحباب
كانه ذبحني صـاحبي من عـذابه
ما ابي لدمي يا هل اللـوم طـلّاب
إن قلت أحبه يكفي القلب مـابه
وان قلت أنا مابيه .. باصير كذاب

[ابو رغد]

نسعى ورى الدنيا على درب الافلاس
ونخوض ماكـنـا على الارض خضـنا

حـلـوقـنـا مـن شـهـب الايــام يبـاس
ولـيـا سمـعنـا بالمـصـالـح ركضـنـا

والله لـو نجمع ذهـب خـام والماس
مصـيـرنـا للمـوت مهـمـا رفـضـنـا

يـامـا دفــنــا راس غــالي ورى راس
يالـيـتـنـا ممـا نشــوف اتـعـضــنـا

[ابو رغد]

‏مابين كثر الكلام وبين قل الكلام
مسافةٍ يستغل العاقل حدودها
،
الهرج مثل السلاح اللي يبي له نظام
يامن به الرَّجل نقص الهرجه وزودها
،
اما كسبت الثنا والا كسبت الملام
واختار باعجاب خلق الله ومنقودها
،
تعرفك الناس من طريقتك بالسلام
وشلون كان الخفايا باحت سدودها !!

[ADMIN]

كل الحروف المبطيه والجديده
تطري علي .. لاشك في شوقي احتار
قبل الورق وانتي فـ بالي قصيده
وبعد الورق ضيعت انا كل الأشعار

[ADMIN]

كٍـيْفّ يـٍسّهُرٍنٍيّ وٍلًه وٍجهٍ صُبوٍحْ
كًـيّفْ يـٍظلًمنْيّ وٍلًه ٍطهرٍ ـآلطٌفُوٍلًة

كَـيّفْ يـًفْتنّي وٍهُـوٍ دًآيًـمْ يٌرٍوٍح

وٍكْيّف أنآ ألقًى رٍبٍيعًه فٍيّ فُصٌوٍلٍه

دآمْ كٍـذْبَه صًـآدٍقّ وٍصِدْقًهْ مُزٍوٍح ..

[AbuNader]

الود ودي في غيابك انا اجيك
وانثر ورود الشوق واعلن قدومي

واعطرك من فيض شعري واغنيك
وانسى على شوفتك باقي همومي

دام العيون اللي تعشقك تناديك
ماتحتمل ذاك الجفا لو يدومي

ياللي ملكت القلب واصبح يناجيك
صار الهوى لوحه غلا في رسومي

عاشق ويعرف كيف يكسب معاليك
دامك قمر دنياي مابي آلنجومي