دام انتو في ويكند نبي نعرف عن تاسي ( سوق الاسهم) معلومات

[أبوهاشم]

بما ان الموضوع عن الذكريات .. واسم منتدى ( المضارب ) في ذاك الوقت والذي كان تحت اشراف (ابوساره ) + (سعد ) .. يحمل ذكريات جميله معي ..وخصوصا عندما كان عدد اسهم شركة المصافي في ذاك الوقت (800 ) الف سهم فقط .. فهل منكم احد يتذكر معرفي هذا (( ابوهاشم )) وعنوان مواضيعي في ذلك الوقت ( شخابيط ابوهاشم) التي كان فيها تدبيلات مضاعفه لكثير من اسهم الشركات ..
.. وكذلك لاننسى منتدى (( المملكة ) تحت اشراف (أبو اسيم ) .. وفي ذاك المنتدى ذكرت ان قاع السوق سوف يكون عند (4400) نقطة .. نزولا من قمته (21000) نقطة بناء علي التحليل الفني الذي كنت اتعامل به..
زملاء لنا كثير في ذاك الوقت الله يذكرهم بالخير .. نسأل الله ان يكونو في اتم الصحة والعافية ..

[العقيلي]

لا والله تكفى يالعقيلي اي جميله
تنذكر ولا تنعاد ..انا كنت مشخص وقتها في المواشي بكل المحفظه
ولها سالفه قبل القمه بشهر تقريبا جتني سفرة عمل برا المملكه وكنت مقسم فلوسي تقريبا 60% معي انا اتداول فيها و 20% لصندوق الرائد حق سامبا والامانه حق البريطاني اذا ما خانتني الاسماء وما تداول الا يومين في الاسبوع تقدر تداخل وتتخارج من الصناديق (الاحد والثلاثاء)
كانت تعطي تتسابق في الاداء الي يعطي 110% والثاني 120% وقتها لي اكثر من اربع سنين معهم بادي 2001 تقريبا وصرت اكسب في السوق مثل غيري في السنتين الاخيرة لاحظت ادائي صار احسن من الصناديق وعشان موضوع السفره وتداولها محدود على يومين فقط
كان ناغزني قلبي انه فيه شي بيصير..قلت اصفي الصناديق واحولها على محفظتي اسهل للفركة
الحين صارت كل الفلوس معي في المحفظة سافرت البلد الي انا فيها توقيت التداول 6 صباحا
وقبل الطيحه وادخل المكيرش بكل المحفظة قلت سهم واحد اسرع للتخارج في البيع
ويقعد ينسب فينا اسبوع مدري 10 ايام
من ثالث نسبه وانا كل يوم اقول نسبه بكره بس
الين اصبحنا على الي انتوا خابرين ..والحمد لله على كل حال
ما ادري اذا كلامي فيه فايده لاحد .. هي اكثر منها فضفضة وكلام في الصدر لقى له مساحه
وسلامتكم ...

يابوسعد هذي أرزاق مكتوبه كنا نطلع في اليوم الواحد مبالغ خرافيه ولاكن كان يزيد فينا الطمع والطمع ضيع ماجمع

[ابو نوف]

اول سهم شريته الجماعي كان سعره اعتقد فوق300

[ابوعزوز 888]

القناعة. القناعة القناعة لا تجتمع مع الطمع الطمع الطمع

غلبوكم بالفلوس اغلبوهم بالجلوس. لا تطامرون في الاسهم بيجي دورها

تحنطت جاك وفتيحي وانابيب والسيارات والمزرعة وغيرهم والان تفرجو

الحبيب وفرة المصافي تفرجو

اي سهم يصل الى سن الرشد 40 صعب ينهار بسهولة الى مستويات تحت 20 والعلم عند الله

اسهم العوائد واللي موقفها المالي قوي. اذا تحركت وصعدت وكنت خايف من كثر المتفائلين بيع 70% واحتفظ بالكاش حتى ينزل السوق تدريجيا وخذ حوالين القاع
وبتعرف من السيولة وخل عندك 30٪ من الاسهم غير قابلة للبيع اطلاقا حتى عام 2025

او تراها اربعة اضعاف
اسهم المضاربة والضعيفة عند التفاؤل المفرط وربحان بع 80٪ من كمية الاسهم وخل 20٪ بع نصها عند اخر قمة تحس فيها وبيقى عندم 10٪ من الاسهم في المحفظة حتى ولو طاح السوق لا قدر الله

[رعد السحاب]

فتحتم باب الذكريات القديمة

[فيصل بن سعد]

القناعة. القناعة القناعة لا تجتمع مع الطمع الطمع الطمع

غلبوكم بالفلوس اغلبوهم بالجلوس. لا تطامرون في الاسهم بيجي دورها

تحنطت جاك وفتيحي وانابيب والسيارات والمزرعة وغيرهم والان تفرجو

الحبيب وفرة المصافي تفرجو

اي سهم يصل الى سن الرشد 40 صعب ينهار بسهولة الى مستويات تحت 20 والعلم عند الله

اسهم العوائد واللي موقفها المالي قوي. اذا تحركت وصعدت وكنت خايف من كثر المتفائلين بيع 70% واحتفظ بالكاش حتى ينزل السوق تدريجيا وخذ حوالين القاع
وبتعرف من السيولة وخل عندك 30٪ من الاسهم غير قابلة للبيع اطلاقا حتى عام 2025

او تراها اربعة اضعاف
اسهم المضاربة والضعيفة عند التفاؤل المفرط وربحان بع 80٪ من كمية الاسهم وخل 20٪ بع نصها عند اخر قمة تحس فيها وبيقى عندم 10٪ من الاسهم في المحفظة حتى ولو طاح السوق لا قدر الله

فعلا الطمع في الاسواق هو العدو الاكبر للمتداول
وصعب جدا السيطره عليه .. الكلام اسهل من الفعل
و في ظني والله اعلم ان الامان بعد الله قدام الطمع هو التقيد
بالادارة السليمه للمحفظة (المفروض تكون هذي الشروط متغيره حسب اوضاع السوق)
من حيث نسبه السيوله وتنويع حجم المخاطره فيها
واشوف الافضل حاليا
التعامل مع السوق بمحفظتين مختلفه وحده للاستثمار4 سنوات اقل شي (شراء واحتفاظ فقط ماتفكر تبيع منها)
والثانيه يمارس فيها المتداول التداول البيع والشراء بشقيه (استثماري قصير الامد شهري اسبوعي + مضاربي)
دور المحفظه الثانيه تغذية المحفظة الاولى بشكل اساسي
بحيث تحول الارباح للمحفظة الاستثماريه و تكون مكونه من 6-10 شركات من قطاعات مختلفه
بحيث تتناوب في الصعود وتقدر دايما تجد منها سهم اما صحح او ما تحرك كثير ويكون فرصه لزياده المراكز فيه

[ashm1404]

جرو معضم الناس للسوق بمحتلف مستوياتهم
حتى ان بعض العاملات المنزليه كانت تطلب من مكفولها ان يضع راتبها في سوق الاسهم
وصرفو عليهم الاسهم باسعار خرافيه .. وانفقعت البالونه
واستمر في النزيف عروض بدون طلبات لايام متتاليه

وتحدث في جميع الاسواق دورات زمنيه
حتى ان احد الهوامير بالسوق الامريكي كان من عادته قبل دخول الصاله
يمر على ماسح الجزم اكرمكم الله ومعه جريدته المفضله ويقارها اثناء التلميع
واثنا ماكن يمسح في اليمنى
ساله ودي ادخل السوق
على الفور قام الهامور مسرعا ودخل الصاله وصفى محفظته
ورجع للماسح ليستكمل اليسرى
وسقط سوقهم اليوم التالي
فاستدعوه للتحقيق وسالوه كيف عرفت ان السوق بينهار
فكان رده .. اذا مابقي الا ماسح الجزم على وشك الدخول
نبيع لاحقا على مين ( يقصد ان معضم القطيع دخلو السوق )

[ابو محمد]

ايام الله لا يعيدها علينا ولا عليكم ناس ذاقت المر الحمدلله رجعت خساير 2007 وفوقها مكاسب بفضل الله ثم الناس الشرفاء امثالكم اذكر البلاد بعته 700 ريال تقريبا اكتتاب وحدث ولا حرج من المواقف نسال الله السلامه للجميع ..

[ابوعزوز 888]

الماضي نتعلم منه

والمؤمن لا يلدغ مرتين ب معناه

لذلك تثقيف النفس بالعلم. اتعب على نفسك وطورها والاستشارة من اهل العقول النيرة وقبل ذلك الاستخارة
واعلمو ان المال عديل الروح. وان اسوق المال مهلكة
ان غلبوكم بالفلوس اغلبوهم بالجلوس ولا تناقزون من سهم لسهم
كل سهم بيتحرك ب امر الله
توكلو على الله واهم شي القناعة
بارك الله في الجميع

[ابوعزوز 888]

الماضي نتعلم منه

والمؤمن لا يلدغ مرتين ب معناه

لذلك تثقيف النفس بالعلم. اتعب على نفسك وطورها والاستشارة من اهل العقول النيرة وقبل ذلك الاستخارة
واعلمو ان المال عديل الروح. وان اسوق المال مهلكة
ان غلبوكم بالفلوس اغلبوهم بالجلوس ولا تناقزون من سهم لسهم
كل سهم بيتحرك ب امر الله
توكلو على الله واهم شي القناعة
بارك الله في الجميع

اكرر ثقفو انفسكم

في عام 2003 لم يكن موجود شبكة عنكبوتية تستخدم
حجم الشركات صغير في العدد وراس مال الشركات تغير انشطة الشركات كانت محدودة والان تنوعت
ارتفاع اسعر البترول اثناء هبوط السوق

الارتفاع الحاصل تمركز المستثمرين ينظرون الى نتائج مستقبلية بعد كورونا

الوعي مطلوب
عدم التنقل مطلوب
اختيار السهم مطلوب
الصبر مطلوب
الطمع غير مرغوب
واخيرا القناعة القناعة القناعة

[سهل]

كنت اشوف الزحمة على البنوك واستغرب

تداافع وتزاحم قبل ان يفتح البنك

ليس لدي حساب حتى وقتها لصغر عمرري

اول اكتتاب كان لي اذا ماخاب ظني الابحاث

وكنت اشاهد الغضب من كبار السن اثناء تحدثهم مع موظفين صالة الأهلي

[رابح على طول]

آآآآآه يالمكيرش له صولات وجولات 😁😁😁😁
عاصرنا المر ولكن بالصبر عوضنا الكثير
من 750 ألف إلى 70 ألف 😭😭😭