❤️ المساجـــله الشعـــريـــــه .،.،.

[طيب القلب]

هي عزة النفس عندي أول وتآلي
والنفس يا صاحبي بالك تحاقرها

هذي نصيحه وهذا هرجي التالي
كأنك تبي القدر عند الناس قدرها

[ADMIN]

إليا صفا لك زمانك ، عل يا ضامي
وأشرب قبل لايحوس الطين صافيها

[طيب القلب]

إن كان مزعلك مني زلـة لسانـي
تعال شوف بخفوقي وش كبر بيتـك

متربعن في خفوقي ما معـك ثانـي
ليتك تشوف (الغلا) في داخلي ليتـك

[ADMIN]

كـل القصايـد مـن جمالـك .. تهابـك ..!
إليا فقدتك ضاقت < الحـال > .. وارتعـت ..
[لحظات ] موتـي لـو تصـور .. غيابـك ..
عن حب غيرك كل الابـواب .. شمعـت ..

[طيب القلب]

تلطف بفعلك وابتسم في وجيه الناس
ترى الناس ماتبغى حلالك ولا مالك

ان طاب فعلك طاب حالك وطاب الراس
وان خاب فعلك والله ان تجلس ألحالك

[ADMIN]

كل نجمه شعشعت والقلب عتمه كانت انتي ..
وكل حرفٍ حرك شفاهي بكلمه عنك انتي ..

[طيب القلب]

ياللـي حبـك مـرتكز فيـني و سـاكن ؛
لا تحـاتي قـلب غطـاه ’ الـدفـا ‘ ...

هـو صحيـح البـرد ذابحـني ولكـن ..
كيف احـس البرد و طيفك لـي دفا ...

[ADMIN]

المحبّه أرض .. والفرقى أراضي
والزمن كلّه ترى لا غبت ماضي !

[طيب القلب]

يا اللي غـلاك بـداخلي مالـه أبـعاد
تـبطي ولا أحد من خفـوقـي يـزيلـك

[ADMIN]

كل ما دعاني الشوق للقلب الأول
آلقى مكان القلب في الصدر تنهيد

وطيوف ذكرى في الحنايا تجوّل
تجمع صور وأوراق من باقي العيد

[طيب القلب]

دام الأمل حي والاشواق عطشانه
لابــد مـن لـيـلـة تضحك مدامـعـنـا

[ADMIN]

الجنون عيونك وعيونك وطن ،،
والوطن من غير عيونك وش يكون ،،

[طيب القلب]

نفسك لاتظلمها ، ولاتظلم الناس
واليا نطقت .. الناس لا تبتليها

مثل مافيك احساس للعالم احساس
والناس مثلك مثل مافيك فيها

[ADMIN]

أتصبّر وأقول إنّي على البُعد قاوي
والله أعلم بقلبٍ فيه الأشواق حيّه❤️

[طيب القلب]

هذا غلاك بداخلي مالي الجوف
حتى هنـا ناظر مع الدم تجـــــري

ماكنت ابي منك سوى اربع حروف
تعتق بها قلبك ترى طــــــال صبري