◤ ◥ خيمـــــة المضــــــارب ...

[ابو رغد]

ياصاحبي والناس فيها و فيها
و من يبذل المعروف .. لابد يلقاه
لا تعطي الحاجه و تسأل عليها
كف الكريم اليا عطت شي تنساه

[ADMIN]

الخيمة لمجلس قصيد اوسوالف قديمة وتاريخية

اهلًا فيك اخوي أركان
الخيمه مكان يلتقي فيه أعضاء المنتدى
نشارك بقصه، معلومه، نكته، اخبار اللي يجي على بالك
موعدها الويكند، اللي عنده وقت ويحب يشاركنا اهلًا وسهلا فيه ..

[(( قاصد خير ))]

هل المجال الشعري مفتوح في جميع أغراضه

[ADMIN]

هل المجال الشعري مفتوح في جميع أغراضه

اهلًا فيك اخوي
خذ راحتك

[ابوبدر]

الخيمه اللي شيدوها على الطيب
تبنا على عز الفخر والمهابه
وطاب الجلوس وشفت حلو التراحيب
وهاضت قريحة خاطري من صبابه
وجيت اشعب ابيات القصيد المعاشيب
بريح الزهر والورد من كل غابه

[ابو رغد]

الشاعر ..سعدبن جدلان.. رحمه الله

حطيت لهروج آلمهبل...ملفات
وحطيتهاتحت القدم...وارفعتني

وحطيت لهروج النشاما...بطاقات
وحفظتها فالمحفظه.... وانفعتني

ليت العمر مسجد والايام ركعات
ويالتني لاتبت...مااعيد..ذنبي

مهماتجرب ..من شعور الملذات
مافيه.اجمل ..من شعور المصلي

[(( قاصد خير ))]

طرق أهل الجنوب :

البدع

لي عيونٍ على فرقى المحبين امرحت ما *** اثر كثر البكاء يعمي النظر ويكف نوني

الرد

من رماني وقال ان المقادير امر حتما *** ويش عذره نهار اموت انا ويكفنوني ؟

[ابو فارس]

السلام عليكم مساكم الله بالخير وخيمة عامره ان شاء الله عندي استفسار بخصوص ضريبة القيمة المضافة هل التحويل من المحفظة إلى الحساب الجاري عليه ضريبة يعني لنفرض ان شخص يبي يحول 100 الف هل يتم خصم مبلغ وقدره 5000 ريال او لا ياليت احد يفيدنا واعتذر اذا كان الاستفسار في غير محله .

[أبو فراس]

يا ونتي , بأقصى الضماير سَندها=لا رقَبت مشذوب المراقيب تزداد
ونة عجوز ٍ مات عنهـا ولدهـا=رملى ضعيفة مالها غيـره أولاد
على الذي مثنـاة قلبـي عقدهـا=حبه بمكنون الحشا يسند اسنـاد
وعروق قلبـي يبّستهـن بيدهـا=صارن كما شنّ ٍ على الدار بيّاد
إن أبعدت عيني يجيهـا رمدهـا=ودموعها تسقي قناطيـش الأذواد
وإن قربت كبدي يجيهـا لددهـا=مَر ٍ هنوع ومر ما تقبـل الـزاد
اللي كما الفنجال غـزّة نهدهـا=خلاّقها رب ٍِ له النـاس سجـاد
ريميـةٍ مـا ترتـع إلا وَحَدهـا=تقطف زماليق الخزامى بالأجراد

[ADMIN]

السلام عليكم مساكم الله بالخير وخيمة عامره ان شاء الله عندي استفسار بخصوص ضريبة القيمة المضافة هل التحويل من المحفظة إلى الحساب الجاري عليه ضريبة يعني لنفرض ان شخص يبي يحول 100 الف هل يتم خصم مبلغ وقدره 5000 ريال او لا ياليت احد يفيدنا واعتذر اذا كان الاستفسار في غير محله .

اهلًا فيك منور والله
أنا اللي اعرفه بين محفظه والجاري مافي ضريبه
وإذا بين حساباتك بنفس البنك مافي ضريبه.

[(( قاصد خير ))]

السلام عليكم مساكم الله بالخير وخيمة عامره ان شاء الله عندي استفسار بخصوص ضريبة القيمة المضافة هل التحويل من المحفظة إلى الحساب الجاري عليه ضريبة يعني لنفرض ان شخص يبي يحول 100 الف هل يتم خصم مبلغ وقدره 5000 ريال او لا ياليت احد يفيدنا واعتذر اذا كان الاستفسار في غير محله .

الضريبة فقط على العمولة

مثلا لو العمولة الحالية 200 حيأخذوا 10 عليها

[ADMIN]

الضريبة فقط على العمولة

مثلا لو العمولة الحالية 200 حيأخذوا 10 عليها

يعطيك العافيه

[ابوبدر]

ليت الضريبه تشمل الحب يا ناس
فاللي يدور في حبيبه بديله

هههههههههههههه

[ADMIN]

ليت الضريبه تشمل الحب يا ناس
فاللي يدور في حبيبه بديله

هههههههههههههه

هههههههه
ياسلام عليك

[ابوبدر]

ههههههههههههههههه

عاد انتم المستفيدين اكثر منا

<<< محد يدور الثانيه