استرااااااحه ( نقاط سريعه ) وفضفضه

[ADMIN]

ابداع بلا حدود اخوي ابو ابراهيم .

[ابو ابراهيم]

ابداع بلا حدود اخوي ابو ابراهيم .

لا ابداع ولا شي الا قولي هبال زايد
بس وش نسوي نفطفط شوي
واشكرك يا اميرتنا

نتابع بعض النقاط السريعة


نسيت وش ابغى اقول
اها تذكرت ابغى اوصي على سهم ولكن ابعطيكم السهم من طقق الى سلام عليكم
اعتقد ماقدر اعطيكم اسم السهم اليوم لكن خلوني اقولكم السالفه
كنت في عملي واموري ماشية زين
وكان عملي شاق جداً
وكانت عين المدير علي
كل المعاملات عندي

معليش للفظ كان المدير نذل
وكان هو بنفسه الي يجيب الملفات عندي
ولا اقدر اقول ولا كلمه
الصراحه زهقت قلت ياولد دبر نفسك شف لك حل
جتني فكرة اهاجر وهونت
صرت اكلم نفسي ونفسي لقيتها زعلانه علي مره
قلت لها يانفسي وشفيك زعلانه علي ابشري بالي يرضيك
قالت نفسي يرضيك المرمرة الي احنا فيها هـ التفخ المدير ينافخ علينا
قلت لها يانفسي تبغيني اخوض في بطنه بكرة
قالت نفسي لا يابعد عمري ماقدر اعيش بدونك
قلت طيب والمطلوب
قالت نفسي ادخل الاسهم وراح ترتاح والفلوس تصير تمشي معك
قلت طيب خلني افكر
صرت افكر واتخيل


صرت افكر كيف ادخل سوق الاسهم وانا ماعرف احد
ولا اعرف وشلون اشتري وين ابحط الاسهم فيه في البيت
كان فيه لخبطه قوية
رحت للبيت ابغى ارقد ماقدرت
من التفكير في كيف اكون الثروة



ومن الغد بعد ماخلصت المعاملات الي عندي
اتعبني هـ المدير

حتى السمكه الي عندي واسمها زيزفون متعاطفه معي
قلت ابستاذن واروح للبنك
عشان اشتغل قي الاسهم
دخلت على المدير وقلت لو سمحت انا خلصت معاملاتي وابغى استاذن منك
باقي الدوام
قام وتنرفز وتكلم بكلام جارح
اننا عصبت وقلت ياولد طب في بطنه
مابدهاااااااش
قلت له اسمع ياتفخ قريح
انا طالع طالع واعلى مافي خيلك اركبه
قلتها بصوت عالي مع حركه انفعاليه



تلقطنا انا وايه وتضاربنا في مكتبة
بس هـ التفخ قوي
اتعبني معه
ولاطلعت من العمل
ورجعت لمكتبي بعد ماخلص الاسعاف من عمله

.

.

.

[ابو رغد]

لقد اسعدتنا بارك الله فيك

[فهد بن عبدالله]

ابو رغد شكل فيك النوم
مافهمت عليك

فهدبن عبدالله فاقدينه واكيد انه ناسي كلمة المرور
الله يرجعه لنا سالما غانما

وعلى طاري فهدبن عبدالله هذي صورته مع ابو رغد في سهم موبايلي
ابو رغد على اليسار ومروق المنقا

فهد عبدالله
فاقدينه عسى المانع خير اذا كان فقد الرقم السري يتواصل مع رقم المنتدى وات ساب مثبت اعلى الصفحه.

ايه والله فاقدينه ملاحظه من فترة الله يحفظه ويرده بالسلامة

لكن يا ابو رغد الرجال متصل ما اعتقد مقطوع الاتصال معه بالمنتدى

بارك الله فيك لحرصك على اخوانك

ما تفقدون غالي، الله يبارك بالجميع.
أنا موجود ومتواجد،، اللي فاقدينه أخينا " أبو حمد " عسى أن يكون بخير..

[ADMIN]

موضوع ولا احلى
يعطيك العافيه اخوي ابو ابراهيم

[ليوناردو]

ههههههههههه الله يسعدك يابوإبراهيم

[العقيلي]

اضحك الله سنك يابوابراهيم

[ابو ابراهيم]

هلا والله بالجميع واشكركم على ردودكم

سمعت انه في سوقنا ان الي ما استلم ارباحه من بداية فتح السوق الى الان يجي وياخذ حقه كامل
او له اسهم ناسيها الان هي موجودة مثل ماحصل لنا
كان لي قريب وهذا القريب اكبر مني في السن واسمه روماريو بسلند
وكان بيننا فارق كبير في السن ولكن هناك توافق فكري عجيب بيننا
ويرى فيني انني امل العائلة من بعده مع انه ماقدم اي شي للعائلة
ومره من المرات كان راجع للبيت وهو متحطم جداً



وقابلته عند الباب وسلمت عليه وقلت ياعم روماريو وشفيك
قال المال قريب احس به قريب ولكنه بعيد عني
كان صاحب حكمه لكن ماتتضح الحكمه منه الا بعد مرور سبع ساعات
قلت ياعم روماريو كيف مافهمت
قال ياصديقي الصغير انتظر لعل بعد 7 ساعات تفهم ما اقول
كان ذكي جداً حتى النخاع
وبعد مرور 7 ساعات عرفت انه يقول ان المال سيكون بين يدي قريباً
كان العم روماريو غريب جداً وملهم ويعرف كل شي الا الدهاء بدري عليه

من الغد قال لي العم رماريوهل معك فلوس محتاج انا ابغى فلوس



الوضع دمار شامل

قال العم روماريو ولا يهمك لايضيق صدرك مشينا نبحث عن التعويض حق العائلة



نسيت اقولكم ان العائلة كانت تملك فرقاطه بحرية ايام الحرب العالمية الاولى وبعناها بسعر السوق عندما قامت الحرب العالمية الثانية ولا استلمنا ولا دولار



قلت ياعم روماريو مشينا

وصلنا المحكة الدولية خارج مدينتنا بـ 195 كيلو
وعرفهم بنفسة روماريو بسلند من مواليد برج الثور
من الخامس من كانون الاول
من عرف باسمه والقاضي قال انت وينك من الحرب العالمية الثانية وحنا ندور عليك عشان تستلم قيمة الفرقاطه
كانت قيمتها مليار دولار وحنا شغلنا فلوسكم والحين صارت 800 مليون
قالت انت ياقاضي تلعب علينا وشلون شغلتوها والحين نقصت 200 مليون
قال القاضي مهوب كل مره تسلم الجرة
انا اقتنعت على طول

استلمنا المال وكان العم روماريو سعيد جداً






بغى يموت نشب راسه





نام العم روماريو على اننا في الصباح نروح لمدينتنا
تذكرت انه ما اخذ العلاج حقه حق الضغط
دخلت بشويش عشان اتاكد هو اخذ العلاج او لا

صارت المفاجاة
يحسبني حرامي




سنوفيكم باالبقية بعد تقرير الطبيب

[صالح السبيعي]

ابو ابراااهيييم يسعد لك ربي كل اوقاااتك
صحيح إنك لزيييييز و راااايق

[ســــــــاري]

😀😀👍👍🌹🌹

[ابو رغد]

بارك الله فيك ابو ابراهيم

[ابو ابراهيم]

رجعنا لكم بعد الشفاء من ضربه العم روماريو
وصار العم روماريو خطير الان
وصدق الي قال الفلوس تغير النفوووووس


تغير مره كان حليو اول وش حليله وينكت
والحين عاقد حجاجه والبندقية جاهزة
ماعلينا منه هو قروشه خلونا مع النقاط الان

نقطه سريعه

قررت انني اعتمد على الله ثما على نفسي وتحمست اكون نفسي
عشان اتزوج واشتري سيارة وجوال ووووووو الخ
هذي صورة بنت جيرانا وحنا صغار



والصراحه انا مخطط عليها
بس ابوها عله نحر
طلباته ماتخلص
يقول لازم تكون مليونير
ويبغى لكزس له مع مهر بنته
ولازم املك فله

المهم اشتغلت وصرت اجمع الدراهم ولكن ماش تجميعي كنه تجميع صغار المتدوالين

الناس تضرب دبل ودبل ثري ودبل فور وانا سراي ابو رفسه
رحت من ديرة الى ديرة
ونسيت نفسي في خضم الاعمال ( كلمة خضم ترى مهيب سهله )

وبعد مضي 12 سنه
كبرت شوي وحسيت ان قطار الزواج راح وفاتني
وصارت معي فلوس وصرت احب الفلوس واشم ريحتها من حبي لها
والشم يدل على العشق الا محدود مثل لما يقولون لك شركة الفلان المحدودة
يعني لاتحرجنا الشركة محدوده كذلك العشق الا محدود ياربيه احس اني لخبطت
اتمنى وصلت الفكرة


لكن كلما تذكرت بنت جيرانا سماسم يحن قلبي لها
ودي اعرف اخبارها هي تزوجت او لا
قلت ياولد ارجع للمدينة يمكن سماسم على العهد باقية
رجعت وانا مثقل بالهموم والتفكير مع الحيرة
واتخيل اذا وصلت القاها واعطيها الورد


وساعات اتخيل ان سماسم لن تتمالك نفسها حينما تراني



وصلت الى منزل ابوها ودقيت الباب
فتحت لي سماسم
وقالت لي تفضل ابوي بيجي بعد شوي
دخلت وقلت لها وانا في قمه قمه الاحراج



صارت لين الحين مهيب تفهم بسرعه

قلت لها ياسماسم
انا جاي قالت لاتكمل انا اتزوجت

خبر نزل علي ماعاد ادري الوم نفسي او الومها
او اصيح او ماذا اعمل
زعلت


خرجت وانا لا اعلم انا خرجت او لم اخرج


وصلت الى بيتنا وانا مذهووووول ومرهق جدا جدا جدا ً
ذبيت نفسي على السرير

[انسااالعالم]

انت مبدع باختصار

[ابو ابراهيم]

وشذا الموضوع
مبطي عنه
وانا احب الفطفطه
وهلا والله بالجميع واشكركم على ردودكم
رجعنا لكم بعد تحسن المؤشر العام الى حدود 9000 نقطه
ومؤشر النفسية عندي الى حدود 8 من 10
ثواني وانا معكم




ياويليه من هو الي ركب القزاز في المنتدى
ايوة وش كنا نقول



المهم
انا رجال ماعندي يا ابيض يا اسود
يا اصير شهبندر التجار او مسجون بتهمه نصب واحتيال
دقيقة بس انا جوعان خلوني اكلي بيضة وارجع اكمل

ارجو ان يكون الكلام بيني وبينكم لا يطلع تكفووووون
الاسهم اتعبتني في راسي
ولا عاد صرت مثل اول اذكى شاب على الخريطة العربية
صار عندي تضارب في الافكار
يعني فكرة تتدخل على فكرة
على سبيل المثال :
افكر مثلاً انني اسوي عملة رقمية مثل البتكوين
واكون انا المتحكم في كمية العملة وسعرها تقريباً
ثما تتدخل فكرة وش اسمي العملة وتاخذ من وقتي طويل عشان اسمي العملة
وبعد ثلاث ايام استقريت على اسم للعملة وهو عملة ال كابوني

اصدرت العمله انا ماعندي تفاهم
وفجاة وبدون مقدمات
جاني تهديد من عائلة امريكية اسمها ال كابوني عائلة كابوي
وارسلو لي ولدهم اسمه فرنك فرزاتشي
ودخل علي في المكتب وكنت العب بالفلوس لعب وعمي الي كان حرمني من الفلوس غرقت ابو ابوه بالفلوس


المهم دخل علي فرانك وكان ناوي على شي



قعد يكلموني انقليزي وانا فتحت قوقل للترجمة
واثناء الترجمة سمعت ناس تتدخل علي في المكتب
وتصايح وتحس انه مهبول عليه قل صح الظاهر


الحين انا نسيت مشكلتي مع فرانك فرزاتشي وصارت مشكلتي مع هذا الي يطلق عشوائي ومعه كرت احمر مادري وش وضعه هو انا اطلع بكرت احمر او نرجع للفار وش يبي هالخبل
بعد دقيقة من الطلق العشوائي دخل علينا
هالشيفة يغني ويدهر بالمسدس



صرت اصايح مثلهم واقول بليز قفمي شتب
اشوى هدو وجلسنا نتكلم
قلت انتم مين وش تبغون
قال واحد منهم ترانا نعرف عربي خليك ايزي
قلت الساعه المباركه
قالو العملة الي انت انتجهتها باسمنا ولا لنا منها شي
يا تعطينا 90% منها او تروح في خرايطها
قلت خلوني افكر يومين



قالو ولك ذلك

فكرت يوم يومين قلت انا الحين صانع هالعملة
وتعبان لين جنيت ثمارها ثما يجون هالجحلط ويواخذونها بارده مبردة
لا والف لا
خلني ابلغ عليهم الانترنت اووووه قصدي الانتربول

تم الهروب بنجاح


بعد مرور 12 سنه
سمعت انهم استاجرو قاتل محترف