سولف تكلم نشتاااااق لكلامك !! تعال شوف وين مكان ميلادي

[ADMIN]

هلا والله عاشق ريم
المزاج حلو اليوم والمشاركه بتكون احلى
يعطيك العافيه

أشتهرت البدو أين ما كانوا بتكريم الضيف أذا حل..
فأذا أقبل الضيف على المعزب يقوم المعزب بتقديم له الترحيب بقوله حياالله الضيف من ممشاه الى ملفاه ثم يقلط المعزب ضيفه بصدر المجلس ويقوم بأشعال النار وعمل القهوه وعند صرف القهوه للضيف لها قوانين عند البدو وأغلب البدو في السابق يتمشى بها وهي ...
أربع فناجيل للضيف ولها أسماء ومعان .

1) الفنجال الاول .يسمى فنجال الهيف.. ويشربه المعزب ويعطي تأكيد للضيف والامن من الغدر ..

2) الفنجال الثاني. فنجال الضيف.. ويعني قبول الضيف بضيافة المعزب ..

3) الفنجال الثالث. فنجال الكيف.. ويعني من طرف المعزب سؤاله لضيفه أن كان مرتاح ومقتنع بضيافة القوم ومن طرف الضيف انه يقبل الضيافه ومقتنع بها.

4) الفنجال الرابع.. فنجال السيف.. وهذا يعني العهد بين الضيف والمعزب في حالة وقوع حرب على القوم فيكون الدفاع مشترك.

[الشوشلي]

رحم الله والدك وغفر الله له واطال الله بعمر والدتك بالصحه والطاعه ويرزقها بركم


لا شيء يساوي حنين الذكريات وايام الطفولة


اطال بعمركم وعمر الجميع على عز ومعزه

[ابو رغد]

السلام عليكم ورحمة الله وبركاته

الله ايام زمان كنا نذهب مع الوالد الله يطول عمره للبر عند ربعنا وكنا نستانس عندهم كانت ايام لا تنسى اما الآن كل الناس تركت البداوه وذهبو للمدن كان يجمعهم الموده والمحبه و صفاء القلوب
اذكر معزبنا اذا جت الساعه 9 شغل الرادو ياهي ايام لها رونقها وذكراها الذي لا ينسى كم هي جميله .

[ابو رغد]

قلت البداوة وسمها عز .. تقدير
هي كارنا واشموخنا والشعارات

فيها دروس الصبر والطيب والخير
وفيها دروس المرجلة والكرامات

بدوٍ خلقنا الله وفينا صعاطير
نرقى المعالي نحتمي عزة الذات

نكرم سبال الضيف حشمه وتقدير
وخوينا والجار يلقى المسرات

بدوٍ نخيل المزن في صبح وعصير
وهاذي لك الله وحدها رفع هامات

[الأسهم السعودية]

الله يمتعنا واياك بالصحة والعافية
ويوزعنا ان نشكر نعمته التي انعمها علينا وعلى والدينا

لكن ان تبي الصدق اللي عاش زمان وعاش اليوم
يقول الحمد لله عالحاضر اليوم والله لايعيد من الماضي الا خيره ومابه من خير الا اهله
والا حالة حالة


الله لايغير علينا ويرخي صلبنا

والله يازر وضغطة كمبيوتر في عصرنا ذا انها تساوي الف سنة من ماضينا
ماهو قريب

لو كان ماضينا كذا وين كنا


الحمد لله انتقلنا من الجهل للعلم والفقر للغنى والغفلة الى الفكر

[ابو رغد]

لا ضاق صدري رحت للبر حطاب
وشبيت ناري في صحاري خلاها

وسط الفياض اللي بها أزهار وأعشاب
ريح الخزامى فايح(ن) في مساها

استرجع الذكرى على رأس مرقاب
وأرسم لقلبي صورة(ن) ما نساها

دنياك تلبس لك عبايه وجلباب
وتخفي غدر سود الليال وجفاها

شفت القمر يوم اكتمل صار جذاب
نور ليال(ن) مظلمه في سماها

ترى العمر مثل القمر طل ثم غاب
أغنم حياتك لا تكدر صفاها

حافظ على الطاعه قبل يقفل الباب
ثم يتبين صحها من خطاها

اليوم فعل الطيب راعيه ما خاب
عند الرجال اللي بعيد(ن) مداها

الطيب يبقى يا فتى الجود لو شاب
في شجرة(ن) سيل المكارم سقاها

والبيت ما يبنى بلا أوتاد وأطناب
ومن لا بنى يسكن مذاري هواها

[ذهب صافي]

ما شاء الله
جوكم فلة
علومكم غانمة

[ابو رغد]

🔴ابيات ذهب راقت لي ونقلتها لكم

بعض البشر لا قال كلمه سمعناه

وبعض البشر ما نسمعه لو ينادي

وبعض البشر لو غاب لحظه فقدناه

وبعض البشر لو غاب لسنين عادي

وبعض البشر لا راح عنّا لحقناه

لو بيننا وبينه ثمانين وادي

وبعض البشر لو ما قعدت انت واياه

ان قلت : وينك ؟ قال : بين الايادي

وبعض البشر في ساعة الفود نلقاه

وبعض البشر لا فادنا ولا استفادي

وبعض البشر مركى هل الطيب مركاه

وبعض البشر مركاه بين النوادي

وبعض البشر دايم على الخير مسعاه

وبعض البشر مسعاه خبص العبادي

وبعض البشر واللـــه لو يسرح بشاه

لا ينعرف ولا يندرى وين غادي

وبعض البشر لو مات عايش بذكراه

وبعض البشر ذكراه وقت الحدادي

وبعض البشر عقب العزا بيوم ننساه

وبعض البشر نلبس عليه السوادي

وبعض البشر روس العلالي موطّاه

وبعض البشر من قاع وادي لوادي


وبعض البشر ما تنطق العيبه اشفاه

وبعض البشر العيب امر اعتيادي

وبعض البشر نص الدلو صعب يملاه

وبعض البشر محيط هندي و هادي

وبعض البشر ما يغيّر الوقت مبداه

وبعض البشر مـا يعرف معنى المبادي


وبعض البشر بين الحضر والبدو تاه

لا اهل الحضر عرفوه ولا اهل البوادي


وبعض البشر والله والله والله

لو ينشرى بمليون تشريه عادي


الكفو يلقا له خوي كفو يكفاه

والا الردي يزبن على كل حادي

المرجله والطيب والدين والجاه

أجناد للي ما لقا له جنادي.