دار الاركان (متابعة الموجه الثالثه الرئيسيه حتى تنتهي )

[عز وفخر]

جميل انك متابع

طيب ليه تتابع واحد يهايط !!!

الموضوع اللي تقول اني اصيح فيه و رغم قلة ادبك بوصفي اني اصيح فيه لاني ما اصيح على اسهم (الفلوس انا اللي اجيبها موب هي اللي تجيبني)

هو نفس موضوع دار الأركان

من الاحزان الى الأافراح السهم تغلقت فيه بعد ما رميته في قمة و اشتريت على ارتداد
وهمي وو كان عندي دورى تدريبة و لا قدرت اخرج من السهم


تقول الباقي ما عمرك سمعت فيه !!!

انت من نفس الطينة اللي تطاردني و تبحث عن فشل لي او سقوط

معمي القلب و البصيرة

تذكرني بواحد واجهته هناك و سردت له معظم توصياتي و الأخ ما اقتنع !!!

ترك توصياتي الناجحة كلها بالاضافة الى نجاحي في معظم ارتدادت السوق
و تذكر لي توصيتين فشلت الأهلي تكافل و سهم المصافي بالرغم ان توصية سهم المصافي
رجعت لسعر التوصية و قلت لهم هذا سعر التوصية اللي متعلق يبيع و يفكني من شره

اتحداك تجيب روابط توصيتك لدار الاركان وهو بي ٥ وخرجت الناس ١٥ الوحيد اللي شفته من المحللين اللي متمسك على تحليله وهو بي اسعار ٥ ابوعبدالله السليمي وطلع الناس من ١٥ واقفل موضوعه
اذا عندك اي مصداقيه حط روابط اما الكلام سهل
يا أخي هذي اموال ناس لاتحاول تجزم في المضاربه او حتى في الموجات الطويله كل شي بمشيئة الله لكن الموجات الطويله هي اصدق شي اما الموجات الفرعيه يتلاعب فيها المضارب كما شاء وانت تدخل وتحلل في الموجات الفرعيه وتوهق الناس

[عز وفخر]

ابوعبدالله قالها بالملي السهم متجه لي ٨ وهو بسعر ١٥ يرجال مافي محلل قال كذا واكثرهم كانو يقولون السهم بيرتد من الدعم الفلاني الين علقو الناس ولا هو قصور في المحللين الموجودين بس هذي شهادة حق

[الهيلوم]

ياخوان الجدال مايجيب نتيجه جدال عقيم نبحث بين الصفحات الى خبر مفرح معلومه نستفيد منها
ان كان ولا بد الميدان ياحميدان ورونا خبرتكم اللي تكلمون عنا واحنا نحكم من المصيب ومن المخطي غير كذا فكونا من المهاترات التي لا تجيب ولا ترد .

[ابو الوليد]

بالنسبه لي طلعت من السهم بعد الارتفاعات

ويوم نزل 11.9 دخلت وتعلقت بصراحه

يوم شفت شارت المحللين ان الموجه الهابطه باقيه
انتظر الارتداد الجاي و ابيع فيه ان شاء الله الاحد او الاثنين



اما الكلام العام و دووس
لا يغركم يا اخوان
اذا نزل السهم ما تلقى احد

شوف المحلل اللي تثق فيه وحاول تفهم نقاط الدعم و المقاومة

والله الموفق

[هاني الوردي]

مشكلتك يا سعد هي انك تتوعد وتهدد وتجزم بوقوع الشي وانه سوف يصير الان كذا وكذا ولغة الأنا وهذي لا تستخدم في عالم الاسهم انت تصارع سيل هادر وقوة مال ومضاربين وهوامير كبار. انت ممكن بتأكيدك على شي ما بتعلق اخوانك من غير قصد. فارجوك حاول تراجع نفسك

[ابو تركي.]

على ايش بنيت الامور يا ابو تركي

لك هدف باذن الله يوصل حسب نظرتي الخاصه

[سعد العتيبي]

مشكلتك يا سعد هي انك تتوعد وتهدد وتجزم بوقوع الشي وانه سوف يصير الان كذا وكذا ولغة الأنا وهذي لا تستخدم في عالم الاسهم انت تصارع سيل هادر وقوة مال ومضاربين وهوامير كبار. انت ممكن بتأكيدك على شي ما بتعلق اخوانك من غير قصد. فارجوك حاول تراجع نفسك

لغة الانا انجبرت اظهرها بسبب الجحود اللي شفته من ثلة الله ابتلاني بهم فقط

رغم اني مددت يدي للصفح و الصلح الا انهم رفضوا للاسف

و الا رحم الله امرئ عرف نفسه (لست مجبور اكتب في اي منتدى )



عيبي الكبير طيبتي الزايدة و فتح قلبي للجميع و اعتبرهم اخوان

[سعد العتيبي]

يا سعد الله يرحم والديك احنا ما كودنا ينتهي جدالكم يوم الخميس ترجع تفك لنا مواضيع تتصادم فيها مع الأعضاء. وينك بس يا ابو عبدالله اعتقد ما رايح يرضيك الوضع هذا

اجل انت براءة

انت واحد من اللي تشمتو فينا يوم الربوع و الخميس اختفيت

[سعد العتيبي]

اتحداك تجيب روابط توصيتك لدار الاركان وهو بي ٥ وخرجت الناس ١٥ الوحيد اللي شفته من المحللين اللي متمسك على تحليله وهو بي اسعار ٥ ابوعبدالله السليمي وطلع الناس من ١٥ واقفل موضوعه
اذا عندك اي مصداقيه حط روابط اما الكلام سهل
يا أخي هذي اموال ناس لاتحاول تجزم في المضاربه او حتى في الموجات الطويله كل شي بمشيئة الله لكن الموجات الطويله هي اصدق شي اما الموجات الفرعيه يتلاعب فيها المضارب كما شاء وانت تدخل وتحلل في الموجات الفرعيه وتوهق الناس

تتحدى على ايه !!!

10 الى 50 الف ريال

حط رقمك


انتظر هذا المتحدى

يا يكون قد كلمته و الا يشطب من المنتدى

[عز وفخر]

تتحدى على ايه !!!

10 الى 50 الف ريال

حط رقمك


انتظر هذا المتحدى

يا يكون قد كلمته و الا يشطب من المنتدى

اول شي التحدي مال بمال مايحوز
وثاني شي اتحداك نعم اذا كنت فاتح موضوع من ٥ وتابعته الين ١٥ وبعدين طلعتهم نعم اتحدى

[سعد العتيبي]

اول شي التحدي مال بمال مايحوز
وثاني شي اتحداك نعم اذا كنت فاتح موضوع من ٥ وتابعته الين ١٥ وبعدين طلعتهم نعم اتحدى

لا تحور كلامي انا قلت بين 5 و 6 و اخرجتهم في القمة

حط حسابك و في اي بنك و انا بحط حسابي

تتحدى على كم من 10 الى 50

و لكن انتظر مشرف ذو صلاحيات


يشطب نهائي اللي موب قد التحدي

[محمد العبد الله]

اذكروا الله... والله لا يخسر مسلم

حبيبنا ابو ليانو...بشرنا عسى امورك بإذن الله فرجت...؟!

حبيبنا السليمي ابو عبدالله، كيف أخبارك مع الاجازة؟ تروح وترجع بالسلامة..

إن سلمنا من الأخبار السيئة السياسية بإذن الله أمور السوق في خير، بإذن الله

[الحدس الصادق]

انا اشهد ان قلبك ابيض و الي في قلبك على لسانك ... و انا شخصيا استفدت منك
و من جميع المحللين في المنتدى و على رأسهم ابو عبد الله


طنش تعش تنتعش

[سعد العتيبي]

ابوعبدالله قالها بالملي السهم متجه لي ٨ وهو بسعر ١٥ يرجال مافي محلل قال كذا واكثرهم كانو يقولون السهم بيرتد من الدعم الفلاني الين علقو الناس ولا هو قصور في المحللين الموجودين بس هذي شهادة حق

انت تبي تحط بيني و بين ابو عبدالله !!!

يا اخي استحي على وجهك

السليمي واحد من اساتذتي اللي استفدت منهم في التحليل الفني

و اعتبره الأب الروحي لسهم دار الأركان

[سعد العتيبي]

تصدق يا سعد انا كنا مرتاحين اللين جيتنا المنتدى. صرت تتجادل مع الأعضاء. وش رائيك ترجع المنتدى المجاور وتأخذ راحتك هناك

تدري يا هاني

بعلمك حاجة

اخوك سعد من الناس اللي تابعوا هذا الموضوع اول ما انشئ تراني ماني

بجديد عهد على هذا الموضوع و اذا منت مصدق اسأل ابو عبدالله

انا اناديه عم يحي السليمي احتراماً لقدره قبل عمره


عم يحي بنفسه قالها اذا غبت فسعد موجود

و لكن اللي كان يتضايق منه هي المتابعة اللحظية فقط

يقول خلونا نمشي على مويجات و موجات اي يقصد

اهداف اعلى من يومية


اعتذر للأعضاء

ودي اتخلص من سمة الغضب اللي الله بلاني يها

عيب مثل الألعاب النارية اشتعل بسرعة و افقد اعصابي




سامحوني من جديد