بعض من ذكريات الماضي

[ابن الصحراء]

اه ياذكرى الليال الفايتاتي ** كل ماسجيت مع ذرب لقفت لي
ذكرتني بالامور الماضياتي ** ليتها في ماعلى البال امهلتلي
ذكرياتي ماتخص المترفاتي ** مجزل ٍ لو كل زينه عرضتلي

[ابن الصحراء]

اهلا ام دانه ابشري طبعا هذه المقطوعه قبل اجهزة كشف الارقام
----------------------------------------
لاتتصل مدام مانت متكلم
---------------- مال اتصالك واخـتـفا الصوت خانه
أما إلى قلنا هلا فيك سلّم
----------------- وارفع موسيقى الصوت وعزف بيانه
نغمات تنعش هايم ٍومتألم
---------------- بعد الغــلا خــله تلاشــــــــــا حــنانه
والا أترك اللي للعذاب متولم
---------------- خله مع همــومــــه يصـــارع زمانه
خله على طيف القديم يتحلم
--------------- لاتكــرر الصـــورة يـزيد امتـحـانه

[ابن الصحراء]

قـــــــــــــصــه

الله من عين تزايد عناها
‏------------------- من سبة اللى بالموده رمتني
لي قصة ٍصارت وذا مبتداها
‏-------------------- مع جادل ٍفي حبها دمرتني
بديت أقضي الوقت وأضحك معاها
‏------------------ ماهمني هرجه ولو عاتبتني
تبكى وأنا أضحك ما علي من بكاها
‏------------------ وأسرح مع الأفكار لو هرجتني
‏وجيت أتخلا وأنتهي من بلاها
‏------------------ حاولت بكل أسلوب ما طاوعتني
‏وحصلت ظروف وقلت ذا منتهاها
‏--------------------- ونسيتها لكنها ما نستني
وصدفه بلا ميعاد لحظة لقاها
‏-------------------وشفت الجمال وفنها وأعجبتنى
‏وقلب الشقا دارت عليه برحاها
‏------------------ وحبل المودة شدني وسحبتني
وقام يتزايد كل يوم غلاها
‏------------------- لين أنها تصيطرت وملكتني
يفز قلبي كل ما اسمع نداها
‏------------------- واشعر براحه كل ما كلمتني
‏ومن غيرته نفسي تزايد رضاها
‏--------------------- ويرتاح بالي كل ماحاسبتني


القبقيه فيما بعد
‏

[ابن الصحراء]

من القصه


قضيت معها أيام محلى هناها
‏--------------- عامين في جو الحنان غمرتني
‏وحلفت ماطرد كل عذرا سواها
--------------- وعاهدتها وهى بالوفاء عاهدتني
‏وبحلول ثالث عام غيم سماها
------------------ وضعه تفير مار ماصارحتني
‏ويوم انكشف لي كل غامض خفاها
‏--------------- أثر السيول الجارفه حدرتني
‏أثر المجارى غيرت درب ماها
‏---------------- حاولت أعدلها لكن عسرتني
‏باعت مو دتنا بعد مشتراها
--------------- ومن السعادة للعذاب أرجعتني
‏وقاطعتها وطويت صفحة هواها
‏----------------- غصب ٍعلى يوم أنها قاطعتني
تركتها للي تبيه وبغاها
‏-------------- لو أنها عن كل شي أشغلتني
ومن عقبها عيني تزايد شقاها
‏-------------- فر الكرى عن موقها وأسهرتني
وونات قلبي صار يسمع صداها
‏-------------- حاولت أخفيها لكن عجزتني
والكبد فيها النار يشعل سناها
‏-------------- والنفس عن طرد العذارى حدتني

يتبع

[ابن الصحراء]

من القصه


قضيت معها أيام محلى هناها
‏--------------- عامين في جو الحنان غمرتني
‏وحلفت ماطرد كل عذرا سواها
--------------- وعاهدتها وهى بالوفاء عاهدتني
‏وبحلول ثالث عام غيم سماها
------------------ وضعه تفير مار ماصارحتني
‏ويوم انكشف لي كل غامض خفاها
‏--------------- أثر السيول الجارفه حدرتني
‏أثر المجارى غيرت درب ماها
‏---------------- حاولت أعدلها لكن عسرتني
‏باعت مو دتنا بعد مشتراها
--------------- ومن السعادة للعذاب أرجعتني
‏وقاطعتها وطويت صفحة هواها
‏----------------- غصب ٍعلى يوم أنها قاطعتني
تركتها للي تبيه وبغاها
‏-------------- لو أنها عن كل شي أشغلتني
ومن عقبها عيني تزايد شقاها
‏-------------- فر الكرى عن موقها وأسهرتني
وونات قلبي صار يسمع صداها
‏-------------- حاولت أخفيها لكن عجزتني
والكبد فيها النار يشعل سناها
‏-------------- والنفس عن طرد العذارى حدتني

يتبع
مالها حق والله
شوقتنا اكثر للبقية ..الله يسعدك ابوفارس .

[ابن الصحراء]

اخر القصه

حتى الثقه بالبيض فعله محاها
‏--------------- من غدر قادات المها خوفتني
‏وأنصبت بالعزله ولا أبغى دواها
‏--------------- ارتاح الى من العرب سيبتني
وأرجح لماضي مرها مع حلاها
‏--------------- واسب أنا ظروف ٍ بها عرفتني
متبين ٍ حتى بشعرى خطاها
‏--------------- على الحروف القاسيات جبرتني
قصايدي يوم المحرر قراها
‏------------ ---- ابدا أعتذاره قال : ماناسبتني
مرفوض عنده ‏نشرها من قساها
‏------------- مالي خطا هي بالخطا وقعتني
‏وحطت بقلبي علة ٍ ماقواها
‏-------------- وعن كل مشروع مفيد منعتني
‏عسى الولى يعطى لنا ماعطاها
‏------------- من الصبر والنسيان يوم أنكرتني
‏وعسى لها التوفيق منى جزاها
‏-------------- لو هي بنيران الجفا حرقتني
‏وعسى الولي من كل شر يحماها
‏---------------- والله يسهل دربها لو جفتني
‏ونفس ٍهوتها الله يجبر عزاها
‏--------------- دفنت حب اللي عزت وتركتني

[ابن الصحراء]

صهيون من فعل لعرب صار طربان
‏مرتاح باله مهتني في منامه
وانشا مدن منعقب ما احتل الأوطان
‏والقدس راح أعلن قرار انضمامه

تعديل اخطا

[ابن الصحراء]

انا لااورد قصايد بل ابيات من شي ماضي

غن ياصهيون جاك النصر منا
وهدم عز العرب جانا من بعضنا
من عمل له خنبة ٍ بالبيت غنا
قال وسط الدار حققنا غرضنا
المشاكل بيننا ماينتهنا
وكان قالو صلح لبنوده رفضنا

تعديل اخطا مطبعيه

[ابن الصحراء]

سبعين عام نقول ترجع فلسطين
وندرس الاطـفال هـرجـن مـكـرر
نقول حنا للي على النصر قاوين
وطال الزمان وقــدسنا ماتــحرر
واليوم بارض الشام بانت عناوين
اظــن ظــمه للــيهـودي تــقــرر

الله يصلح الامور

[ابن الصحراء]

[quote=نورجنا;7620379]
اشاره ترفع المعــنو يه يعطيك الف عافيه ام دانه
ونرفق معها بيتين اعتذار عن اسم شاعر

أنا ماني شاعر ولاقول الاشعار = لكن الظروف احيان توجد تعابير
ظروف ٍتخلي لولب الفكر يندار = وعن مايعاني منه يكتب تقارير
ومن مايلوق من التعابير يختار = خواظر ٍ تاتيه من غير تحضير
فيها يبوح بمايخفي من اسرار = ويصور الموقف والاوضاع تصوير

[ابن الصحراء]

هبة العاصفه وامطر سماها * وستهلت على روس الطغات
------ --------------- حاست اللي ماحسب للقوافي * لين ذرت على راسه رماد
هبة المملكة لجل اقصراها * من زبنها يبشر بالنجات
----------------------- عند سلمان يامن مايخافي * لين يركب على وسق الشداد
يابن عبدالعزيز الله قضاها * وفزت فيها على كل الجهات
----------------------- --- انت عالجتها بعلاج شافي * مابقى غير لفه بالضماد
يازعيم الجزيره ياذراها * نورها بالليال المظلمات
------------------------- اتضح بالزمن ماكان خافي * والنتيجه ماتحتاج اجتهاد
به شعوب ٍعطت شخصك ولاها * وحققوا بامرك اصعب معجزات
------------------- لين الحوثي لهم رمل السوافي* وعاف الاطماع واعذر ب****اد
وعقب ذا لك تبي ترفع نداها * منك تبغا ضمان المقبلات
----------------------------- للوازم تبي جيش ٍ يشافي* فيه نامن على حد البلاد
قوة ٍ ضاربه ترهب عداها * تهزم الضد دون مساعدات
---------------------- ----- كل حدن نبي مافيه كافي * مايبي دعم بجنود وعتاد
والوطن ربي من خيره عطاها * وبه شباب ٍ يسد النايبات
----------------------------فيهم نهتم دام الجو صافي* ون تعكر يجي فيهم سداد
والخليج ان صفا راي زعماها * صار سد ٍ يصد العايلات
---------------------- ومن زرع بالمواسم بحترافي * يجني الفايده وقت الحصاد
الفتن عمة الناس بوذاها* يلزم اخذ الحذر قبل الفوات
------------------------ولو تظن ان جمر النار طافي* ياتي الولع من بورت فساد
وكان ربي هدى العرب وقداها* مع طريقك تجيب الطايلات
----------------------- بالتظامن تجيب الحق وافي* وتكسب النصر في قدح ال***د
والختام اطلب المولى عساها * لك تحقق جميع الامنيات
--------------------- - وجعل تبقى بصحه ومتعافي * وطولة العمر من رب العباد

ارجو ان تنال اعجاب المط**** عليها واعطائي الراي هل تصلح للنشر نرسلها لاحد الجرايد وشكرا لمن يعطينا الراي ومن يكتفي بالقرأة

[ابن الصحراء]

عيد الفراق

‏عيد بفرق شملناما نريده
‏-------------- نبغي اليالي كلها ما بها أعياد
‏قلب الشقاعيد الملا ما يفيده
‏------------- إلى صار هوببلاد و الزين ببلاد
‏لو إننا نلبس ثياب جديده
‏------------- ولو قالواالعالم لنا عيدكم عاد
‏القلب شوف صويحبه يوم عيده
‏------------- لو ما تعيدباقي الناس وش عاد
وكل عام والجميع بخير

[ابن الصحراء]

أسمع كثير الناس بالهرج قايله ** ان البشر تظهر من الفعل عايله
ومازان من اعمال البشر ماتبينه ** تظهر هزيلاته وتخفي جزايـله
واقول ماهذي حقيقه مؤكده ** الفعل يظهر كل عدله ومايـــله
صحيح من قال ان رضا الناس كايد ** لكن المطر بالقاع تحمد فضايله
لو مانبت الاعشاب ينبت غيرها **ويخضر بالوديان مجرى مسايله
ومن يفعل فعل الخير بالخير يشتهر** ملزوم تظهر للخلايق جمايله
الناس ماتنكر ولا تجحد الثنا ** ومن شذ فاحكام الشواذ زايـــله
هذالقصيبي يوم باعماله اجتهد ** اهل الوطن تذكر وتشكر فعايــله
أرضى جميع الشعب مع قادةالوطن** الكل منهم يفتخر في عمايــله
دار العمل في جد وخلاص واضح ** بانت على المرضى شواهد دلايله
ابن الوطن لجل الوطن جد وجتهد ** الله يــكــثر في وطــنا مــثايــله
وعسى اللي غيره بالعمل يقتدون به** وينالو من التمجيد ماصار نايله
رحمة الله عليه

[ابن الصحراء]

اقتباس المشاركة الأصلية

هنا صورة مراءه تصلخ ذبيحه لم تظهر الصوره بالاقتباس

أحلى كشكول من الماضي يبو فارس
هههههههه

فيه قصه حكاها علينا واحد من الجماعه قديمه
يقول جيت انا ومجموعه معي بمهمه لاحد عدود الباديه فعند وصولنا لاحد البيوت اخترنا بيت كبير ووقفنا بسيارتنا
جانا ولد صغير قال حولو سألناه عن راعي البيت قال هذا بيت فلان يقول فرحت لانه من الجماعه ورجل طيب بيجملني عند خوياي
قلت وينه فلان قال طراش ( البدو مايقولوا مسافر يقولو طراش ) يقول يوم عرفت ان الرجال ماهو موجود سكت
ماعلمت خوياي انه من الجماعه يقوال الولد جاب الحطب والماء وشبينا النار نصلح القهوه يقول راح الولد لبيت ثاني قدامنا وجاب رجال
وسلم على الرجال ثم تقدم لتصليح القهوه يقول هذا الرجل اللي جا من البيت الثاني اظنه من الجماعه بس انا ماعرفه
المهم يقول الرجال جلس يصلح القهوه وعينه للدلال ولايرفع طرفه انا احاول انه يطالع ابغا اشر له يصلحون عشا لوهو رزوسمن
لانني ماشفت عندهم غنم والموجود بالبيت حريم المهم الرجال مدنق على دلاله وانا انحرجت بكرا بيعرفوا ان راعي البيت من جماعتي
يقول فكرت انني انتضر لين يصب القهوه واشرله يقول يوم خلصت القهوه وقام يبي يصب القهوه وانا احط قشعه على النار ابغاها تولع
حتى يشوفني يوم اشرله وعند ماولعت النار ولديت الى الذبيحه معلقه بعمود البيت والمراءة تصلخها يقول وانا ارتاح وتسوي عشانا
بنت الحلال وتجملني مع خوياي وتقوم بالواجب ورجلها غايب -- ذكرتني القصه هالي تصلخ ذبيتها

[ابن الصحراء]

من القصائد صعبة التركيب
صلى صالين صلبن بصاليه صابني ==== صطى صارمه بصخار بالصدر صايبه
صفق وصطفق صلبن صرم صافي الحشا == تقصا وقص أقصا قواصي ذوايبه
صروف القصا صالت وصابت صبابتي == صدى صدري الصافي وصكت مصايبه
صليب الصخر لو صابه اللي مصيبني == تصفق صفاه وصب صلصال ذايبه
عصف عصفن وأقصى وصور لقصتي == هصر غصن صبن لاصقن في نصايبه
لصق في نصايب صاحبن صد وختفا == صبا لهبصلف صباه صارم نوايبه

الشاعر محمد بن احمد السديري - لاحد يسئلني عن معانيها ولكن انا اقول لوهي لشاعر غير السديري فقد تنتقد