❤️ المساجـــله الشعـــريـــــه .،.،.

[طيب القلب]

دايم افكر لو خسرتك وش يصير
واقول دايم جعل قبله وفاتي

من قبل اعرفك ماحسبت المخاسير
واليوم شفني ماخسرتك واحاتي

[ADMIN]

يسري بنا الليل لا نادت مواجعنا
ويفرح بنا الهم لا ماتت ، أمانينا
أغراب والحزن ف الغربه يجمعنا
اجسادنا تمشي وتتبعنا خطاوينا

[طيب القلب]

ابشري بقلب مايبي غير طرياك
وابشري بعين ماتبي غير شوفك

ابشري بحب لو قسى الوقت يرعاك
وابشري بروح من غلاها تحوفك

[ADMIN]

كل يوم اقول : يمكنّـك .. تجيني
و آتحرّى جيّتك و افلست منها

و الله انه ما ذبحني الا حنيني
لين روحي صارت تصارع وهنها

[طيب القلب]

إن كان قصدك تجرح الروح وتروح ...
عندي كفايه ما بقى من جروحي ....

وإن كان غرّك قولت الناس مملوح
هذه عباره ... ما تناسب طموحي ......

[ADMIN]

يا عذولي .. وش تفيد به النصيحه
لا تعذل القلب .. وجروحه طريّه
من يداوي علة الروح الجريحه
ومن يسلي دمعة العين الشقيه

[طيب القلب]

هنا لقيتك والسواليـف ابيـات
وهنا تركتك مع خطاياك غادي

بسكات جيتك لكن اقفيت بسكات
مبطي وانا طبعي مع الناس هادي

[ADMIN]

يانَايم الليّل الطويِل والدُنيا من حُولك سهَر
ماراودِك في الحُلم طيّفيِ ولانبهّك شُوقي العَليل

[طيب القلب]

لاتـحـسـب انـي عـلـى الـفـرقـا ابـي زلــه
لـكـن حـيـائـي غـصـبـنـي امـنـع خـبـالـي

[ADMIN]

يا أهل الهوى خاطري طايب
من الولع ، و السهر ، والنوح

ماعاد لي صاحبٍ غايب
ولا عاد لي صاحبٍ بيروح !

[طيب القلب]

حسبت قصيدكم روضا نديا
تزينه الـورود علـى التلال

[ADMIN]

لو تسأل عيوني .. يمطر سحاب الملح
لو تلمس شجوني .. ينبت في قلبي جرح
صار الخريف حبي .. حزن وورق أصفر ..
ودّعني يا قلبي .. وخلّ العذاب أقصر ..

[طيب القلب]

روحي وقلبي ضيوفك يالغزال الشريد
وضيوف الاحباب في حكمة معازيبها

[ADMIN]

أتفقنا ... ما نغيب ولا نغايب
الغياب يقطع قلوب الاحبه
.
والعهد يبقى وعد بين الحبايب
من يخوّن فالعهد * ودك تكبه *

[طيب القلب]

همس الوفا باقي مع النبض والصوت
لو غبت يبقى لك ضمير الوفاء حي