سجل حضورك هنا &&&

[AbuNader]

للصبر حد ووحشتك مالها حدود
ياللي غلاك أصبح مع الوقت عاده
أشتاق لك مع سايق النفح والنود
وأوله عليك أكثر واحبك زياده

[ADMIN]

كلها ساعه زمن عمر العلاقه...
كيف قلبك حبني فيها غريب
انت ماتعرف محبه من صداقه ...
كل من حاكاك سميته حبيب

[حمزه]

‏تعلمت من سود الليالي حـكم ودروس
‏ولازلت أردد بيت شعرٍ عـلى لساني
‏:
‏صديق المصالح لو شرى خوتك بفلوس
‏طبيعي يبيعك لا قسى الوقت مجاني

[ليالي]

اضبط لسانك بالحكي واحسن الظن
‏حتى مع العالم يزيد احتـرامك،
‏
‏تـرى اللـطـافـه والأدب تعتبـر فن
‏والزم حـدوك ترتفـع في مقامك،،!

.

[حمزه]

سو اللي براسك ولاتذكر اسباب
لاصرت بايعني توكل على الله
مابيني وبينك مشاريه وعتاب
شف دربك الي جيت منه تدله
ماراح تغلبني لو الحب غلاب
من حضرتك عشان قلبي تذله
رح واعتبرني واحد اذنب وتاب
ماني بثوب تلبسه ثم تمله

[AbuNader]

يا جمال الصمت في عز الكلام
ويا جمال الكلمة اللي بالصميم

ان لزمت الصمت ما تلقى ملام
وان حكيت المختصر وضعك سليم

[حمزه]

يامرحبا باللي يراسل على ذوق
حرك شجون القلب وأخضر ربيعه
مانسى محبينه لو الوقت بيه عوق
راعي الوفا نشريه أبد مانبيعه
إبشر بعزك لو تبي النجم من فوق
تأمر على روحي وهي لك مطيعه

[AbuNader]

كني بوصله حي .. وبشوفته حي
وكن الخفوق يموت لاغاب عني

[حمزه]

متى الأيام تسمـح بـالـتـلاقـي وتجمع شملنا بـعـد الـفـراق
وأحظى بالذي أرضـاه مـنـهـم عتاباً ينقـضـي والـود بـاقـي
لو أن النيل يجري مثـل دمـعـي لما خلى على الدنـيا شـراقـي
وفاض على الحجاز وأرض مصر كذلك الشام مع أرض الـعـراق
وذاك لأجل صـدك يا حـبـيبـي ترفق بي وواعد بـالـتـلاقـي

[ليالي]

‏يسعد صباح اللي من النوم صاحي
‏ويسعد صباح اللي مواصل ولا نام
‏
‏بعض البشر لا قام يسعد صباحي
‏وبعض البشر ودك من النوم ما قام


.

[ابن الجراح]

لاتتعب ورى اللي ماورى عرفهم نوماس
ولا تستحي من ناس مهيب مستحيه

لو ان (الحيا)مثل (الشعر)في وجيه الناس
لقيت أكثر العالم( لا شارب ولا لحية )

[AbuNader]

صباحك احلا من صباح المخاليق
وصباحي احلا فيك يا نور عيني

حسك يقهويني على فكة الريق
حتى لو الشاشات بينك وبيني

[حمزه]

جنّب عن اللي كل الأجواد ذمّوه

لا تتبعه لو كان يعطيك ماله

أحرص على اللي كل الأجواد حبّوه

يقال نعمٍ فيه لا جاء مجاله

المعدن الطيّب يبيّن لا حكّوه

لو كان مغشوشٍ يبيّن خماله

[ADMIN]

على كف القدر والحب ظامي والرجا حيران
على كف الزمن ضاعت سنيني مع لياليها

تضيع بداخلي بسمه ويظهر للشقا عنوان
واذا بانت بوادرها عذاب الهجر يخفيها

[ليالي]

‏لاتضايق لو يصير اللي يصير
‏كل قلبٍ من هــمومه مــرتوي
‏
‏دام لك ربٍ علــى همك كبير
‏خل قلبك في مواقيفه قوي ...


.