❤️ المساجـــله الشعـــريـــــه .،.،.

[AbuNader]

الحُب تعيشه بالعُمر بس .. مَرَّه
وباقي علاقاتك .. عشان تنساه !

[صعفق الفايز]

هـذاك اللـي ليـا مـنـي فقـدتـه عـشـت بــه مفـقـود
هــذاك الـلـي لـيـا مـنـي لقـيـتـه طـــرت بـأنــواره
عجزت أقدر على وصف الشطير الصارم المجرود
عجزت ألمسه في شعـري وأعـز الشعـر بأشعـاره

/

[حمزه]

هذا اللي شفته بدنيتي وكل مامضى لي من سنين
يامن يعلمني الفرح .. .. ...ويفرح القلب الحزين

[ADMIN]

نستحي من حزننـا لا نكشفـه
. و الحزن لاعيّن الفرصة بطش
كل يوم يصّب كـاس و نرشفـه
. و أرتوينا صح لكن بالعَطش !

[صعفق الفايز]

شيهانةٍ تلفت نظر كـل صقَّار
⠀
توصيفها حيّر جميع الطروقي


/

[ADMIN]

يبقى الغياب : أكبر تعب نفسي
يخلق : ملامح .. وجهك الثاني !
'
حتّى الليْ بدّيته .. على نفسي !
خلّاني ! .. أحبّه .. " وخلّاني " !

[صعفق الفايز]

ياهجوس الشعر جالك على الجزله مجال

هاتي الجزله متعب يجيب الحونها

ارقي ارقي ياهجوسي على روس الطوال

واستهيضي واخذي من البيوت

لاعبي منسوعة الجيد زاهية الجمال

عيطموس ( ن ) كن لون البدر من لونها

/

[خواطر]

‏اللي يحبك تبان أفعاله
‏وإلا الحكي كلن يقوله

[حمزه]

هلا ياجنتي بالأرض ياضحكتي وبكاي
هلا يأول مشاوير العمر وآخر مشاويره

[AbuNader]

همس لي بالحكي وأرخى عروق الروح بحروفه
وعزفني وبعثرني وقال مسكني جوفه

[طيب القلب]

هذا زمان اللي تـبـيـهــم يروحـون
ماهو زمان اللي اذا احتجتهـم جـو

[AbuNader]

‏وشلون أبكتب في وداعك قصيدة
‏وانت إن طريت بعزّ ضيقي تبسّمت

‏ممنون لك ، عن كل لحظة سعيدة
‏أنا أحب بصمت وأفارق .. بصمت

[طيب القلب]

تدري وش اللي يكسر الظهر حزات
لامن عطيت إحساس ما هو محـلـه

وتدري متى تستاهل الطعن مرات
لامن خطيت الدرب وأنت تــدلــه

[صعفق الفايز]

هذاك اللي خلق ربي حياته كلها من طيب
تضيق بعيني الدنيا واشوف الخير لاجيته

تخيل من تعرفنا ولامره لحقته عيب
ذكرني والمصيبه ياكثر ما انا تناسيته

/

[ADMIN]

هو أنت ناديت و إلا الصوت خيـّل لي
يا من ضلوعي إذا ناديت سمعنـّك
.
أشتقت لك حيل و ودي أسألك قل لي
أشتقت لي وإلا طيوف الشوق ما جنّك