سجل حضورك هنا &&&

[حمزه]

‏نعتذر بـالصمت من كبر الجروح
ونـبـتـسـم للحزن لـو مـتـنـا ألـم
وش يفيد الـبوح لـو نبغى نبوح
دام بعض البوح .. يوصل للندم

[حمزه]

الصبر مر وآخر الصبر سكر

ولاعسرٍ الا بعده اليسر مشروط

ياصاحب العقل المنير المفكر

لاطعت ربك صدق بتعيش مبسوط

[ADMIN]

لو ينطق الجرح بين ضلوعي الخرسا
الليل .. يكفل صداه ويكشف اوراقي
..
من يثقب الذاكره؟ انا عجزت انسى
واعطيه من عمري اللي راح والباقي .
.
.

[حمزه]

لاتأخذ الا هرجه الراس ...للرأس
صف الظنون وكل واحد ...بظرفه
من كثر هرج الناس ...فغيبه الناس
احيان تكره...واحد. ..... ماتعرفه

[ADMIN]

بينــي وبينــك ياهــوى البــال ميثــــاق
لـو جـــار وقتـي فالهـــوى ماقطعـتــــه
.
تدري وش الي من ورى سور الاعماق
إسمــك كتبتـه فـي حشــاي وطبعتــــــه

[حمزه]

كــــم واحــــد عنده عنـــايه وتـــدقيق

وعند المــصالح ما يخـــون الــعــلاقه

ومن لا وقف مع صاحبه ساعة الضيق

وقــــت الـســعه لا يــدّعي بالصـــداقه

[فيلق الثامن عشر]

إذا ما أتاك الدهـر يومـا بنكبـة
فافرغ لها صبرا ووسع لها صدراً
فإن تصاريـف الزمـان عجيبـة
فيوما ترى يسرا ويوما ترى عسراً

[حمزه]

ان مع العسر يسرا ياعمو فيلقا
فلا تضيق يوما الا وتفرجا

[ADMIN]

لا تلتفت للناس مهما يقولون
. غاياتهم يا منوتي ما لها حساب
حنّا مودتنا لها قلب و عيون
. وإحساسنا أرقى من الظن لاخاب

[حمزه]

سلام الله لمن يقرى سلامي
ويسلم من يبادلني سلامه
سلامي يرتوي به كل ضامي
وفي الوجدان تبقى له علامه
ويشفي من بقلبه جرح دامي
ويزرع في الوجوه الإبتسامه
بتقديري وودي وإحترامي
اليكم ود قلبي وإحترامه..

[الزعيمه]

نـسهر ولا ندري على ويش ناوي
فـيـنا الـحـنين الـلـي تـمرد عـلينا

بعض البشر قلبه رهيف وهواوي
تـسري بـه الاشـواق لـو ما يجينا

[حمزه]

لا يشغل الخاطر كثير الهواجس

من جا يجي واللي يبي الروحة يروح

ولا تشيل الهم بين الجوانح

ترى كثير الناس مامنه مصلوح

[ADMIN]

كل حاجة تطري فـْ بالي تصير
. غيرك إنت أطريك وتزيد الغياب !

[حمزه]

‏صباح الخيرِ يا مَن لا أراهُ
‏لعلّ الصّوتَ يبلغ أو صَداهُ
‏
‏صباح الشّوقِ يقظاناً فَتِيّاً
‏برغـمِ البُعـدِ لا يخبو لَظـاه

[صعفق الفايز]

اما على ضو القمر والا بلاش امن النجوم
الذنب مو ذنبي انا كلن على تربايته
عزيز نفس وعزتي ماهي على حب الخشوم
اجبر خفوقي ينثبر ايلين ياصل غايته
لاطحت انا كبوه فرس اطيح لاكني اقوم
الموت من طاح وخثع كسر واهو فبدايته
ياهيه قولوا للقضي تراه غالي ومحشوم
لايفهم المقصود قلبي جا يسلم رايته
لاواللذي خلا غلاته في خفوقي كوم كوم
ماجيتله كني طفل يبكي على لهايته
جيته كريم وبنصحه ياهيه بس يكفيك نوم
رحتني واليا متى واقول هذي فايته
اصد ماودي الومه وانصدم بأنه يلوم
غريب اي والله غريب ولاعرفنا مايته
المشكله بأني احبه جعل تفداه الرخوم
ودي اعالج خافقه واعرف وشنهي حكايته
حبة غلا قبل الزعل والثانيه عند اللزوم
شهرين يبقى عالدوى لما نشوف انهايته
ياهيه قولوا للقضي عن شي (ن) فبالي يحوم
واكيد ماشال الكتاب الا يعرف اقرايته
واكيد لله الدوام وغير ذاته مايدوم
والله عرف بالعقل سبحانه منزل ايته
عزيز نفس وعزتي ماهي على حب الخشوم
الذنب مو ذنبي انا كلن على تربايته