وقف عند حدك ياتاسي >>> جميع الأخبار والتصريحات إيجابية

[راس غليص]

في سوق الأسهم قالوا تجيك صفقات *** تربح وتصبح فوق عرش التجاره




خذ لك مع التجارة صولة وجولات *** يمكن مع المقسوم تبني عماره




شفت العروض وشفت كثر المبيعات *** والمشكل إني من هواة الأثاره




طمرت في سوق المواشي بلحظات *** بشار الشوير اللي بليا مهاره




واخذت لي صفقة على كيف ماجات *** صفقة قوية ذقت فيها الخساره




قمت اترنح مثل شرابة القات *** ولا كما اللي ناطحة قرن ثاره




قالوا تحمل وانت راعي المهمات *** لا تنهزم لو تبغى الصداره




الجولة الأولى ترها بروفات *** وانت صدفة السوق وقت انهياره




قالت المواشي طالقة خمس مرات *** حلفت ما طبيت سوق الجزاره




وشفت الكهارب في بلدنا منيفات *** وانوارها في كل شارع وحاره




فيها عروض المشتري بالالافات *** والناس جاي إلهم عليها اعتكاره




وأخذت في الكهرب خمس لسعات *** فيها تجرعت الألم والمراره




وقلت الزراعي يمكن ابرك بحالات *** لعلي اجني منه حالي ثماره




واشوفها تفتح وتقفل بنسبات *** والربح منها ينهمر وبغزاره




ساعة دخولي صابت السوق نكبات *** حتى المؤشر قال جاكم شراره




قمت اتجول في قطاع الصناعات *** أساس تدعيم الوطن وازدهاره




أكيد مافي هالصناعة خسارات *** مهارة وخبرة ومجلس إداره




وأول بداية طحت في صدق طيحات *** وفي الكيميائية إنكسرت انكساره




وسيسكو وفيبكو كل ابوها مطبات *** وإلا اللجين اللي كواني بناره




والغاز والتصنيع جاني بغازات *** ما عاد اميز ليلها من نهاره




قالوا الاسمنت وقلت مابغي اسمنتات *** الكيس ( 14 ) وقت اشتهاره




ما اريد يا صاحبي سوى الأتصالات *** لعلي احظى بالشرف والأماره




أبراجها ترسل من الجو شارات *** وتقرب اللي مبعدات دياره




خرجت منها فاقد العقل واللذات *** حتى بجوالي فقت الحراره




وأما البنوك ابها قطعت العلاقات *** مالي بها قنصل ولا سفاره




بنك الجزيرة ماذكر فية فودات *** والراجحي مالي علية اقتداره




واسمع علوم الناس فيها مريبات *** كلن على كيفه يصدر قراره




تركتها ومالي مال المتهات *** هي بالحلال وما كسبنا غراره




رحت اتشكوى عند قوم الملامات *** قالوا تشطر والتجارة شطاره




السوق مثل البحر ظلمة ولجات *** والحوت ليمن جاع ياكل صغاره




كنت احسب إن المشكلة في القطاعات *** وأثر المشاكل من سباع المغاره




اللي لهم في السوق فن ومهارة *** والسهم لامن زاد وطو عياره




يمارسون القرصنة والغوايات *** ويمثلون اسم الشرف والطهاره




واحنا غدينا للهوامير صيدات *** نبي الهروب وشددوا بالخفاره




لامن شرينا صار بالسوق نكبات *** وليا نوينا البيع زاد انحداره




راح الحصيل وراحت اعلومنا أفوات *** واللي سلم منا طريح الجباره




حصدت من سوق التداول ريالات *** ابها اختم المشهد واصك الستاره

[ابوعزوز 888]

ما يحصل هو موجة هبوط طبيعي ولصالح السوق

راقب سهمك ودع المؤسر

[ابومسعود]

السلام عليكم ورحمة الله وبركاته

لانريد أن نذكر وأن نسرد كل الأخبار الاقتصادية التي تمسنا المفرطة بالإيجابية.

ولا التصريحات الداخليه الجبارة برؤية 2030.

ولا مؤخراً التصنيف الجديد لاقتصادنا.

ولا نريد أن نذكر بالثروات الجبارة التي تم اكتشافها.
نكمل بقية مانريد أن نذكر فيه من يحاول ارباكنا وحيرتنا.

نتائج مالية ممتازة وتوسع جبار لدى بعض الشركات.
فياهذا ليس من المعقول بأن إذا تصدعت رؤوس الجبال بأن ساسها سوف ينهار.
دام عزك ياوطن92
نتابع مجريات السوق اليوم

بإذن الله يابو راكان همة حتى القمة
رحم الله والديك ومن يقرأ

[abu rakan]

رأس غليص أنشهد إنك جبتها على وتر حساس

دام كبير المنفذين ديفيد وشيمون وميشيل ببعض الشركات توقعت مايجينا منهم غير الهم والحسارة.

وصالح وعبدالله ونايف وسيهات تربعو على عرش المكافئات والطيب والعود يفوح من قرب داره.

[رابح على طول]

بيض الله وجهك يا ابو راكان ،،،،

[ام فهدد]

نسال الله من واسع فضله
جاك الله الجنه

[أبو سامي .]

بيض الله وجهك أبو راكان

[أبو سامي .]

صح لسانك رأس غليص

[abu rakan]

جاكم الخير ياوجية الخير وعساه يصمل إلى الأقفال
تدوير عالي جداً على الشركات ورفض بعضها بالتجاوب بالهبوط كما حصل بسوق البارح.
وفق الله الجميع

[abu rakan]

السوق سوف يفضح كل كبار المنفذين الحاقدين الحاسدين ومنهم كثير فاشلين أجزم بأنه لو كان عليهم رسم عمولة البيع والشراء مثلنا لكانو خسرو كل شي وافلسو شركاتهم خلال شهور.
احذروهم فهم الآن ماشيين عكس التيار إما بارتفاع هلل ولا هابطين باللون الأحمر.
مناطق 11400 صمد المؤشر بمخالفة شركات مسار الهبوط وهاهو يحاول اختراق مستوى 11600 مجدداً ونتمنى أن يكون المسلسل انتهى.

[راس غليص]

رأس غليص أنشهد إنك جبتها على وتر حساس

دام كبير المنفذين ديفيد وشيمون وميشيل ببعض الشركات توقعت مايجينا منهم غير الهم والحسارة.

وصالح وعبدالله ونايف وسيهات تربعو على عرش المكافئات والطيب والعود يفوح من قرب داره.

صح لسانك رأس غليص

صح ابدانكم