مدونة >> ابن الجراح <<

[ابن الجراح]

[ابن الجراح]

[ابن الجراح]

من بنات الريح لي صفراء جغول
كنها ظبي الفلا بجفالها
منوة الخيال عساف الخيول
زينها في دقها وجلالها
زينها ما شفت وصفه بالمثول
الله اللي بالجمال اصخى لها
تستذير كحيلتى من كل زول
ما يصخرها سوى خيالها
اذكر الله كل ما قامت تجول
و احمد الله خصنى بحبالها
كنها تمشي على قرع الطبول
فتنى اللي خافقه يبرى لها
ظافي القصه على الطرف الخجول
تنكسر شمس العصر بظلالها
وصفها وصف السحاب اللي يحول
كل عين تستخيل خيالها
او كما طاري على الخاطر عجول
صاحبه حقيقته ما طالها
كل رجل في حياته له ميول
والهوايه تمتلك رجالها

[ابن الجراح]

المهره اللي عقدها في نحرهـا
اللي بميدان الاصيـلات ترتـز

تقدم وتعجب من بعينه نظرهـا
لاجات فالميدان والخيـل تلتـز

في حسنها تختال ما حدن حقرها
واللي نواها بالملاحيـق يعجـز

خيالها يبدع وينحـت صخرهـا
مدهالها من ماضي الوقت فالعز

سديده (ن) واليا ومرها ومرهـا
ماتخذلـه واليـا نواهـا تحفـز

اتقلطـه والخيـل تبقـا بثرهـا
هذا كلام الصدق والصدق يفرز

[ابن الجراح]

الله من قلبٍ مولع ومفتون // مولعه شقر المهار الاصايل

شقراً عليها من صفار الذهب لون // ومخالطٍ لونه بحمر النثايل

يالايمي بالخيل بالهون بالهون // لا يالسنافي كب عنك العذايل

للخيل حبٍ داخل القلب مكنون // احبها من حبها لتخايل

رمز الشجاعه والفخر كان تدرون // اقسم بها الرحمن منشي المخايل

الخيل فيها الخير ثابت ومسنون // وصى بها محمد وديع الرسايل

ومن عرض ما جاء في المثايل يقولون // الخيل عزن للرجال و شكايل

منها كسبنا معرفة كل دندون // اعيال الرجال اللي تشيل الثقايل

الطيب لهل الطيب ثابت ومصيون // وش عاد لو الوقت بالبعد حايل

تكفون يا اهل الخيل تكفون تكفون // لا تقطعون الوصل والشك زايل

عمر الفتى مابين داين ومديون // بين الرجال ولا تضيع الجمايل

من عاشر الطيب رقابه عن الدون // سندبه العليا وروس الطوايل

ومن عاشر الخيب يحده على الهون // ما يسقي الضامي سراب القوايل

ويا لايمي بالخيل بالهون بالهون // هذي الفوايد شاهدة بالدلايل

[ابن الجراح]

[ابن الجراح]

[ابن الجراح]

[ابن الجراح]

[ابن الجراح]

[ابن الجراح]

[ابن الجراح]

يالفاتنه ياام العيون الوسيعات = ياللي جميلات المزايا حوتها
في عينها تلقا سحر سبع الايات = نعاس ماهي من عبط نعستها
وفي جيلها ماظن تلقا جميلات = أحلى بنات الكون ما قايشتها
امن الدلع تحكي ولكن بسكاات = ماظن كل الناس تفهم لغتها
وانا بعد منهم ولكن مرات = افهم على بعض الهروج انحكتها
دلوعة الموضه وكل المحلات = وامن الدلع سوق المرينا كبتها
لو للحلا والزين شمل انتخابات = أصوات كل الناس هاذي خذتها
باقول عاادي والمعاذير وقفات = هاذي قصيده من خفوقي وجتها
باتت فمان الله عسى كل مافات = صوره خياليه ووقتي بهتها
قالت بروحي شوي راحت ولاجات = هاذي سنه بالله ماماصختها

[ابن الجراح]

[ابن الجراح]

يالله طلبتك وانت المانع المعطي

يارب فرج على المحزون ضيقاته

اللي بحال العنا والهم من مبطي

ماهوب قادر يحصل بعض ما فاته

[ابن الجراح]