هل ترشح ابو ابراهيم محلل فني

[القبطان]

جايكم امشي الف
ثواني واننا عندكم معي خبرين
وتوني صابغ شعري مثل لون معرف المحلل الفني



الخبر الاول الظاهر انهم لقو علاج للمرض كورونا
الخبر الثاني طرف علم ان في تمديد للتجول الى 9 مساءً
وكلها تدعم حياتنا و السوق ,

اليوم ابوعبدالله السليمي اعلن علي الحرب
في موضوعه وبلغ على الدوريات
وانا في طريقي الى عملي في مدفع رمضان
جاتني دورية وقالت على جنب ياصاحب اللكزس <<<<< امنيتي بلكزس وش اسوي
نزل رجل الامن وقال انت ماغيرة ابو ابراهيم
قلت نعم عسى خير
قال فيه شكوى ضدك من ابوعبدالله السليمي
قلت افا هذا ياخي صديقي
قال تقول هذا الكلام في المخفر <<< وين في الكويت حنا
قال امشى قدامي وانا امشي تذكرت المدفع وماعاد باقي الا نصف ساعه
وادعس على السيارة مثل مايقول حبيب قلبي بورصه دوووووس
والدورية وراي وانا مركز ولا افكر الا بالمدفع انه يثور في الوقت المناسب
واتذكر حركتي الي اسمها مابداهاش
وطبقتها ونجحت



وابشركم راحت الدورية
واطلقنا المدفع في الوقت المحدد وافطرت الناس
يازين الحياة الهادئه
وماقهرني الا ليش السليمي يبلغ عني
مع اني كنت امزح معه
وبعد مرور الليل وجاء الفجر
انطلقت ابروح لبيتنا وفجاة القى امامي هذا الي سحبني
هذا هو تذكرونه



قال ياهلا بـ شوماخر
روعني وقلت يامرحبا وانا في نفسي اقول وش جاب ذى النجس الحين
بيسحبني في هالشوراع
قال آجل منحاش من الدورية شف انا ماعندي يمين يسار
يا انا يا انت في هذه الحياة
قلت يابن الحلال وش بيني وبينك
قال اخرس <<<<عرفت انه شايف فلم ومتاثر به النجس
ابعطيك سلاح وانا معي سلاح
وقعد يقول كلام انجليزي
A man is a man
انا نسخت النص وعلى طول للترجمة طلعت
رجل قدام رجل
حتى الترجمة ضدي
وعطاني مسدس ابو محالة ياهو ثقيل المسدس بس الصراحه المسدس نظيف
قلت له انت الظاهر شايف فلم كابوي وتبغانا نسوي مثل كذا

قال نعم و ابعد الى 3
ثما اطلق علي وانا اطلق عليك مثل الكابوي
قلت من جدك انت
قال نعم
يالله خلك جاهز وخذ هذي القبعه عشان تكون في الصورة
ون
تو
وانا اتنافض
والصراحه انا ماسمعت 3
سمعت صوت الطلقة




وابشركم صار النجس مايعرف يطلق زين
والحين الامور تمام



معليش دخلتكم في مواضيع ونسيت احلل
السوق ممتاز جداً
والله يوفقنا جميعا ً

مادام فيها صبغة شعر .. صوت بالرفض وبشدة ..
غيرة شيبان ..😁😁

[ابو مرام]

السلام عليكم


اول شي الله يتقبل منا ومنكم الصيام والقيام

انا الان في الهواء وشكلي خلاص ابهبط
عساني اطيح على ناس كويسين

تم التصويت تستاهل يابو ابراهيم

اذا كنت لا تزال طائر شوف لي اسمنت الشرقيه ايش علومه

الله يسعدك على اسلوبك الرائع

[سعد العتيبي]

تم التصويت بنعم

و ما فيش حد احسن من حد

يا خوي انت اللي يكسب معك و الا يخسر معك صدقني من طيبة قلبك و محبة الناس لك تسد

[ولد البكيرية]

اللقب الجديد👇🏼

ابوابراهيم
محلل فني ومالي وزمني ورقمي وجوي قدير

مدري يقبل المنتدى هاللقب الطويل والا يسوون له اعادة برمجه عشان يقبله🤣

أنا من رايي نعطيك فرصه وابصوت ب "نعم وبقوه" واذا شفنا انك بديت تخمبيق بنجيب لك "وجه النذاله" هذا 👇🏼

يسحبك سحب ويحطك برى على عتبة باب المنتدى ونخليك عظه وعبره لمن يعتبر.

[رابح على طول]

أنا ارشحك ملك المحللين كلهم 😂😂👏👏
حفظك الله ورعاك يا ابو ابراهيم

[بني حرب]

ابو ابراهيم المفروض له لقب خاص

ملك الكوميديا