هل ترشح ابو ابراهيم محلل فني

[المطلق]

ابو ابراهيم
لا تقطع التحليل والا ترى بننتف ريشك

[نيشان تاشي]

ياخي انت رووووعة

[رعد]

موافق وبقووووة لكن ودي اعرف هو انت الي تحلل والا البطة ؟

[أبوخليل]

وانت بخير تقبل الله منا ومنكم صالح الأعمال
طيب وش رائيك ياأبوإبراهيم علشان نمسك العصا من الوسط اشوف راكب عليك لقب محلل كوميدي مميز انا اقول انها مناسبه جدا بحكم اننا في منتدى اسهم
البطه الي تحت لها حق عليك

[أبوطارق222]

تم التصويت بنعم وبقوه
ندعوا لك بالتوفيق يا ابا إبراهيم
تحياتي

[عالم-نفس]

والله اخجلتم تواضعي
مادري وش اقول
اول شي اشكركم على ردودكم والله توسع الصدر
واشكركم واحد واحد
وراجع ان شاء الله اعلق على الردود بين الفينه والاخرى
وقبله على جبينكم جميعاً
في ترشيحين يقول لا والف لا ياليتني اعرف منهم
وفيه اثنين يقولون خلها للظروف اه يالقهر طيب ياخي انا عندي ظروف
على الاقل ياخي حس فيني اني ضحيت للمنتدى
وآخر تضحيه صرت رصاصه عشان تفطر
المهم انا بعد ماحلقت في الهواء وقعت في البحر وبغيت اروح طعام ...... سمكه القرش



وانا دايم اقولكم في بعض تحليلاتي اهم شي اللياقة
تنفعك في اوقات الزنكه انا جلس انفخ في المظله لين نجيت



وبعد عصرت ملابسي ونفشت الريش
رحت اتمشى في حارة مادري وش هي
والناس تفطر ومادرو ان رصاصه المدفع مابعد افطر
قلت ياولد دق الباب على اي ناس وافطر معهم
وعسى اطيح على بيت احد اعضاء المنتدى منها افطر معه ومنها نتناقش
في كثافة التدوال في الشهر الفضيل وفي سهم الاركان
طقيت الباب طلع لي واحد قال بنفس شينه من تبغى
قلت هذا منزل جلعود
قال ياخي اتركو عنكم اسلوب الشحاذة قل ابغى شوربة وخلاص
قلت ابغى شوربة
وانا اتناول الشوربة جاء واحد تحس النذالة تمشي في وجهه
قال اوه مين ابو ابراهيم
قلت انت مين
قال ماعرفتني انا توني شايف موضوعك تبغى تصير محلل
وكنت اتمنى ان تسقط في حارتنا من المدفع عشان اعلمك كيف تصير محلل
شايفه لعبه انت
ومن تكون انت عشان تصير محلل
ما افلحت في شي في التحليل ذبحت ابو ابونا بنموذج w
والنموذج بكبرة يقول منيب جاي
انت حدك تكون رصاصه مدفع وتخب عليك
يالله تعال معي تحرك لاتناظرني
طيب لو سمحت دقيقة انت مين وين بتدويني
ابوديك المطار
على بالك انت ابوديك للمدفع يثورن فيك قبل السحور
الظاهر انت ماينفع معك الا اسحبك




همسه :
يرضيك يابوعبدالله صاحبك يصير فيه كذا

هلا والله بأخوي أبو أبراهيم .. والجميع ..

أسعد دائماً بمتابعة مشاركاتك ..

وسأصوت لك ( بنعم .. وبقوة مُطلقة )) إذا عرفت منك ( تفسير لهذا الي لونته بالأحمر ) ؟؟؟ ..

طبعاً : أنت سيد العارفين إن ( التصويت بعد ما يكون تفسيرك منطقي ومُقنع ) ..

أو : إنك تجيب لي جواب لإستفسارك .. وهذا برضه يحسب لك ..

[خاالد]

انت لا تستحق لقب محلل فني فقط

محلل فني ورئيس التحليل الفني

[mansur555]

طيب يا بو إبراهيم لو صرت محلل بصراحة وش اول سهم تحلله ؟؟

[ابن الجراح]

عليكم السلام ورحمة الله وبركاته
مبارك عليك الشهر وكل عام وانت بخير


اعطوه البشت الاخضر يستاهل ابو ابراهيم

تم التصويت وبقوه

[ابو ابراهيم]

هلا والله بالجميع
بني حرب يعطيك العافيه وانت زميل غالي عندي
التسمعي اها شكلك انت الي رشحت خلوها للظروف
مضارب 2020 لاتنساني من التوصيات بعد رمضان
رعد السحاب يابعدهم والله وابشر بالتوصيات مثل المطر
عبدالله السويد لك سهم خاص بعد ماصير محلل
فارس الصحراء وانت تستاهل بعد كيان انك محلل معي
ابو شنب تسلم والله وهذا اللفته منك تستاهل سهم بعد ماصير محلل
عبدالعليم يامرحبا مليون ابو وحيد كله ساعات واصير مثلك
رعد الله اني ابغى منك ترجمه وكل يوم انسى وترى الي يحلل انا البطه بس مساعد معي
خالد الله يرفع قدرك بس رئيس التحليل كبيرة علي شوي
ابوو طارق تسلم والله وابشر لك بسهمين واحد مضاربة واحد تعليقة
ابوعلي الازدي لاتفقد الامل وشفني تعلمت التحليل في ساعتين ونص
ابو تركي لا مايصلح ذا اللقب ابغى محلل فني يعني محلل فني
ابو ركان طيب متى تعطوني اللقب هرمت ولم اصل له
ابو رغد والله انت الي ملكت قلوبنا بس لو سمحت لاتغير الموضوع
ابو حاتم ارجوك افهمني انا حاس اني محلل حفظت كل الترندات حتى الهجمة المرتدة
المطلق لن تحتاج الى نتف الريش
نيشان تاشي يلومني في اليابان والسوشي
ابوخليل هذا ابن العم وش جابه عندك
عالم نفس وش اقول وش اخلي صوت لي ثماً اسال ياخي
وبالنسبة لسؤالك عن الكثافة حتى تحصل في الغيوم تجي كثافة
سحب ثماً تمطر ببساطه يالله اضغط على الترشيح
mansur555 اول سهم ابحلله سهم مكه
ابن الجراح لا مابغى البشت الاخضر ابغى مادري وش لونه حق التحليل بني غامق على احمرار
شاكر لك رودكم وترشيحكم
والحمد لله الان 20 موافقين اصير محلل
وعدد 3 يقولون لا
وعدد 5 يقولون خلوها للظروف

[Alsalhy]

تستاهل يا ابو ابراهيم

[ابو ابراهيم]

جايكم امشي الف
ثواني واننا عندكم معي خبرين
وتوني صابغ شعري مثل لون معرف المحلل الفني



الخبر الاول الظاهر انهم لقو علاج للمرض كورونا
الخبر الثاني طرف علم ان في تمديد للتجول الى 9 مساءً
وكلها تدعم حياتنا و السوق ,

اليوم ابوعبدالله السليمي اعلن علي الحرب
في موضوعه وبلغ على الدوريات
وانا في طريقي الى عملي في مدفع رمضان
جاتني دورية وقالت على جنب ياصاحب اللكزس <<<<< امنيتي بلكزس وش اسوي
نزل رجل الامن وقال انت ماغيرة ابو ابراهيم
قلت نعم عسى خير
قال فيه شكوى ضدك من ابوعبدالله السليمي
قلت افا هذا ياخي صديقي
قال تقول هذا الكلام في المخفر <<< وين في الكويت حنا
قال امشى قدامي وانا امشي تذكرت المدفع وماعاد باقي الا نصف ساعه
وادعس على السيارة مثل مايقول حبيب قلبي بورصه دوووووس
والدورية وراي وانا مركز ولا افكر الا بالمدفع انه يثور في الوقت المناسب
واتذكر حركتي الي اسمها مابداهاش
وطبقتها ونجحت



وابشركم راحت الدورية
واطلقنا المدفع في الوقت المحدد وافطرت الناس
يازين الحياة الهادئه
وماقهرني الا ليش السليمي يبلغ عني
مع اني كنت امزح معه
وبعد مرور الليل وجاء الفجر
انطلقت ابروح لبيتنا وفجاة القى امامي هذا الي سحبني
هذا هو تذكرونه



قال ياهلا بـ شوماخر
روعني وقلت يامرحبا وانا في نفسي اقول وش جاب ذى النجس الحين
بيسحبني في هالشوراع
قال آجل منحاش من الدورية شف انا ماعندي يمين يسار
يا انا يا انت في هذه الحياة
قلت يابن الحلال وش بيني وبينك
قال اخرس <<<<عرفت انه شايف فلم ومتاثر به النجس
ابعطيك سلاح وانا معي سلاح
وقعد يقول كلام انجليزي
A man is a man
انا نسخت النص وعلى طول للترجمة طلعت
رجل قدام رجل
حتى الترجمة ضدي
وعطاني مسدس ابو محالة ياهو ثقيل المسدس بس الصراحه المسدس نظيف
قلت له انت الظاهر شايف فلم كابوي وتبغانا نسوي مثل كذا

قال نعم و ابعد الى 3
ثما اطلق علي وانا اطلق عليك مثل الكابوي
قلت من جدك انت
قال نعم
يالله خلك جاهز وخذ هذي القبعه عشان تكون في الصورة
ون
تو
وانا اتنافض
والصراحه انا ماسمعت 3
سمعت صوت الطلقة




وابشركم صار النجس مايعرف يطلق زين
والحين الامور تمام



معليش دخلتكم في مواضيع ونسيت احلل
السوق ممتاز جداً
والله يوفقنا جميعا ً

[مضـ2020ـارب]

الله يبشرك بالخير حبيب قلبي

[بني حرب]

الله يسعدك ابو ابراهيم دنيا وآخرة

[ابو رغد]

تسلم دايم اخبارك تسر وفقك الله