رد: ❤️ المساجـــله الشعـــريـــــه .،.،.
يالله يالمعبود ياعز مطلوب
لاتمنع الرحمه وتفتح لنا الباب
يارب مابه عبد ماعنده ذنوب
وانت الغفور وطالب العفو ماخاب
ياعاقلا يوسف على ابوه يعقوب
بعد العمى والياس من رحمتك طاب
يافارج الشدات عن كل مكروب
تفرج لنا الكربه وناخذ بالااسباب
ويالله في نوا مع الفجر مجنوب
سيله يشيل تراب ويخلي تراب
في خطة الارصاد ماهو بمحسوب
لاهو على واقع ولاهو على سناب
نوه يعم ديار ويغسل قلوب
من الحسد سوداء كما ريشة غراب
غيثا يجي من كل رحمه ومن صوب
وتنبت فجوج الارض من كل الاعشاب
والارض من زهر اليهق تكتسي ثوب
ابيض الي شفته تقل رؤوس شياب
والا الشماغ اللي على راس منصوب
هي حمرة الحماض ويثير الاعجاب
وكلا يوسع خاطره لا قضى النوب
شوف الربيع اكبر مهدي للاعصاب
وخوة نشاما اهل معزه وماجوب
مختارهم مخيور من بين الاصحاب
هذا حلاة العمر والرزق مكتوب
وبالاخره كلا مسجل له كتاب
واختامها صلو على خير محبوب
رسولنا المختار من خير الانساب
وين انا و انت وين
وفي عيوني جواب
المشاركة الأصلية كتبت بواسطة كلي طموح
مواقع النشر (المفضلة)