صدفه خير من الف ميعاد بني حرب ابو محمد

[ابو فارس]

أنت تستاهل يابو رغد وبني حرب وافي حفظكم الله جميعًا .

[أبوطارق222]

حفظكم الله جميعاوبارك بكم

[ابوسارة]

مشاء الله ابومحمد رجل وافي و يفرض احترامه
الله يوفقه و يديم المحبه بينكم

وانت تستاهل يابورغد

[بني حرب]

السلام عليكم ورحمة الله وبركاته

كلمني بني حرب يسلم ربي يحفظه ويسأل عن حائل يوم الاثنين وبلغته اني يوم الثلاثاء امر حائل ليلاً لان زواج اخواني يوم الخمس بالعلا .

الرجل انتظر لين دخلت حائل ودق علي يبي يشوفني ويسلم علي تقابلنا بحائل ممكن ربع ساعه وعزمته يشرف محلنا اذا وقته يسمح وسريت للعلا ودق علي الخميس يقول ارسل لي موقعك الان وشرفنا هو وابو براهيم من ربعه وزاد فرحنا بهجه وسرور رفع الله قدرك يا ابو محمد وجمل الله حالك وفي وعلم غانم والله اني ودي ان جلس لاكن ضروف حصلت ولازم يمشي .

عنوتك لي تاج على الراس وان اطال الله بعمارنا على وعدنا

تسلم ابو رغد والله يرفع قدرك دنيا وآخرة وشرف لنا شوفتك وحضور زفاف حبايبك والله يبارك لهم ولك والحمدلله يسر لنا شوفتك وربعك والنعم فيكم اهل كرم وجود ومن الشيبان طلب 3 ايام ما نخرج من الديره وكل من سلم طلب المبيت والغداء عنده بيض الله وجيهكم لكن بعد حب الخشووم وسمح لنا ابو رغد بسبب الظروف جزاه الله خير والسموحه يا ابو رغد.

ضحك على ابو رغد قال وصلني البيت معك لين دخلني مع بوابه وما دريت الا الحري في صندوق الونيت وما قدرنا نتفكك منها وجمل الله حالك ابو رغد

معرفتك غنيمه تفرح بها الرجال وعلى وعدنا بأذن الله

[بني حرب]

ماعليكم زود يالحبايب والنعم فيكم