بعض من ذكريات الماضي

[ابن الصحراء]

الله من بيت عزيزاً هجرناه
من عقب ماكنا دواما نروده
مع الزمن حتى مكانه نسيناه
ماعاد نذكر باي الاحيا وجوده
من يوم راع البيت قفت مطاياه
النفس عن قربه تقول محدوده
الله يرحم كل عودا فقدناه
والله ينور مرقده في لحوده
وعسى حسناته تغطي خطاياه
وعسى ملايكة الرضا من شهوده

[ابن الصحراء]

سالفة وقصيده الولد ون طاب طيبه من خواله --- راشد بن خر الذيب
يقولون ان الشاعر راشد بن حسن الجمعه العجمي الملقب ( بالذيب )
كان يشتغل سوّاق في ارامكو وكانت انظمة ارامكو تمنع السائقين ان يشيلو الطرقيه اللي يوقفون السواقين ويطلبونهم توصيلهم على طريقهم ..
والشاعر راشد الله يرحمه كان يخالف التعليمات وكل هذا حيا فيه ومرجله
يوم من الايام أشرت له عجوز ومعها **** (اعزكم الله)
قالت وصلني يا الأجودي قدام شوي
قال ابشيلك بس ال**** .لا
قالت له خلاص روح الله يستر عليك بيجي الذيب ويشيلني
(( تقصده لانها تسمع انه يشيل اي واحد يجي بطريقه وهي لاتعرفه))
قال لها يا خاله انا راشد الذيب
.. اركبي وابشري بالخير ..
وقيل انه توفي عام 1986م
وهو في نجران وكان شايل معه شخص موصله الى قرية في نجران
وحصل عليهم حادث رحمه الله
واليكم قصيدته المشهوره ردا على من انتقدوه
وكان السائد انذاك أن يأخذ صاحب السيارة على الشخص اذا كان بمفرده ريال واحد أما اذا كان معه ***** فيأخذ عليه ثلاثة ريالات وكان يرفض اخذ مقابل فعل الخير
حالفٍ ماخذ على الطرقي رياله
وبالثلاث محرم أنه مايجيني
لالقيت اللي على الرستة لحاله
يلتفت ويقول وين المستحيني
أوقف الموتر حيا وأبي الجماله
يوم ولد اللاش وجهه ما يليني
الطمع في كروة الرجلي رزالة
خص وان جابه مجال الغانميني
والردي في حالة ماهي بحاله
واعوينه من كلام الطيبيني
الردي لو بان مايذكر عماله
مايعد اللاش مقصور اليميني
أركبه لعيون من زينٍ دلاله
ماتحاكوا في قفاه الرامسيني
مابغى غيري وانا مابغى بداله
قاعدٍ لي بالرجا مدة سنيني
الولد وان طاب طيبه من خواله
وان تردى من خواله خايبيني
الولد وان طاب قالو من خواله
بالخوال يسال قبل الوالديني
أشرب الفنجال واكب البيالة
تابعٍ سلمي سلوم الأوليني
ولاقعدنا بالعمل بنا الرزالة
ناخذ العليا طريق الفايزيني
قال خر الذيب من هاجوس باله
كلمة يلعب بها والبال زيني
قالها يومه طراله ماطراله
من هواجيسٍ تشيب المرضعيني
غرني بعض الرجال بكثر ماله
مادرى ان الموت في حبل الوتيني
كيف ينفعني وابا(..........) خاله
مايقوم البيت دام الساس طيني
ناس وين اللي عوايده الجمالة
مثل ابن ظافر حمد ليته يجيني
الثنا والجود دايم في خياله
علمه ظافر سلوم الطيبيني
جوّد العليا ولزمّها عياله
وادركوا من علمته دنيا وديني
واهني من باع حظه واشترى له
وسار في درب النبي وأخزى ال****ي
موقفه ماكل رجال يناله
من بغى ممشاه يقعد مرتيني
كم ذبح من حايل من حر ماله
وعادته لطمة خشوم العايليني
وللجميع تحياتي

[ابن الصحراء]

مشكور ابو خالد اللي يلحق التالي
بعد تعرقل مسار اسباب توصيله
يوم الزمن بدل الاحوال باحوالي
غيرلوضعن تزعلنا تفاصيله
الى شفت منزال بعض اصحابنا خالي
اصمت لاقالت هجوسي من تغنيله
اول اذا قلت كلاً دق موالي
واليوم قولك هبا ماحدا يراعيله

[ابن الصحراء]

في عام 2020
عشرين عشرين جعله عام خير وسرور = يجلا هموم العروبه من ربيعاتها
اعوام قالو ربيع وهي دمار وشرور = واكثر خراب العرب من فعل قاداتها

[ابن الصحراء]

العيد قرب وبعض الربع غيابي
وشلون بالعيد مانقدر نعايدهم
العيد يحلو في حضرات الاصحابي
ونصف انسجامه يضيع ان صرت فاقدهم
عسى السعاده تعايد كل الاحبابي
واشوف في مقبل ايامي تواجدهم

[ابن الصحراء]

شكرا ابوانس على الطرح الجميل والدفاع عن الوطن غريزه في كل انسان ينتمي انتماء حقيقي لهذا الوطن حتى ولو فيه بعض الملاحظات
اما من تكون جذوره تنتمي لوطن اخر فهو قد يتنكر مجرد مايلاحظ بعض الاخطاء الله يحمى وطنا من العابثين والحاقدين والف تحيه وحترام لك ابو انس

خاطره
حب الوطن ماله مثيلا يحاليه
حبه على كل المحبه يفوقي
حبه بدم القلب يجري مجاريه
يجري مجار الدم وسط العروقي
غير الوطن مال الرجل ما يذريه
للدار مثل الوالده بالحقوقي
ومن لايصدقني يجيني وانا انبيه
حتى يعرف اني بقولي صدوقي
يسئل كويتي يوم جاره عدا فيه
جلاه من داره طموعا ****ي
ويسئل فلسطيني تهدم مبانيه
والقلب من فعل اليهود محروقي
ويسئل عراقي يوم حل القضا فيه
هبت عليه بليل قبل لشروقي
وسوري وليبي واليمن ماني ناسيه
الكل منهم جاء فريست بيوقي

[ابن الصحراء]

خاطره بسبب تعطل مصرف الراجحي

الراجحي خرب الرصه
ضيع علينا مكاسبنا
اليوم غايب عن الحصه
ولاشال هم لمطالبنا
سليمان هو يعلم القصه
ويدري ببنكه معذبنا
والا بها شي له نصه
يربح بسبت مصايبنا

من اراد يظيف مسموح

[ابن الصحراء]

[SIZE=5] حكم وامثال رائعة السبيعي
خلقت في الدنيا وأنا ما معـي شـي .. وبروح منهـا ما معـي شـي منهـا

قصيدة للشاعر:

مبارك بن فايز البخيِّت آل محمد السبيعي

وقصة هذه القصيدة كان الشاعر مبارك فايز البخيِّت السبيعي في منطقة بحرة محافظة جدة عام 1395هـ وكان بيته مفتوح لجماعته وجميع من يقصده ، وفي احد الايام سيّر عليه مسايير من جيرانه وأبناء عمومته وقاموا ينصحونه عند الكرم وكان يسوي لهم القهوة على النار ودق البهار في النجر وهوجس من كلامهم وبدل ما يحط البهار في الدلة حطه في البراد فانتبه له بعضهم فقال وش بلاك يا البخيّت عسى ما شر ؟
تراك خربت الشغلة ! .. قال : لا أنتم اللي خربتوها
ومن الغد قالوا له : هل الهوجاسة التي بالأمس أتت لها بنتائج
فقال : نعم .
وقال هذه القصيدة المشهورة:
سجه مـع الهاجـوس طبيعـة ٍ لـي ّ
طبيعـةٍ بمـوت ما جـزت عنهـا
أشكي على الخلاق وارفع لـه إيـديّ
لاكثـرت الأفـكـار يـفـك منـهـا
أما الكرم قد فـاز بـه حاتـم الطـيّ
حتى الفرس من شان ضيفه طعنهـا
خلوني أكرم في حياتـي وأنـا حـيّ
ولا مت مـدري جثتـي مـن دفنهـا
خلقت في الدنيا وأنـا ما معـي شـيّ
وبروح منهـا ما معـي شـي منهـا
مسكين ياللي تحسب الواجـد شـويّ
والعافيـه لـو تنشـري وش ثمنهـا
يا جاهـل الدنيـا تراهـا كمـا الفـيّ
يا مخبل اللـي فـي حياتـه ومنهـا
إن ناحرت لك قامت تـروح وتجـيّ
مثل الذلـول اللـي طويـلٍ رسنهـا
وإن أدبـرت خلتـك طايـح ومرمـيّ
وكم واحـد ٍ لـه حاجـةٍ ماضمنهـا
لابد ما نرحـل عـن المـزح والغـيّ
ونسكن بيـوتٍ قبلنـا مـن سكنهـا
النفس مثل الغصن عايش على الـريّ
ولولاه كـل النـاس عافـت وطنهـا
يالله عسى الحسنات تقضي على السيّ
لا قربـوا للنفـس ذرعــة كفنـه

لكن اخيرا حصلت عليها طلابه لان هناك شخص ثاني ادعى انها له وصارت عليها طلابه وحطو حكام يحكمون باثباتها لاحد الشاعرين مادري الحكام اثبتوها لمن -- انا اعتقد انها ل مبارك لكن يطلع قمر ونشوف[/SIZE]

[هنادي]

ويكتبُ اللهُ خيرًا أنت تجهلهُ

وظاهرُ الأمرِ حرمانٌ من النعمِ

ولو علمتَ مراد الله من عِوضٍ

لقلتَ حمدًا إلهي واسع الكرمِ

فسلّم الأمرَ للرحمن وارضَ بهِ

هو البصيرُ بحالِ العبد من ألمِ .

المتنبّي

[ابن الصحراء]

ويكتبُ اللهُ خيرًا أنت تجهلهُ

وظاهرُ الأمرِ حرمانٌ من النعمِ

ولو علمتَ مراد الله من عِوضٍ

لقلتَ حمدًا إلهي واسع الكرمِ

فسلّم الأمرَ للرحمن وارضَ بهِ

هو البصيرُ بحالِ العبد من ألمِ .

المتنبّي

احسنتي الا ختيار اختي هنادي وشكرا لك على المشاركه ولو انني ماشوف لك حضور مثل ماكان
او حنا ضعنا بالمعمعه معظم الطرق ماعرفناها تحياتي

[هنادي]

احسنتي الا ختيار اختي هنادي وشكرا لك على المشاركه ولو انني ماشوف لك حضور مثل ماكان
او حنا ضعنا بالمعمعه معظم الطرق ماعرفناها تحياتي

صحيح غبت فترة ..
لكن اشوف مشاركاتك في المدونة قلّت .. شد حيلك قبل رمضان
الله يبلغنا ويّاك رمضان واحنا بصحة وعافية ويبارك لنا فيه ويجعلنا فيه من المقبولين .

[ابن الصحراء]

صحيح غبت فترة ..
لكن اشوف مشاركاتك في المدونة قلّت .. شد حيلك قبل رمضان
الله يبلغنا ويّاك رمضان واحنا بصحة وعافية ويبارك لنا فيه ويجعلنا فيه من المقبولين .

[size=5
]لمهم ان شاء الله الصحه طيبه والامور زينهوالله فعلا نشاطي قل مافيه حركه تشجع ولافيه مشاركات والموقع ماعرفنا نتعامل معه زين
لكن نبي نحاول نمشي معه والله يصلح الامور
[/size]

[هنادي]

فإِن تسألني كيف أنتَ فإِنني * صَبُورٌ على رَيْبِ الزمانِ صَعيبُ

حريصٌ على أن لا يُرى بي كآبة * فيشمتَ عادٍ أو يساءَ حبيبُ

اصبرْ قليلاً فبعد العُسْرِ تيسيرُ * وكُلُّ أمرٍ له وَقْتٌ وتدبيرُ

وللميمنِ في حالاتِنا نظرٌ * وفوقَ تقديرِنا للهِ تقديرُ



(قيل الأبيات لعلي رضي الله عنه )

[هنادي]

قيل أن أحد الشعراء والذي عرف عنه البخل

أراد أن يشارك صديقه في كُلفة الطعام فأنشد قائلآ :

منك الدقيقُ ومني النارُ أوقدها

والماءُ مني ومنك السّمنُ والعسلُ



منقول

[ابن الصحراء]

قيل أن أحد الشعراء والذي عرف عنه البخل

أراد أن يشارك صديقه في كُلفة الطعام فأنشد قائلآ :

منك الدقيقُ ومني النارُ أوقدها

والماءُ مني ومنك السّمنُ والعسلُ



منقول

هههههه بخيل وذكي ليست غريبه من البخيل تمر اشياء مشابهه اثنا بعض الرحلات شكرا هنادي