وراك يابنتي من الصبح تبكين

[العقيلي]

قد يخاطب الاب ابنه او ابنته بكلام منثور وقد يحسن ذلك او لايحسنه
لكن ان تصاغ هذه المخاطبه بقالب شعري مع اجادتها قليل من يحسن ذلك
ومن هولاء القلايل الشاعر عبدالله بن زويبن المعمري الحربي


آترككم مع القصيده...



وراك يابنتي من الصبـح تبكيـن
ترى دموع العيـن ماهـي خفيـه


تبكين وآبكيتـي صغـارٍ برييـن
وآنـا بعـد دنيتهـا هاشمـيـه


مير البكا والحزن ماهو بها اللحين
فرقا بنات الناس ماهـي قضيـه


الياتعـدت عشـرة ايـام تنسيـن
انـتي وهـن كـلٍ يسليـه حيـه


لاكن اليا حطو على راسي الطيـن
هاك النهار اليـا بكيتـي عليـه


ومدام انا وانتي على الارض حيين
ياسعد عينك لـو بكيتـي شويـه


والله لا نسيك الزعل لين ترضيـن
ومهدلـك الدنيـا فجـوجٍ فضيـه


واحماك مثل حماية الجفن للعيـن
وكلش فداك اليـا بغيتـي شريـه


يفداك ماشافت عيونك من الزيـن
لوان متر الثوب من خمس ميـه


لواني اسجل علـى ذمتـي ديـن
زودٍ علـى مايملكـنـه يـديـه

[ADMIN]

الله ما أروعها والله ذكرتني بالوالد الله يرحمه
أغلى علاقه بين الأب وابنته ما اظن تقارن باي علاقه بين امراه ورجل
من اروع ما قرأت بس والله حزينه
تسلم ايديك اخوي العقيلي

[ابو رغد]

بارك الله فيك قصيده معبره

[أبو فراس]

( يا سعد عينك لو بكيتي شويه )
صوره شعريه معبره .
قصيدة لها وقعها على القلب

الله يرحم الشاعر عبد الله الحربي ( ونعم بخوالي الحروب )

صح لسانك شاعرنا

وبارك الله فيك ابا محمد على نقل هذه الابيات القيمة .

[رعد]

( يا سعد عينك لو بكيتي شويه )
صوره شعريه معبره .
قصيدة لها وقعها على القلب

الله يرحم الشاعر عبد الله الحربي ( ونعم بخوالي الحروب )

صح لسانك شاعرنا

وبارك الله فيك ابا محمد على نقل هذه الابيات القيمة .

وانا اقووول ليش ابو فراس مهو ساكن الفواره او مكه مثل اكثر عيال عمه وش الي مسكنه ديار حرب اثر خوالك حرب
ونعم فيك وفي خوالك يابو فراس

[ابو سلطان]

لاكن اليا حطو على راسي الطيـن
هاك النهار اليـا بكيتـي عليـه


ومدام انا وانتي على الارض حيين
ياسعد عينك لـو بكيتـي شويـه
صح لسان قايلها ....وبيض الله وجهك يالعقيلي على الاختيار

[العقيلي]

شاكر مروركم العطر جميعا احب شعر عبدالله بن زويبن وارجو كل من قرا قصايده يدعيله.

ملاحظه
مابيني وبينه معرفه ولاكن حق المؤمن ع المؤمن ان يدعوله وخاصة الموتا رحم الله موتانا جميعا

[انتهينا .!]

ومدام انا وانتي على الارض حيين

ياسعد عينك لـو بكيتـي شويـه

راقت لي بصراحه


هذا البيت لوحده قصيده كامله

يحتوي على صوره شعريه حزينه في منتهى الروعه والجمال

[الواقعي]

صح لسان الشاعر وصح منقولك يعطيك العافيه

[رمش]

إختيار يدل على ذوقك الجميل

[العقيلي]

راقت لي بصراحه


هذا البيت لوحده قصيده كامله

يحتوي على صوره شعريه حزينه في منتهى الروعه والجمال

صح لسان الشاعر وصح منقولك يعطيك العافيه

إختيار يدل على ذوقك الجميل

مروركم وسام ع الصدر

[AbuNader]

والله لا نسيك الزعل لين ترضيـن
ومهدلـك الدنيـا فجـوجٍ فضيـه

واحماك مثل حماية الجفن للعيـن
وكلش فداك اليـا بغيتـي شريـه

يفداك ماشافت عيونك من الزيـن
لوان متر الثوب من خمس ميـه

قمة الروعة وفن صياغة الكلمة
تسلم يدينك وصح لسان قايلها

[القحطاني ابو شنب]

بيض الله وجهك روعه
ورحم الله قايلها وامواتنا واموات المسلمين
اللهم امين يارب العالمين

[التسمعي]

ابدااااااااااااااااااااااااااع .. مشاعر الاب لابناءه ليس لها مثيل .. اللهم احفظ والدينا وارحم امواتنا واموات المسلمين