ابشركم فتحت حساب في الراجحي (ساعدوني )

[المحـــارب]

الشيء السيء الوحيد فيه وممكن ميزه انه اول مايحس ان السوق بيبداء هبوط يعلقققق هنا تفهم ان السوق بيدحدر ...

موفقين جميعا

على نياتك انتي
وين ميزه الا نذاله منه
ما تقدر تبيع
مدري ابو ابراهيم وش يبي بأبو تعليقه :)

[ابو ابراهيم]

يامال العافيه والله
حسام الله يبيض وجهك
ابزبط المحفظة بس مابعد طلعت بطاقة صراف

ابوياسر
مشكور ياعم
وابو ليانو ماقصر ابشرك

جريح الصمت
المحلل القادم من بعيد
تراك لخبطتي وش استثماري وش جاري
اكيد جاري <<<< جاري حموده
والتطبيق ياخي ما احبه على الجوال
خلنا على الجهاز ازين

ولد القصيم
ياهلا وغلا
انا ماعرفت افتح المحفظة حتى تحرير هذا الرد المبارك

ابو فارس
يامال العافيه والله
واشكرك على ردك وتنبيه ابوليانو على الطريقه

ابو ليانو
مرحبا 12 الف

تبدا خطوات تسجيل مستخدم جديد ابو ابراهيم حبيبي

معاك على الخط
كمل جعل والديك في الجنه
بس فيه شرط

1. تأكد من توفر بطاقة الصراف الآلي لمصرف الراجحي سارية المفعول

للآسف مابعد طلعت بطاقة صراف
تونى جاي من كذا بنك وكل اجهزتهم الذاتية ماطلعت لي بطاقة


المحارب ابو فياض
هلا والله وسهلا
وشو بيجرني انا توني صغير مالحقت على البيجر انا لاحق على جهاز نوكيا وانت طالع
وعلمني كيف الاكتتاب يابو فياض

ومشكورين جميعاً
والله يجزاكم كل خير

[ابو ابراهيم]

حركات البنوك مايتركونها ابداً
يوم عرفو اني فتحت حساب في الراجحي
جوني يركضون ويعطوني فلوس
تكفى ارجع لنا تكفى اجلس
وانا فاضي لكم
ابغى اكتتب وابغى مباشر مجاني
وقلت للموظف
ارجوك ابعد عني




ودخلت على المدير
وطلبت اسحب حسابي
قال لي حسابك رافض انه ينتقل
تبغى انادي حسابك ابشر
قلت ناده
وجاء حسابي على شكل هد دق
وابغى اسحبه وهو رافض بشدة
هي وحده من ثنتين يا انا مسحور ياحسابي جني

[المحـــارب]

المحارب ابو فياض
هلا والله وسهلا
وشو بيجرني انا توني صغير مالحقت على البيجر انا لاحق على جهاز نوكيا وانت طالع
وعلمني كيف الاكتتاب يابو فياض

هلا فيك
الاكتتابات اخر عهدي فيها من سنين تعبي ورقة الاكتتباب للشركه وتسجل بيانات عائلتك معاك وتروح للبنك
وعلى فكره يفتحون لك محفظه مباشره
لكن اذا صارت الكتروني فلا علم لي بطريقتها افتح مباشر الراجحي وابحث عن الاكتتبات فالقائمه يمين
واخر بحثي للاكتتبات كان في زيادة راس المال وكذا
عاد اذا تطوروا خلال العشر سنين الاخيره ويصير تكتتب بدون ورقي فالبس النظاره وعبي البيانات

[أبو نواف.]

وعليكم السلام ورحمة الله وبركاته
الي اعرفه عشان تفتح محفظة عن طريق الراجحي الماليه تزور الفرع أو تكون مكتتب قبل باي شركة (الكلام هذا على ٢٠١٧ تقريبا)
طبعا بعد اسبوع بيبدا اكتتاب اكوا باور تقدر عن طريق الراجحي مباشر بعد تسجيل الدخول التمويل والاستثمار٫ خدمات الاكتتاب
بعد تخصيص الأسهم تقدر تفتح محفظة جديدة عن طريق الراجحي المالية

[ابو تركي]

حركات البنوك مايتركونها ابداً
يوم عرفو اني فتحت حساب في الراجحي
جوني يركضون ويعطوني فلوس
تكفى ارجع لنا تكفى اجلس
وانا فاضي لكم
ابغى اكتتب وابغى مباشر مجاني
وقلت للموظف
ارجوك ابعد عني




ودخلت على المدير
وطلبت اسحب حسابي
قال لي حسابك رافض انه ينتقل
تبغى انادي حسابك ابشر
قلت ناده
وجاء حسابي على شكل هد دق
وابغى اسحبه وهو رافض بشدة
هي وحده من ثنتين يا انا مسحور ياحسابي جني

عبيط يابو ابراهيم
الاعضاء على نياتهم مصدقين يشرحون لك
ما يدرون انك ابو التكنلوجيا كلها

[جريح الصمت]

يسعد صباحك يابو إبراهيم
الاكتتاب عن طريق مباشر الأفراد في خانة الاستثمار
هذا في الحساب الجاري
مباشر الأسهم لازم محفظة تداول الحساب الاستثماري
بدون تروح البنك كله إلكتروني بس يطلب رقم العميل
ورقم بطاقة الصراف
في الراجحي المالية فتح محفظة جديده
طريقة ابو ليان

[المحـــارب]

عبيط يابو ابراهيم
الاعضاء على نياتهم مصدقين يشرحون لك
ما يدرون انك ابو التكنلوجيا كلها

ابو تركي اذا كلامك صدق ومتعبنا الأخ ع الفاضي
بكره اقدم فيه طلب بهيئة المعلومات والجرائم اللألكترونيه
ينقلونه لموزنبيق يجيب لنا فواكه وخضروات وشوية قميري وبط

[ابو تركي]

ابو تركي اذا كلامك صدق ومتعبنا الأخ ع الفاضي
بكره اقدم فيه طلب بهيئة المعلومات والجرائم اللألكترونيه
ينقلونه لموزنبيق يجيب لنا فواكه وخضروات وشوية قميري وبط

هههههههه
امزح يابو فياض
اهم شي موزنبيق لاينقلونه لها ثم يصير هو بط

[المحـــارب]

هههههههه
امزح يابو فياض
اهم شي موزنبيق لاينقلونه لها ثم يصير هو بط

زين . زين يابو تركي
ابو ابراهيم سو نفسك ما شفت شي

تروح لخانة مربع يمين تلاقي الاستثمار
واحتمال تلاقي الاكتتبات
واحتمال لا فإن كان لا
فدق سلف وأقرب فرع راجحي شف شغلك
على فكره هو باقي اكتتبات مثل أول تستاهل ****اء

[ابو ابراهيم]

عبيط يابو ابراهيم
الاعضاء على نياتهم مصدقين يشرحون لك
ما يدرون انك ابو التكنلوجيا كلها

والله اني صادق اني ضعيف في هذي الامور
وازيدك من الشعر بيت
البارح من صراف الى صراف في بنوك الراجحي ابغى اطلع بطاقة من الخدمة الذاتية ورفضت ماطلعت لي
مادري ليه
واليوم ان شاء ابمشي على كذا صرافه ابغى بطاقه صراف

ومشكورين
يابو تركي وياجريح الصمت ويابو فياض على ردودكم الي ان شاء الله ابرجع لها
اذا طلعت بطاقتي
وترى فيه اكتتاب اكو ابار يقولون اكتتاب ممتاز
لايفوتكم ونفتح موضوع متابعه له
بس اخاف مايجينا الا ثلاثه اسهم

وشكرا لكم

[ابو ابراهيم]

الحمد لله ترى الوضع سليم 100%
والسهم دار الاركان ماشي مع التحليل ومايحصل مجرد مناورة الصانع في حدود المسموح له بالتحليل
كما اورد ذلك ابو عبدالله
والسهم جاهز بمعنى كلمه جاهز
ممكن تكون فزته غدا او خلال هذا الاسبوع او الاسبوع القادم
يعني خلاص ماحنا بعيدين بأذن لله
كل المؤشرات تقول للسهم اخلص علينا نحن جاهزين
بس المضارب يحب يعاند مثل ذوليك يعرفون ان هذا صحيح بس يعاندون
وعلى طاري ذوليك <<<<< ايه هم الي اقصدهم
شريت لي جهاز من اليابان يمدحونه يقولون تستعمله لكلش
فكرت اني استعملة في معرفه الشموع اليابانيه ومنها اتعلم كارتيه اذا قفل السوق
وصراحه الجهاز حلو صار يكشف تحركات المرجفين ميزة خطيرة فيه



وميزة الجهاز تكتب اي شي ازين من قوقل لانه يجيب لك فيديو مانشر على وسائل التواصل
وكتبت فيه عطني وش صار على مرجفين القيعان
عطاني فيديو وكذلك قبل ما انسى ميزة الجهاز يتكلم بللهجة الفصحى
وقال يا ابا ابراهيم ان المرجفين فلان وفلان اجتمعو وذاهبو الى المرجف الكبير لهم
بس تكفى لاتذكر اساميهم اخاف ماعاد يستوردوني من اليابان <<<<جهاز فاهم وش الحاصل
وهذا فيديو لهم من الاقمار الصناعية فلان وفلان



وعندما وصلو الى مرجفهم الكبير من الموسوسين
قال لهم هيا بنا الى منتداهم المضارب فالسليمي لن يعرفنا
وعندما ذهبو الى منتدى المضارب
كان السليمي وابو فياض يسولفون عند باب المنتدى
وعرفهم السليمي ولكن لاتسالني كيف عرفهم
ووضع امامهم مانع لا يدخلون للمنتدى الا اذا كانو نظيفين
واليك الفيديو


ورجعو الى محللهم يبغون اي شارت

صراحه الجهاز قوي جداً مع ان سعره 90 يورو كم بالريال مادري
الحين مادري وش اكتب في الجهاز


همسه
كتبت في الجهاز ابو ابراهيم ابجرب وياليتني ماكتبت
وطلع لي = ياخي انت وش قصتك لاتعرف تحلل وتحلل ولاتعلمت التحليل وتحلل
ومن زين الطبايع تشرح الشارت وانت ماتعرف الشهري من الاسبوعي الا اذا جلست تعد في الشموع
ياعمي طير انت من جنبها
خلك في الصناعيه وتخب عليك
ايه انت لاتسوي نفسك موتفاجاء <<<<عجزت ماعرفت اكتبها

همسه 2
الجهاز للبيع

[جريح الصمت]

يسعد صباحك
كلامك عن الجهاز جميل
بس ليش ما صحح لك كلمة متفاجئ
معناته أن الجهاز ماهو على قد كلامك وتبي تبيعه علينا
بس صدق بكشفه للمناديب

[بارع]

بيض الله وجهكم على توضيح فتح حساب في تداول الراجحي