المصافي مع ((ابوحسااام))

[ابو احمد وعزوز]

وين هدفها يابو حسام وين رايحه

[ابو احمد وعزوز]

السهم قفل ٤٤.٨

[ashm1404]

انت فيه والا ناويه لانها تفرق السهم صعد من ال 25 بموجب جزيره سفليه وركبه سفلي اعوذ بالله منه
والان المخاطره فيه عاليه ارتفع .. قد يكون باقي له ذيب
بس اخاف عليك منه لان اللي يطلع سريع نزوله اسرع
وفوات الربح ولا ولا ولا ولا الم الخساره

[زهره علي]

لاتقول تكفى .. تكفى .. ليه

إن قلت تكفى لا تهاون بتكفى .. تكفى تراها كلمةٍ تقطم الحيل
لا بالله الا تنسف الحيل نسفا ..تكفى ماهي لمعقبين الفناجيل
تكفى لصلفا وعادة القرم صلفا ... تكفى ترى تكفى لها هدرة السيل
في صدر حرًّ ينتف الطيب نتفا

بعدين اشوفه .. خلنا في المفعوصه المصافي حتى يكون موضوعها منسق

يعطيك العافيه ... الدعم 44.30
والمقاومه كم؟؟؟

[ashm1404]

اقصد يا زهره المقاومه 44.30 ( لسا ماتجاوزناها سجلت 44.20 ) اذا تجاوزناه .. هي اللي تصبح دعم
وانتي عارفه الان ماهي مهيتها هي مقاومة فراشتها الثانيه
وتلاحظين ان اهداف كوبها وفراشتها متوافقه
دعمنا الاساسي هو ال 40 يا زهره لاتنكسر في قادم الايام

نمشي معها ومع غيرها خطوه بخطوه دون تطبيل ولالالالا ارجاف لحدما تتضح اكثر

هالحين يا ابو احمد انت لخبطت المتابعين بالسريع ههههههههه
وزهره توقعت ان المصافي سجلت 44.80

[ابو احمد وعزوز]

ابو حسام انا اتكلم الله يسعدك على السريع ياطويل العمر

[ashm1404]

ادري انك تتكلم عنه ... وجاوبتك بالمشاركه 18
بس زهره شافت ال 44.80 وافتكرتها المصافي والمصافي اعلى ماسجلته اليوم 44.20

اسمع بنزل شارت السريع على السريع لمدة ثانيتين واسحبه
هاه شفته

[ابو احمد وعزوز]

لا قسم مانظرته😂

[ابو احمد وعزوز]

ناوي اعرمش شوي فيه

[ashm1404]

طيب .. نزلته وسحبته ودعمه 37
انتبه السهم صعد .. صعد صعد
لاتغامر لاتغامر.. اخاف عليك

[ابو احمد وعزوز]

الله يسعدك تعبتك معي وودي بدعومه ومقاوماته

[ابو احمد وعزوز]

شورك وهدايه الله اقعد في المراكز والمصافي
معدلاتها شوي حلوه مكاسب لاتذكر

[ashm1404]

وش يدريك انه تسقينا المصافي كوب شاهي على كيف كيفك منعنش
وتمر الايام وتذكرنا هي لاحقا وتقول

انسيتما يا ابو احمد وبوحسام لما مال الهوا بنا ... اكواب شاهي على خوفا من التاسي شربناها
ههههههههه مروق ربنا يستر

[ابو احمد وعزوز]

العروه وين هدفها يابو حسام عشان نترك باقي الفنجال لهم😊

[ashm1404]

العروه ملازمه للكوب والا كيف نمسكه بعدين يطيح وينكسر



كما ما طاح عروه بن حزام في حب عفراء
وعندما انفصلت عنه طاح وانكسر خاطره مرددا
لي كبدي من حب عفراء قرحة وعينــاي من وجد بها تكفــــان
فعفراء أرجى الناس عندي مودة وعفراء عني المعرض المتوان
فيا ليت كــل اثنين بينهمــا هــوى مــن النــاس والأنعام يلتقيـــان
فيقــضي حبيب مــن حبيب لبانــة ويــرعـاهمـا ربــي فــلا يريــان
ههههههههههههههههههه